قطتي تعبانه ولها يوم ع الحال دا

[M!sSColOr]

عندي بسه مرضانه

اقربلها الاكل ما ترضى تاكل
احسها تحوش نفسها من الاكل

وكل شويا تطلع اصوات وتجلس زي لمن ترجع ( تطرش ) الله يكرمكم
ولو رجعت ترجع مويه بيضا تميل للصفار
ودا حالها من يوم


مع العلم انها لها تقريبا اسبوع والده
ومرضة في ولادتها
جاها اول شي اسهال
واعطيتها علاج واتحول الى امساك عندها
بس اعطيتها شوية زيت خروع
ومشي حالها الحمد لله
جابت خمسه تلاته ماتو
وباقي اتنين

مو عارفا ايش اسويلها
ولحقتها وحده من البساس التانيين
؟؟؟
افيدوني
وجزاكم الله الف خير


بس ياريت محد يوصفلي علاج اجيبو من صيدليه والا غيرو
لانو ما اقدر اجيب شي من برا حاليا
ابغى اي شي يطهر بطنها
اي وصفه ممكن اسويها في البيت



مشكورين مقدما ..

[M!sSColOr]

ينفع اعطيها عسل ينظف بطنها ؟؟؟

[آنـــــو]

آخوي لازم توديها البيطري يشخص لك حالتها مضبوط لأن بعض القطط بعد الولاده بتمرض بتصيبها حمى
والمويه الصفرا دليل واضح أنها مريضه ولازم لها مضاد
أنا قطي مره صار يستفرغ مويه صفرا ووديته البيطري قال فيروس وعطاه أبر ومضاد والحمدلله تحسن


علشام كذا ياليت تستعجل وتوديها الطبيب أحسن..

[M!sSColOr]

طيب ما اقدر اوديها برا
مافي احد يوصلني
ولا اقدر استقبل دكتور في البيت


مافي اي حل تاني
؟؟؟

الكيتن تبعها تلاته ماتو بنفس الاعراض والدكتور كان عارف اول
وما اعطاهم شي
واعطاها تلات ابر قبل كدا

حاليا مرا ما اقدر اجيب دكتور ولا اقدر اروح للدكتور



ساعدوني بأي شي ممكن اسويه للبسه من البيت

[الفايلسوف]

ينتج عادة عن التغذية غير متوازنة ، لذا فإنه يمكن من معالجته بإضافة خشنة مثل النخالة إلى وجبات القطة .
ويكون للقطة المصابة بالإمساك فرو - فاتح اللون - وتبدو كسولة ، وتراها تتلوى فوق صجن الفضلات دون أن تخرج فضلات من أمعائها أو قد نخرج مصحوبة الدم .
ولكن إذا أستمر الأعراض يجب إستشارة البيطري لأن الإمساك قد يكون عرضاً لمرض أكثر خطورة مثل إنسداد الأمعاء الذي تسببه الكريات الصوفية .

وإن شاء الله أستفدتي وبشرينا بقطوتك وش صار فيها ؟

[M!sSColOr]

يسلملي مرورك اخوي

بس القطه ما عندها امساك

انا بقول انو هيا صارتلها مشاكل بعد الحمل
ومرضت وشافها الدكتور
واعطاها تلات ابر
واعطاها نص حبه تنظف بطنها من الديدان
واتحسنت


بس لها دحينا يومين
تتقيء ماده بيضا أو شفافه وكم مرا يميل لون الماده للصفار
كانو عصاره
او حاجه زي كدا مدري مني عارفا اشبها

مع العلم انها دخلت الحمام عادي
بس اكلها صار قليل
احس انها جيعانه واقربلها الاكل
بس زي اللي نفسها حايشه
تتغصب الاكل وتروح ترضع الكيتن

كلمت الدكتور تبعها بالتلفون
وقالي اعطيها دوا اسمو zatromax الخفيف وقالي اعطيها مل ونص الى 2 مل
بكره حشتريه لانو الوقت متاخر
بس حالها كل مالو يسوء

مو عارفا ايش اعمل
مرا قلقانه عليها

[sisi_moon]

ياقللبي .. >_<

بس انا اشوف لو موديتها البيطري أحسن من انك تكلمينه عشان بعد يشيك عالحراره

.. طمنينا عليها ..^^

[فقع]

اختي على حسب علمي وتجربتي
على ما يبدو انو عندها ديدان
وانصح بمراقبتها جيدا وخاصة ما تقوم باخراجه
وربي يشفيها

[M!sSColOr]

البيطري اللي كلمتو هوا الي يتابع حالتها من يوم ما جبتها للبيت
الحمد لله الدوا تبعو اعطى نتيجه حلوه

اتحسنت ما شاء الله لا قوة الا بالله
ما صار في استفراغ
وتتحرك ما شاء الله
وطلبت اكل
ونقلت البيبيات حقونها لمكان تاني

بس احس فيها شوية ضعف
جزاكم الله الف خير


تحياتي ،،

[sisi_moon]

الحمدللــهـ

مو مشكله اهتمي بتغذيتها اكثرر وعطيها بعد فيتااامين

وبترجع صحتها ان شاءالله