ماخاب من استشار ابي رايكم فيه لاني بشتريه

[آلتحيه]

السلام عليكم مسسساكم الله بالخيرات


انا من محبي الطيور لاكن مافي بسنس


فودي اخذ مشورتكم بالببغاء ذا بحكم اني مااعرف عنهم شي


واتمنى انكم تفيدوني

كاسكو غير اليف غير محجل بس هادي مرره مايجعر الا اذا خاااف مره

هل هو زين والا لآ وكم تعطونه وهل هو يتكلم وهل في انواع من الكاسكو ؟؟

وش معنى محجل

[الآسطورهـ]

وعليكم السلام ورحمة الله وبركاته ..

مساك الله بالنور والسروور ..

اخوي الببغاء الي مو اليـف يعتمد على العمر ..

كل مايكون اصغر يكون احسن واغلى

لآن الكبير يصعب تدريبه عكس الصغير "الفرخ"

والافريقي طبعا من احسن الببغاوات المتكلمه ..

والكاسيكو له نوعين .. اول شي الي يسمونه الكونغو او النيجيري وهو المنتشر واسعاره فوق الـ 1000 للآليــف

والثاني الي هو الغيني او التمنه حجمه صغير وألوانه غامقه

هذا النوع مو مرغوب مثل النيجيري ..

والنيجيري له عدة احجام .. العادي "الكلاسيكي" الجامبو والسوبر جامبو

والالوان تختلف .. في منها الغامق والفاتح وفيه لون يميل للبني يسمونه "الجبلي"

وطبعا هذا غير الطفرات الي يجي احمر كامل او ابيض كامل ..

[آلتحيه]

بيض الله وجهك يالاسطورهـ واهنيك على المعلومات

طيب انت تعرف شكله من الصوره المشكله ماعندي الا صورة وجهه

والطير يبي يبيعه علي بـ900

سهله ماعندي مشكله ادربه

وش رايك يالغلا؟؟؟

[الآسطورهـ]

يبين من الجسم والشكل ..

هذا النيجيري ..



وهذا الغيني "التمنه" ..



لاحظ الفروق .. طبعا النيجيري حجمه اكبر من التمنه ..

لون المقار

لون الريش

لون الذيل

|

وبالنسبه للسعر .. اذا كان الطير فرخ وصحته ممتازه يستاهل

[آلتحيه]

الف شكر يالغلا


الصوره اللي عندي عيونه زي عيون اللي بالصوره الاولى اللي مو كلها اسسود فيها رمادي الصوره اللي تحت عيونه سود

وان تقول النجيري مش ولا بد
يالغلا

شاكر مرورك

[الآسطورهـ]

العيون مالها علاقه بالنوع ..

العيون تقدر تحدد منها العمر ..

الي اسود كامل فرخ عمره ماعدى الـ 6 شهور

والي رصاصي غامق عمره من 6 -- 8 شهور تقريبا

اما الرصاصي الفاتح من 8 -- 12 شهر

والابيض من 12 -- 14 شهر اعتقد

بعدين العيون تتحول للآصفـر

طبعا النسب تقريبيه ..

وبالنسبه للكلام النجيري هو الافضل ..

لكن في عضو عارض غيني يتكلم 20 كلمه ..

يعني المسآله على حسب التدريــب

وانتبه لا يغشونك بالغيني لآن اسعاره ماتعدي الـ 400 ريال للي مو اليف

ممكن تحصل على 300 - 350 وحولها

اما النيجيري يعتمد على الحجم والعمر .. الي عمره اصغر اغلى والي حجمه اكبر اغلى

[صمت الأمل]

نصيـــــــــــــــــحة ..


اذا أول مرة تربي طيور لا تبدأ بالببغاوات .. ترى والله بتجيك حاله نفسية ..


صح بعضهم ماشاء الله يتوفق ..


بس موب دايما ..


عشان كذا تدرب على الكوكاتيل أو البادجي أو طيور الحب .. وأرخص لك في السعر وأسهل في التربية ..


وحتى علشان تتدرب على أمراضها وحالاتها النفسية وتتعلم كل شيء عنها ..


لأن كل ماكبر حجم الطـير زادت احتياجاته وزادت المسؤولية فيه ..


هذي نصيحة مني .. أنك تاخذ الخبرة شوي شوي ..


والله يوفقك في اللي بتربية ويتربى في عزك .

[عاشق الكاسكوو]

اخوي الاسطورهـ كفا او وفا

بس اقول الكاسكو <حجم <كلاسيكي

[طير جارح]

اذ توك بادي بالطيور و مالك خبره أنصحك تاخذ ببغاء الدره مناعتها قويه ولعوبه لاكن ماتتكلم كلمات كثير يعني كلمه أو كلمتين واسعارها في متناول اليد يعني تلقى دره اليفه جدا جدا بالكثير 400 ريال
والله يوفقك بالاختيار المناسب