اشترك في نشرتنا البريدية ليصلك كل جديد

خبيرهـ الحيوانات · 30-09-2009, 03:11 PM

السلام عليكم
اهلاً
شلونكم ياااحلوين ...؟
الحمدالله تحقق حلمي بعد عناء طويل
ابوي اخيراً وافق على القطوة ... لاكن امي شوي مب راضية وتقول انتي على هواج اذا صادها مرض مسئوليتج
لاكن انا الحمدالله عارفة كل شي وانشاء الله مايصيدها مرض

المهم ...
انا اليوم باشتري قطوة الساعة 6 المغرب وابيكم تردون علي بسرعة قبل ما اشتري قطوة .
انا اتصلت في محل مال حيوانات وقالو لي في قطاوة بس كبار صغار مافي وقالو لي القطوة الكبيرة بـ 900 ريال بس ابوي ماوافق على اني اشتري قطوة كبيرة قلت له ليش ؟؟ قال لي القطوة الصغيرة احسن من الكبيرة ...وانا بخاطري بـ قطوة كبــيرة بس ابوي مهب راضي على الكبيرة وبعدين انا لو شريت قطوة صغيرة اخاف انة تكون مناعتها ضعيفة وبسهولة يصيدها امراض واخاف انها مب مدربة على اليتربوكس وبعدين القطاوة الصغار عندنا اغلى من القطط الكبار ...

والمطلوب منكم انكم تقولون لي تنصحوني بشنو اشتري قطوة كبيرة ولاصغيرة ومن احسن اشتري كبيرة ولا صغيرة وهل اذا اخترت قطوة كبيرة مافي مشكلة ولا لا ...انا خايفة اني اشتري صغيرة وتمرض بسرعة

الله يخليكم ابي منكم جواااب سريع قبل الساعة 6 المغرب
يعطيكم العافية يالغالين

BaDeR KhaLiD · 30-09-2009, 03:18 PM

مبروووك مقدمـآ

لكن شوفي الكبيرة بتطلب الزوآج صح بتكون مناعتها قويه لكن بتطلب وآهلك بيطفشون لانها جديدة

لكن لو صغيرة بعمر 3 شهور تكون مناعتها يعني مو ضعيفه

بالعكس وهي صغيرة مررة حلوة

Ava · 30-09-2009, 03:32 PM

مبرووووك

ابوك صادق , الصغيره احلى و تقدرين تعودينها عليك , اما الكبيره يمكن يكون لها صاحب من قبل بصعوبه تتعود عليك

pinky · 30-09-2009, 05:00 PM

اشتري وحده تكون بعمرر شهرين

مآ أنصحك تشترين اقل من شهرين لن بتتعب عليك وبتموت

آنـــــو · 30-09-2009, 05:05 PM

مبروك مقدماً

تبين نصيحتي خذي وحده صغيره ،، مو صغيره حيل يعني من 3 شهور الى 4 أو 5

أنا قطاوتي شريتهم بعمر 6 شهور ،، وأحلى وأروع قطط ربيتهم بحياتي

ولو خذيتي قطوه صغيره بعد حلو تعيشين معها لحظه بلحظه وتراقبينها وهي تكبر قدام عينك

وتكونين عارفه أطباعها شنو تحب وشنو تكره ..

بعكس لما تاخذين قطط كبير ..

وأنا مجربه كثيررررر أني أشتري قطط كبيره من عمر 9 شهور وفوق صدقيني قلبي مايتعلق فيهم

مثل مايتعلق بقطو صغير أنولد عندي أو شريته ..

وهذا غير طلب التزاوج ماراح يمديك تتهنين فيها بتطلب وتزعجكم وأهلك بينزعجون وبيتذمرون منها ..

فـ أذا تبين نصيحتي خذي لك وحده صغيرونه ومثل ماقلت أذا خايفه أن يمرض عليك علشان مناعته

عندك عمر 3 الى 5 أشهر مره مناسب ..

OUT · 30-09-2009, 10:04 PM

صغيره افضل

sisi_moon · 01-10-2009, 07:43 AM

ماعرف لو شريتي للحين أو لا

بس عن نفسي ماااااااحب القطط الصغيــرره مره ام شهررين .. ماحبهـا

قطوي شريته بهالعمر .. ماحبيـته يمكن الا يوم وصل اربع شهور

ونفس الحـال مع قطوي الجديد للحين ماحبيته مرره لانه نتفـه ( صغير عمره شهرين وشوي )

عارفه روحي مابحبه الا لين يكبر حجمـه

وقلت خلص مراح اشتري قطط أقل من أربع شهور

فـ اشوف أحسن عمر أربعه شهور وفـوق .. أصغر من كذا لا .. يمرض بسررعه واحجامهم صغيــــرره مو حلوه

إحساس وطن · 01-10-2009, 04:49 PM

مناعة القطط مو زي مناعة الانسان مناعة القطط قوية مرة منعمر الشهرين وفوق

انصحك بالصغيرة وتكون انثى افضل اما الذكر راح يزعجك يبي يتزوج وراح يرش البول في كل مكان إذا مازوجتوة في سن البلوغ وهو 6 شهور واكثر