اللي عانوا من الفطريات ابي خبرتكم

[جيسيكا]

السلام عليكم


كيفكم يا حلوين

قطاوتي فجأه قبّت الفطريات فيهم

بدون مبالغه بين يوم وليله ,, المهم أمس وديتهم بيطري

وصف لي سبراي لاميزيل والمرهم وبرضو قطرة كانستين بحيث أنظف أذانهم فيها


حبايبي
أنا مشيت على تعليماتكم الله يعطيكم العافيه

اليوم كله نظفت غرفتي واغراض القطاوة بكلوركس وديتول مخفف
وطلعت قطاوتي بالشمس يمكن نص ساعه بس المشكله أحطهم بالشمس يروحون للظل طفشوني

بليز حبايبي ابي تقولون لي اش التعليمات بخصوص الكريم والسبراي والقطرة
لأني أثق بمقولة اسأل مجرب ولا تسأل طبيب

واذا انا غافله عن شي ياليت تخبروني .. وغير كذا شعر قطاوتي ماشاء الله مرة كثير وكل يوم اكتشف فطر في مكان
كيف اعرف ان مافيه فطر في مكان انا مو داريه عنه


ياليت ماتحرموني تجاربكم

[sisi_moon]

هلا حبيبتي

شوووفي

اول شي .. يمكن انتي طلعتيهم باشعه الشمس وقت ماهي حاااره ( الظهــر )

لا طلعيهم قريب العصر تكون اشعه الشمس خفيفه ..

بالنسبه لبخاخ لاميزيل .. رجيه ورشي عالمكان المصاب ودلكييه .. مره باليوم لمده 20 يوم

قطره كانستن .. انا استخدمتها على الجسم مو الاذن .. كنت احط لهم مرتين باليوم

الكريم مره او مرتين باليوم .. خذي منه شويه وحطيه عالمكان المصاب ودلكييه ..

اما بالنسبه لشعرهم .. والله عانيت مثلك يوم قطاوتي تجيهم فطريات ..كل شوي اكتشف مكان فـ صرت اسوي لهم فحص دوري على اجسامهم كل كمن يوم .

وعلى فكره حبوب نيزورال خطيــــــره للفطريات .. ربع حبه باليوم لمده 20 يوم .. بتلاحظين النتايج سريعه اكثر شي لما تستخدمينها ..

وبرضو حمميهم مرتين الى ثلاث بالاسبوع بشامبو نيزورال ..عشان يشيل القشووور ويحمي جلدهم تمام ..

انا يوم قطاوتي تصيبهم الفطريات جربت اللاميزيل في البدايه مع مرهم .. جاب نتايج حلوه بس لاني وقتها ماكنت اعقم المكان فـ رجعت مره ثانيه

المره الثانيه استخدمت بس حبوب نيزورال مع الشامبو ( و فيه مرهم استخدمته اول اسبوع بس ) وكنت وقتها اعقم المكان اسبوعيا تقريبا وماشاءالله راااااحت

[جيسيكا]

ياحبي لك ياسيسي يعطيك العافيه

بس حبيبتي بسألك يعني القطرة ماتصلح أنظف فيها أذنهم لأنه قال لي حطي منها على أعودا الاذن وامسحي أذنهم فيها!!!


طيب حبيبتي بجيب الحبوب ,, بس بسألك كيف أعطيهم اياها؟؟


ماشاء الله ربي يحفظ لك قطاوتك

[sisi_moon]

اها .. طريقه البيطري صحيحه

لان بعد قطاوتي واحد منهم جاته فطريات بإذنه بعد .. فـ كنت اخذ مسحه من المرهم واحط له .. والحمدلله طاابت بس خذت وووقت اكثر من الجسم

بس اذا قطوتج اذنها سليمه لاتحطين لها

الحبووب شووفي

تاخذين ربع حبه ..وحتى ممكن نص حبه اذا انها بالغه والفطريات منتشره كثيير

في عده طررق

1 - تحطينها في نهايه فم القطوه و تكونين قبل مجهزه الابره الي نعطيهم فيها الدوا بس اسحبي ماي مو دوا طبعا .. عشان بس تحطينها في نهايه الفم تدفعين الماي عشان تبلعهاا .. بس اذا قطوتج تبلع بدون الماي ماله داعي

2 - ممكن تطحنين الحبه وتحطينه مع الأكل حقها بس تكونين ضامنه انها بتاكل الاكل الي حاطته كله

3 - وهذي الي كنت أسويها .. كنت احط الجزء من الحبه في الابره حقت الدوا .. وبعدين اسحب ماي .. و أرج الابره عشان تذوب الحبه .. و أشربهم ايــااه لان اذا خليتهم يبلعونها لازم بعدها يستفرغون

والله يعافييييج قلبو

[جيسيكا]

قولي آمين ..







ربي يووووووفقك ويحفظك ويسعدك ويستر عليك ويعطيك ماتتمنين في الدنيا والآخرة يارب

اعتليتي عرش (طيبة الروح) في مساعدتك للآخرين
جزاك الله خير

[sisi_moon]

يــــــا حبيبه قلبي

آميــن ويــــاااج يـــارب

وطمنيني عالحلوه

[جيسيكا]

فديتك والله

ماشيه واياهم ع العلاج


بس المشكله العدوى انتقلت لي!!!

[sisi_moon]

لاتخافين .. حتى انتي العلاج برضو بسييط

استخدمي وياهم البخاااخ ولا المرهم ..و اذا بدلتي ملابسج لاتلبسينهم مره ثانيه الا اذا انغسلوا وتعقموا ..

وحاولي ماتحتكين فيهم كثير الا لين يطيبون