بليز لاصحاب الخبره ساعدوني انا جديده :(

[الغزاله المجروحه]

السلام عليكم ورحمه الله وبركاته
احب اشكركم جميعا ع مشاركاتكم وتفاعلكم

بس اتمنى انكم تساعدوني ^^

انا اشتريت ببغاء كاسكو افريقي

بس قاعده اعاني معاه من يومين

هو مايعضني ابدا ابدا واضا عض عضه جدا خفيفه ماحس فيها
بس المشكله انه مب راضي ياكل من ايدي ابدا ولا يصعد على ايدي
ويوم اطلعه من القفص بصعوبه وابد مايرضى يرجع يدخل ويوم يدخل ابد مايرضى يطلع

الي انا مستغربه منه انه يرضى احط ايدي ع راسه وامسح له بس مو راضي ياكل مني ويوم احط ايدي ع راسه وامسح له راسه يمسك منقاره بالقفص احسه وااااايد خواف
انا اباه يتعود عليه وياكل مني وايد متضايجه مايتقبل ولا شي بس امسح ع راسه
بغيت اعرف اذا الكاسكو كان ذكر او انثى كلهم يتكلمون وله فيه فرق وكيف اعرف الي عندي ذكر ان انثى

وابي اعرف كم عمره وهل هو بحاله جيده ؟
احسه كبيره بس يخاف انا بحط لكم مقطع فيديو وصور والي يعرف له يخبرني عن عمره وصحته وهل هو اصلي وشكرا واسفه ع الاطاله

[الغزاله المجروحه]

هذا مقطع الفيديو وارجو انكم تفيدوني كيف اتصرف معاه

واحسه مرات يطلع صوت مثل صوت كسر او مثل صوت يوم ياكل الحبه بس هالصوت من منقاره

شوفولي حالته هل هو زينه صحته وكيف اخليه يصعد ع الايد ومايخاف
واسفه ع الاطاله وجزاكم الله خير

[د. إحتـراف]

السلام عليكم


اختي طيرك خايف منك والحل بسيط جدا الطير لازم يعرف انك ماراح تأذينه أبدا اهو عنده اعتقاد انك راح تأذينه عشان كذا يرفض الاكل من يدك ويرفض الطلوع علي اليد

اولا الساعه 10 الليل شيلي الاكل منه وخليه ينام لحد الصباح

تعالي انتي الصباح وخذي الطير وطلعيه على القفص ويكون في يدك حب شمسي او الاكل الي يحبه الطير

الطير الان جائع افتحي يدك على القفص خليه يشوف الاكل اهو راح يجي ياكل من يدك لا تقومين بأي حركه عشان لا يخاف وقتها وطبعا خليه ياكل كم حبه لا يشبع يعني حبه حبتين

وقتها الطير راح يكون مرتبك وخايف لازم تكوني ساكنه في مكانك متسمره مثل مايقولون

بعد ماياكل امسحي على الطير والعبي معاه شوي وبعض نص ساعه نفس الطريقه سويها مره ثانيه

وبعد المره الثالثه نبدأ نغير امسكي الحبه بأصبابعك وقربي الاكل من فمه اذا اكلها امسحي على راسه واتركيه وكرريها 3 مرات وحطي الاكل لطير وخليه ياكل والعبي معاه

اليوم الثاني نفس الطريقه .

بالنسبه لطلوع على اليد لازم يكون عندك استاند عشان الطير يفهم عليك

وعمر الطير سنه بالضبط لان لون عيونه ابيض مثل ماهو باين وماشاءالله طير جميل جدا جدا لو مكانك ما افرط فيه ابدا

تقبلي مروري

[الغزاله المجروحه]

تسلم الغالي وماقصرت وتعبناك بس الطير اذا عمره سنه كيف مايتكلم انا اتوقع اصغر لان هو مايتكلم اذا انته شفت الفيديو بتلاحظ انه يصرخ بس


بغيت اسأله انا لاحظت عليه انه يطلع صوت مثل البحه او الشخير اخافه يكون مريض واسمع صوت من منقاره مثل شي ينكسر (طق )

وشكرا

[د. إحتـراف]

المشاركة الأصلية كتبت بواسطة الغزاله المجروحه

تسلم الغالي وماقصرت وتعبناك بس الطير اذا عمره سنه كيف مايتكلم انا اتوقع اصغر لان هو مايتكلم اذا انته شفت الفيديو بتلاحظ انه يصرخ بس


