زجاجة للحليب من اختراعي

[سمارتي]

السلام عليكم
اليوم أنا وعم طعمي قطي لبن بالقطارة تعذبت كتير وصرت فتش عن حل تاني ولمعت براسي فكرة ورحت مباشرة على صيدلية المنزل وجبت هذه

هيدي قطرة للأنف أو للأذن لازم ننتبه انها تكون نفس حجم هيدي مو أصغر وتكون شوية شفافة يعني نقدر نشوف السائل اللي داخلها
وهي من فوق شكلها زي شكل الرضاعة تماما

ناخذها ونرمي الدواء الموجود داخلها ونغسلها كتير كتير منيح بالماء ويفضل بعد غسيلها انو نحطها بمية مغلية لمدة دقيقتين حتى نتاكد ان ما ضل شي من الدواء
بعدين ننزع عنها الورقة

هلأ منجيب مسطرة ومنحطها بهالشكل عالعبوة

ومنجيب قلم حبره ثابت ما بيروح باللمس أو بالماء ومنحدد بالميلي على العبوة وأنا طلع معي 40 ميلي يعني 4 سانتي

هلا صارت الرضاعة جاهزة ولازم نمليها حليب بس كيف؟
منفتح الغطاء ومنشوف الجزء العلوي

منجيب كماشة ومنمسك الطرف العلوي ومنسحب لفوق أو منسحب للأعلى بس بشكل دائري

لازم تنتبهو ما تضغطو بقوة مشان ما تخرب القطعة

هلا مناخد العلبة بعد ما فتحناها

ومنعبي الحليب بملعقة أو أي شي تاني ونعيد القطعة العلوية لمكانها وبتصير عنا الرضاعة جاهزة

الكل بيعرف انو اذا بدنا نشتري رضاعة من محل الحيوانات رح يكون سعرها شوي غالي والأهل ممكن ما يرضو وبعد فترة بتنتزع فورا
وهيدي الرضاعة سهل انها تنعمل وما بتكلف شي وبالنهاية متعة
أتمنى كون أفدتكم وتكوني فهمتو عليي
وبدي منكم الدعاء لأمي بالشفاء
.....
...
..
.
وبس