مساعده قطي قام يعض

[غزالة البحرين]

بليززززز ساعدوني ..

قطي عمره صار شهر واربع أيام .. وقام ألحين يعض و وايد ينط كل مكان وكله على الطاولات يمشي وينط على السرير ..

أمي تقول انه القط كله يهجم على ويهه وايد .. ويهجم على كل شي يتحرك

شنو الحل عااااد ابي علاج ... ساعدوووني ... شلون اعاقبه او ابين له ان الي سواه غلط ؟؟


وشنو الوجبه الرئيسيه حق الحق عشان يتناولها ؟؟؟ أرجو المساعده بليييز

[sisi_moon]

حبيــبتي بالعكس هذا يدل على صحته

وبهالسن طبيعي انهم يعضون ويلعبون ويروحون جري على اي شي يتحررك

بس العض اذا تضايقتوا منه اذا قام يعض اتركيه وقومي عنه

او عطيه لعبه قطنيه يعضض فيها

او قولي لااااااااء بصوت عالي وقوومي عنه

[غزالة البحرين]

مشكوووره .. بس صدقيني حاولت معاه .. لما أقوم عنه .. يرد اييني ويفكر اني العب معا ه ..

حاولت اقوله لا بصوت عالي وانا اطالعه بنظره وامشي عنه .. ساعات تشوفه يظل يطالعني لمده ويحدق فيني .. بس يرد يعض مره ثانيه

شنو الحل .. وشلون أبين له هالشي غلط .. هل في طرق معاقبه بدون اللوجؤ الى أساليب مضره

[آنـــــو]

ولله حبيبتي أنا جربت مع أربع قطط صغيره بس كانوا لما يشوفوني ينطون علي شي يمسك رجلي وشي يعض ملابسي
وواحد يدي بس كنت أحاول ماأقدر ماأنفعل معهم وآعصب عليهم علشان ماأحصل ردة فعل عكسيه منهم وتخرب أطباعهم
فـ لما كانوا يضايقوني أجلس بهدوء وماأعطيهم ويه أتجاهلهم لا ضرب أو صراخ أو أى ردة فعل مني تعصبهم وتستفزهم

وبعض الأحيان أرمي لهم لعبه قطنيه أو كوره أو ورقه أكورها مررره كانوا يحبونها وينشغلون فيها

ومثل ماقالت سيسي القطط الصغار بيكون فيهم شطانه ونشاااااط يحبون يلعبون ويركضون ورا كل شي يتحرك

أصبري عليه يكبر ويعقل

[sisi_moon]

اممم يعني جربتي ومانفع

خلص .. الطريقه اللي بتنفع العبي معه بنعومه يعني اللعب اللي تلعبين ببطنهااا وكذاا اتركييه عشان أكثر القطاوه مع هاللعبه يعضووون واحيانا يعصبوون بعد

دايما لعبيه بالكور والخيوووط وهالسوالف تفادي للعض ..

يعني جسمه خليه بس للدلع مسحي عليه وكذا لاتلعبين فيه ولا ترا بيعضج

وجربي ان لما تشوفينه يعض عطيه لعبه قطنيه زي ماقلت قبل .. وان شاءالله ينفع

وترا طبيعي ان القطط يعضون خصووووصا وهم صغاار