ياجماعة سؤال عالسريع...هل هذا يأكل هذا؟؟

[اللؤلؤ المكنون]

السلام عليكم ورحمة الله وبركاته

كل عام والجميع بألف خير

وتقبل الله طاعاتكم

اليوم كنت بالسوق



اشتريت زوجين من السمك وهدول هنن





وهنن زوج ببغاء حجمه صغير يناسب حوض أسماكي

وزوج على ما أظن سيكلد نسيت شو اسمهوحجمه صغير

وفي عندي هالسمكة الغلاس الصغنونة



والى الآن ما نزلت السمكات الجدد على الحوض لأن خايف ياكلوها

مع اني تأكدت من البائع قبل ما اشتري

وقلي على مسؤوليته ما بيئذوها

بس ما بعرف ليش قلبي مو مطمن قلت لأسأل الخبراء

فشو رأيكن؟؟؟ من فضلكن ....

أرجو الرد السريع لأن الأسماك عم تنتظر بالكيس

وناوي بهالربع ساعة نزلهن واحجز الغلاس

لبين ما اتأكد إنو ما عليها خطر

سلام

[Dr Khaled]

إعزلها أو إستبدلها فليس لها عمر مديد معهم

[اللؤلؤ المكنون]

شكرا أخي دكتور خالد

هلأ نزلتهن على الحوض وجهزت الحضانة لاعزلها فيه

بس لاحظت انهن لهلأ ما قربوا عليها أبدا

وبدأت كل واحدة تبحث عن مخبأ لها والرامبو شارك الي عندي جن جنونها لأن جبتلها رفقات جدد

وماتركت حدا ما هجمت عليه حتى السمك القديم اللي متعودة عليه

بس حفظت انو هيك طبعها كل مرة بنزل سمك جديد بتهجم عليه وما بتحبه

وبتبقى يومين على هالحالة وبعدين بتهدى وبتتعود...

بس في أمر زعجني أنو الببغاء البرتقالية وهي من النوع الذي لا ذيل له

لاحظت في اهتراء بزعانفها وضرب على جانب جسمها

وسباحتها غير متوازنة

ولاحظت أمر السباحة عند البائع فقلي أنو كل هذا النوع هيك سباحته لأن ماعنده ذنب

هاد غير شكل غلاصمها الذي يفتح زيادة عن اللزوم وأنا غير معتاد على هالمنظر

مع العلم أنو هي أول مرة بقتني هالنوعين بتاريخ تربيتي للسمك

فادعو لي بالتوفيق وانصحوني من خبرتكن فيهن...

سلام

[Dr Khaled]

أخي الرينوبو شارك بعمرو ما رح يوقف فهو مقاتل شرس و صاحب نفوذ و ما بحب حدا يقرب على منطقته حتى لو كانوا فصيلته .....
أما السمكة الزجاجية مو شرط يبلش الضرب فيها طول بالك لياخد السمك على الحوض و بعدها شوف الخناقات ...
و الباروت مقصوص الذيل هذه أحد أنواع التعديل و التعذيب للأسماك حيث يتم قص الذيل بطريقة الكوي و لا أجدها طفرة فقد شاهدتها في جولاتي لمحلات الأسماك و تمحصتها بس للأسف طريقة القص للذيل بالكوي كما هو حال السمكة الزجاجية المحقونة بالمادة الفسفورية الخضراء.....

و لن تعيش طويلاً صديقي إذهب و إستبدلها حالاً بالسيكليد و السمكة الزجاجية و لمعلومك السكيليد يعيس لوحده حتى لا ينصح بدمج الأمريكي مع الإفريقي

[Dr Khaled]

بس دخلك ممكن صورة الحوض و شو أنواع السمك إللي عندك قبل ما تلبش تستضيف السيكليد؟

[اللؤلؤ المكنون]

شكرا أخي عذبتك معي

وبالفعل هلأ قررت أني بدل الباروت المقصوص الذيل بواحدة سيكلد مخططة لأن كتير حبيتها

