عدة استفسارات من فضلكم ضرورررررررري الرد سريعاً

[xmoonx]

السلام عليكم ,, انا من مصر وعندي 20 سنة

وعاوز استفسر عده استفسار من فضلكم

انا ناوي اجيب كلب جيرمن شيبارد / ويكون 3 شهور / ويكون بيور من سلالة نقية

معلش هتعبكوا معايا في الاسئلة الكتيرة والمتعبة ,, ويجزيكم الله كل خير

------------------------

1-اول حاجة بالنسبة للسن هل افضل عمر للاقتناء 3 شهور ؟ وانا ناوي اربي الكلب بنفسي ان شاء الله ... اجيب اكبر من كدا ولا افضل عمر هو 3 شهور ؟

2- بالنسبة للطوق انا ناوي اجيب طوق واكتب اسمه عليه وعاوزة يفضل في رقبتة علي طول ,, فهل دا يسبب اذي !! مع العلم ان الليش مش هستخدمة الا في التدريب وهيكون بصورة متقطعة مش مستمرة .. لكن اريد ان يكون الطوق اساسي منذ الصغر فهل دا هيأذية ؟؟!!

3- بالنسبة للغذاء ,, انا ناوي أأكلة في الفطار والعشاء الاكل المعتاد ( بيض ولبن وخبز وأرز وخضار وفول والاشياء المعتادة ) ,,, اما بالنسبة لوجبة الغداء فهعتمد علي الدراي فود ,, فهل التنويع كدا مطلوب ؟ ولا اعتمد دايماً في كل الوجبات علي الدراي فود ؟ ولا اعتمد علي الاكل البيتي دايماً في الغذاء ؟

4- بالنسبة للشراء ,, ناس كتير نصحتني اني مشتريش من مزارع او اشخاص ,, واني اشتري من جمعيات لان بيكون عندهم اوراق وتراخيص وعندهم سجلات للاهالي والاب والام وسعرهم اغلي شوية بس باخد حاجة مضمونة ؟؟ !! ... فايه رأيكم في الكلام دا ولو حد عنده جمعية او مكان رسمي يا ريت يبلغني بيه !!

5- بالنسبة للادوات الصحية مثل الفرشة والليش والطوق وفرشة الاسنان والشامبو ... الخ ,, كم بتكلفني الادوات والاشياء دي ؟ عاوز اعرف غالية ولا رخيصة ؟؟!!

6- بخصوص التدريبات ,, ابتدي معاه تدريب من عمر كام ؟ وهل يوجد ترتيب معين للتدريبات ؟؟

شكراً لكم وعارف اني هتعبكم معايا