ظهور أول بيضة والحمدلله

[طير الهوى]

،،

السلام عليكم ورحمة اللهـ وبركاتهـ

حياكمـ الله جميعاً

قبل شوي جاني إحساس غريب ورحت أكشف على الجوز اللي عندي وأتفرج على آخر المستجدات

قبل شهر تقريبا أو أقل بقليل .. جبت انثى للذكر اللي عندي .. بعد ماربيته وعلمته أصول المرجلة ( وخر عنه )

الذكر كان عندي من يوم هو فرخ وربيته واليف وكل شي .. وقررت اجيب له محروسه تجيب له عيال يشيلون اسمه ( والله يا انا دخلت جو )

عاد من يوم جبتها وهو يغرد لها ويرقص ويستعرض .. لما صرت اشوفه من اسبوع .. يلقحها باليوم أكثر من مره وقدام عيني ..

من وقتها .. صرت احضر لهم الغذاء المناسب .. والاغذيه المساعدة على التفريخ وكذا .. بناء على المواضيع الموجوده بمنتدانا الغالي

والحمدللهـ اليوم شفت أول بيضة داخل صندوق التفريخ ..

السؤال اللي يبطح نفسه ..

*هل اذا فتحت غطاء صندوق التعشيش فيه مشاكل عليهم ؟؟

*هل لمس البيضه يسبب مشكلة ؟؟ لانه فيه واحد من الاخوان هنا بالمنتدى عنده جوز باض ولكن يقول لقى البيض كأنها حبة عنب مافيه قشرة بسبب نقص الكالسيوم .. انا اللي عندي جايب لهم عظم حبار (كالسيوم) بس ودي أتلقف واشوف القشره زينه والا لا هع هع

* غير الكالسيوم والبيض المسلوق واعواد الجرجير .. وش تنصحوني فيه ؟؟


ومشكورين جميعاً

،،