اسألة حول الكروان ؟

[جعفر السامرائي]

السلام عليكم
طابت اوقاتكم
عندي كروان يقولون عمره اربع سنوات !
المهم هذي بس معلومة انا مو مهتم بالنسبة للعمر !
كوكو الان بدأ يعرفني اكثر من اي واحد من الاهل
واحس انه يحس انه انا صاحبه .. .. واليوم هو يومه الرابع في البيت

تلخبطت علي الامور :

واحد يقول زوجه ... وصراحة انا ما اريد ازوجه الان
واحد يقول خليه بالقفص مسجون الى ان توصل مرحلة لما تدخل يدك في القفص ما يحرك ابدا "وانا سمعت ان حبس الكروان المنفردفي القفص كثيرا يعود بالضرر عليه .. والضرر انه يقلل من موالفته للبشر"
واحد يقول قص جناحه وخله بالبيت يفتر على كيفه حتى يتوالف مع البيت وجو البيت اكثر
واحد يقول ابدأ بترويضة باسرع وقت حتى لا تخسره
واحد يقول قص جناحه ورجعه بالقفص ! >>>> قلت له ما سوينا شيء
واحد يقول شنو تسوي له سوي لكن الان لا تحممه !
واحد يقول اصلا لا تقص جناحه

شنو اسوي ؟

انا شبه قررت اني اقص جناحه واخليه بالبيت يفر على كيفه واروضه .. شنو رايكم ؟ لاني مبتدأ !

شي ثاني : البارحة قرأت موضوع بالنت رسلي الرابط واحد من اصدقائي ، يقول انه لو ردت تروض اي نوع ببغاء حتى تتخلص من "العض" بشكل كامل على القفاز او على يدك تخلي عسل ، لما الحيوان راح يعضك يحس انه في حلاء شوي شوي راح يبطل هالعادة .. وصاحب الرابط يقول انه جربه مع الكاسكو يقول خلال يومين الكاسكو بطل يعضه ، هل هذه الطريقة تنفع الكروان ؟ ام ان العسل يسوي مشاكل للكروان ؟

وبعد شنو عندكم نصيحة ثانية بخصوص الترويض والتدريب افيدوني

طبعا كرواني ذكر

وانا الان جالس اكتب الموضوع وهو جالس يشوف علي

لا تحرمونا من ردودكم