خرج ولم يعد ... اللي يجي ببلاش يروح ببلاش

[فلاش قطر]

السلام عليكم ورحمة الله وبركاتة

اكيد البعض منكم عارف سالفة الدرة ... ادخل بالموضوع وارجو المساعده

قبل 4 ايام كنت ادربه ان اخليه في مكان وابتعد عنه واخليه يجيني وشفت السالفة حلوه

فقلت ببعد المسافة وبطلع بالشارع

كنت حاطه على الاستاند وابتعد عنه 50 متر ويطير ويجيني ويا فرحتي وقتها هههههههههههه

وقلت ببعد المسافة اشوي وتمت ابعد المسافة كل اشوي ولا خاني

والحين بندخل بالسالفة

واذا بولد جيرانه جاي وجايب اكل للبيت هذا الكلام قبل الفطور بنص ساعه .. اقول في قلبي هذا وقته تجي انتي .. كنت بقول له اضرب الجرس

لكن قدر الله وماشاء فعل

اخذت منه الاكل وقلت له تكفى شوفها لا تروح

دخلت داخل البيت فقام يتلفت يمين شمال ما شافني وعلى كلام ولد الجيران

ان طار وراك والظاهر ماشافك غير اتجاهه لكن انا شفته دخل من الباب الكبير

وروح وادور عليه في كل مكان ماخليت سيارة الا واشوف تحتها والمصيبة ان الفريج مليان شجر

والاذن يأذن وانا اودر فوق تحت بدون فايده

وكل يوم بعد صلاة الفجر اعطي نفسي امل اني اسمع صوته ... والله اني حبيته حب

وهذا مقطع له

http://www.youtube.com/watch?v=zZ1frIvSjWM

والله واحشتني حركاتة وانا جالس على الجهاز

افيدوني بارك الله فيكم

[سكون الليل]

مشكله الله يرده لك مع انهم يقلون الطير يرد لصاحبه

ممكن اذا جاع يرجع لك

[yooyoo]

ان شاء الله بتسلها حط موضوع بقسم المفقودات

الله يعينك

[أبو ريـــــــــــــان]

انشاءالله ترجع لك والله حسافة عليها وإذا مارجعت الله يعوضك بأحسن منها

[محب للكوكاتو]

أنشاء الله تلاقيه

[من هواة الحيوانات]

أخوي الله يرجعُه لكـ~

لكن روح في وسط الشجر وأقعد انتظر وخل معاك الأكل وانتظر أو خل الأكل وروح ~

والدعاء للصائم مستجاب .. ادع ربك انه يرجع وان مارجع فيمكن تكون خيره لكـ~

الله يرجعه لك باااارب~

[عاشق ببغاء الدرة]

صح كلام أخوي
من هواة الحيوانات
و أدعي ربك وعلى فكرة ببغائي طار وقعت أناديه و أدعي لله إنه يرجع دحينه و جاه

[فلاش قطر]

بارك الله فيكم جميعاً ... وجزاكم الله كل خير

انا وضعت القفص والاكل خارج البيت .... ويالله اشوي وبيطلع الفجر باخذ لفه يارب تطلع

اشكركم مرة ثانية

[حياتي كلها كاسكو]

حبيبي تبي تلقاه حط اعلان بورق A4 ولصق على طول الشارع وحط رقمك عليه وان شا الله اللي خذاه بيجيبه لك لاتخاف أكيد واحد خذه

[فلاش قطر]

هههههههههههههه حياتي دعاية والله ودي لكن صعبه