قطط الشارع جعانييين

[catmania]

فى كتير اوى قطط فى الشوارع مساكين اوى و جعانين اوى , ليه احنا لو بنحب القطط اوى كده منساعدهمش و ناكلهم

انا بعمل الموضوع ده و نفسى كل واحد بيحب القطط يعمل زييى خصوصا فى مصر انتو عارفين الشوارع مليااانه قطط

انا كل يوم تقريبا باكل القطط اللى تحت عمارتى لغايه ما بقو خلاص عارفيننى و بيجرو عليا اول ما يشوفونى هقولوكو باكلهم ايه :

1- اى بواقى طعام فى المنزل ( تخيلو ان قطط الشارع بياكلو عيش حاف من شده الجوع و بياكلو كيك! , بطاطس محمره , جبنه بكل انواعها , لبن طبعا, رز على اى بواقى خضار مطبوخ , مكرونه ................ اى حاجه مترموهاش احتفظو بيها فى كيس و ضعوها للقطط

2- فى افكار بتعمل كميه اكل كبيره و مش مكلفه زى :

* تخيلو ان علبتين تونه مفتته اللى هيا ارخص انواع التونه لو غسلتوها من الزيت فى مصفاه و هرستوها مع 3 رغيف فينو مفتت هتديكو كميه كبيره و مش مكلفه خالص توزعوها على كذا كيس علشان لو وضعتوها للقطط فى كيس واحد هيتخانقو و يضربو بعض

* بطاطس مسلوقه من غير اى حاجه معاها بس اسلقوها مع مرقه ماجى كتير
* الاكل اللى بيفضل من القطط اللى عندكو , مترموهوش و اهرسوه مع عيش فينو و شويه لبن
و دايما حطولهم علبه كبيره فيها ماء و زودوها كل يوم لو قدرتم
شوفو لو عملتو كده هيبقى ثوابكو اد ايه عند ربنا ,,, كل القطط دى هتدعيلكو كل يوووم