بغيت اسأله انا لاحظت عليه انه يطلع صوت مثل البحه او الشخير اخافه يكون مريض واسمع صوت من منقاره مثل شي ينكسر (طق )

وشكرا

الطير مايتكلم لانه ماتعلم الكلام


لقنيه كلمات سهله وخفيفه { فتو هلو الو بابا مين }


وصوت طقه المنقار هذي تدل على ان الطير مرتاح في المكان الي هو فيه او انه في فتره استرخاء

[عاشق طيور 17]

المشاركة الأصلية كتبت بواسطة الغزاله المجروحه

تسلم الغالي وماقصرت وتعبناك بس الطير اذا عمره سنه كيف مايتكلم انا اتوقع اصغر لان هو مايتكلم اذا انته شفت الفيديو بتلاحظ انه يصرخ بس


بغيت اسأله انا لاحظت عليه انه يطلع صوت مثل البحه او الشخير اخافه يكون مريض واسمع صوت من منقاره مثل شي ينكسر (طق )

وشكرا

ههههه يوم انه يضارخ ويلقد اصوات والله ها شي طيب طير الي عندي ما يرمس يوم يشوفني من اروح من عنده يتم يقلد انتي محظوظه مشاء الله طيرج يطلع اصوات مشاء الله جدامج ما ياخف لين اهناك يعني بس حاولي انج تخلينه في ايدج وايد عسب يتعود وحطي على جتفج وانا متاكد ان بيطير وبعد تمي معاه وحاولي انه يكون في مكان مع الاهل او معاج عسب ما يخاف ويتعود عليكم شوي شوي (( كل شي مع صبر بس خليج صبووووره)) صح نسيت عن سالفه طق طق ها شي طبيعي كل طير جي يحب يلعب ويطلع اصوات ومعظمهم يوم يكونو يواعنين ^_^
تقلبي مروري ان شاء الله المحترفين يساعدونج

[هاااايز]

اختي حالتي زي حالتك ما ياكل من يدي بس يركب على يدي سويت نفس الطريقه اللي شرحها اخوي دكتور احتراف ونجحت بس ما ياكل الا اذا هو جوعان يعني اذا هو شبعان ما يعطيني وجه وكيف يركب على اليد سهله انا سويتها ومن ثاني يوم ما شاء الله جاء على يدي اهم شي استاند يوقف عليه وبعدين تحطين يدك تحت صدره وتقولين اركب وتحركين يدك جهت صدره عشان يحط رجوله وتحاولين لين يركب وكرري العمليه لين يركب واذا ركب رجعيه مره ثانيه للستاند ومره ثانيه نفس الطريقه كرريها كم مره وان شاء الله يركب انا كان شرس ويعض بس صبرت وما شاء الله ثاني يوم اول ما احط يدي يركب على طول اهم شي الصبر

[الغزاله المجروحه]

الحمدلله انا اول امس اشتريته والحين بدا ياكل من ايدي :^^ بس المشكله انه ماياكل شي غير الحب وفلفل

ممكن تساعدوني كيف اخليه ياكل اشيا ثانيه وانا مستغربه منه هو يخليني احط ايدي ع راسه وامسح له جدا عادي بس مايصعد على ايدي ومايرضى يطلع من القفص وبعده يخاف بس انا مستغربه ليش يخليني امسح ع راسه وممكن تخبروني من الصوره هل هو ذكر ام انثى واذا كانت انثى تتكلم وله بس الذكر الي يتكلم والانثى لا
وكف اخليه ياكل اشيا ثانيه ,, وانا اسمع فيه صوت مثل البحه والشخير والحين هو يوم يرقد اغطيه بشرشف وليش يوم احط ايدي ع راسه يننفش ريشه كامل ويكبر .. اسف ع الازعاج ادري اسألتي كثر بس جزاكم الله خير مابتقصرون

[naasooh]

اطير للحين جديد وهو مستغرب من المكاان
يحتااج وقت
عطيه فرصه
ونفش الريش يكوون علامه تحذير منه أو أذا كان برداان أو أذا كاان في الشمس
و
أتوقع ألأولى
و
الفلفل الحاار أبعديه عنه
و
شوفي المواضيع المثبته فيها معلوماااتتفيدك