ارجو المساعده طيري الكاسيكو

[كازويا]

السلام عليكم
مبارك عليكم الشهر
و عيدكم مبارك قبل النااااس

ادخل في الموضووع

انا عندي كاسيكو افريقي
تساقط ريشه و عالجته بصبااار و الحمدالله بعد فتره رجع ريشه مثل اول و احسن
بس بعد فتره يعني تقريباً ثلاث او اربع شهور
اشوف يطلع من ريشه زغب يعني ريش صغييير مره و يطير في الجو وبكميه كبيره
ودايماً يحك جسمه برجله او بمنقاره
يعني يحك جسمه بعدين ينفض ريشه و يطير الريش الصغير في انحاء الغرفه وبكميه كبيره
وكل ما انضفه و اسبحه في نفس اليوم يطلع الزغب من جديد في الجو
وانا متضايق منه كثير و افكر اني ابيعه بس والله قلبي مايطاوعني

ارجو اني القى الاجابه عندكم
تحياتي

[كاسكـــو]

طبعاً عرفنا منك كان عنده نتف بالريش والحمد لله انحلت المشكله

انت الآن تشتكي من الزغب الصغير الابيض وحك الطائر لجسمه برجله او منقاره ونفضه للريش وهذا طبيعي

هذي طبيعه في الببغاء مانقدر نخلي الببغاء يتركها لكن ممكن نشوف حل للقفص

هو فيه تلبيسات تباع عند محلات الطيور جاهزه او تقدر تفصلها على حجم قفصك وتلبس القفص

وتكون الجههه الاماميه مفتوحه والباقي مسكر عشان لايطلع الريش لبرا او تقدر انت تتصرف من عندك

بحيث تكون الجهه الخلفيه عالجدار والجهه اليمين واليسار انت تغطيها بشي والجهه الاماميه مفتوحه

انت ببغاء واحد وتشتكي اجل انا وش اقول 4 ببغوات وانواع الريش

[كازويا]

تسلملي يا كاسكو على الرد
والله يعطيك العافيه
انا عندي لبس لقفص
بس الي عندي مو طبيعي
يعني في يوم واحد يترس الغرفه كلها زغب في الجو
ولما دخلته صالت البيت في نفس اليوم المدام عصبت علي بسبب الزغم الي يطلع منه خلال يوم واحد
واكثر اصحابي تعجبو من الزغب الي يطلع منه

[أبو ريـــــــــــــان]

كلام اخوي كاســكو صحيح

لاتستغرب يا اخ كازويا الوقت هذا وقت تبديل الريش (القلش)

يعني شي طبيعي اللي تشوفة اجل لو تجي عندي البيت اعتقد انك بتحط يدك على راسك من كثر الريش والزغب

[كازويا]

يعطيك العافيه اخوي ابو راين على الرد
بس الكاسيكو الي عندي له اكثر من اربع شهور على هذي الحاله في تنتيف الزغب