وبعدين رفيقتها اللي من نوعها عم تضربها

وهي صورة الحوض كامل



والأنواع اللي عندي بيلكوكبيرة(صلو على النبي ) ورامبو شارك



وتنتين كلون لوتش وواحدة غلاس متأقلمة مع الحوض بشكل ممتاز والحمدلله

من شان هيك خايف كون جنيت عليها بشروة هالزوجين من الأسماك

واربع أسماك جديدة تم ذكرها مسبقا

أما الباروت التي تكلمت عنها فهلأ اختبأت بهذا الشكل وراء الديكور



ويمكن الضرب واهتراء الزعنفة واضح في الصورة

وأخيرا شكرا سلفا على اهتمامكم اللطيف

سلام

[Dr Khaled]

طيب مافي مشكلة ولو
إيه هلأ بدك تكثر من الفخارات شي 4-5 مشان القادمين الجدد و الغلاس فيش و الباروت تعطيهم تذكرة ذهاب بلا عودة. و إستقبال السيكليد أما الرينبو شارك خليه إسبوعين في حين تأقلم مع السيكليد (نسبة النجاح 50%) كان بها؛رغم إذا صار في تزاوج ما أظنه يتحمل العقبات ؛ وإذا لم يتأقلم بدله و جيب سيكليد من نفس العائلة... و موفق بالتربية.....
و فيك تلصق الفخارات فوق بعضها بالسيليكون أو أنك توزعها على ذوق.

[Dr Khaled]

أو أنك تحضر صخور مسطحة الشكل تراكمها فوق بعضها لتعمل كهوف متسلسلة و يمكن دمج الفخار مع الصخور.

لأ الباروت كامل يستبدل.

[اللؤلؤ المكنون]

طيب ما فيني احتفظ بالباروت حتى لو تأقلمت

لأن السيكيلد كتير صغار

والحوض عندي ناقصه سمكة من حجم الباروت خصوصا اللي زعانفها سودا

كتير لقيتها مناسبة للحوض

ولو انها حاليا احتلت المنطقة فوق الفلتر وما عد مبينة كتير وسط الحوض

وكل ما حدا قرب من موقعها عم تبعده

خصوصا أنو ما حدا عم يقرب عليها غير الرامبو

بس هي طلعت قدها وقدود وقدرت اتدافع عن حالها

أما السيكلد والباروت فما لاحظت مواجهات بيناتهم أبدا وكأن ما في وجود للآخر بالنسبة للأول

بس في شوية مناوشات طفيفة بين الباروت والهارت باروت

لأن تنيناتهن حب نفس المنطقة وعم يسبحوا فيها

من شوي طعميتهن حب قريدس ولاحظت أنو طريقة أكلهن سريعة جدا

فرقتهن جدا عن الأنواع اللي ربيتها مسبقا

وخصوصا السيكيلد كتير كتير كتير شرهة وما خلت ولا حبة تلحق تنزل على الأرض

وحشت تمها لدرجة ماعد وسع رغم انها كانت عم تحاول تاكل حب كمان بس ما قدرت ...

بس بصراحة خفت يصيرلها شي من هالشراهة

و وقفت اطعامهن رغم اني استمتعت بمنظرهن كتير

وأنا ماكترت أكل بس هي لأن حجمها صغير

بالمناسبة السيكلد المخططة لأي درجة بيصل حجمها ؟؟

وآسف على الاطالة بس دائما يلي بيشتري سمك جديد بكون متحمس وبحب يحكي عنه...

سلام

[Dr Khaled]

ما مشكلة تكرم بس لأنو النزاعات هلأ و هنه ضيوف بس لياخدوا على الحوض شوف الحكي بعدين.....
المهم عملية الإطعام بتعرف كمية مناسبة لأكل خلال 5 دقائق و هي كمية قياسية مع التعويد بتعرف قديش..
و الباروت أنا لا أنصح بجمعها مع السيكليد لكن يمكنك أخذ أكثر من رأي و بخصوص الطول الأقصى لأسماكك هو 10سم تبعاً لظروف معيشية جيدة....
راقب الرينبو بلا ما يأذى بعدين لأنو مستعد للقتال حتى الموت أحياناً وفق لسيادة المناطق و الله يوفقك. و لا تنسى الأسماك الجديدة شرسة و هو شبه شرس و يصبح مقاتل عنيف على سيادة منطقته. و الله يعين اللوتش ...... ( كتر المخابىء كما قلت لك).