ارجو الافاده

[خيال الروح]

السلام عليكم
يا اخواني الكرام طيري الرمادي العزيز علا قلبي مريض من يومين كاش جسمه وبرازه الله يكرمكم اللون الابيض فيه متحول الي لون بوني غامق بس مو لون الدم ولا هو متماسك والطير مو بكامل صحته احسه يتوجع من شي مع العلم انه جتنا موجه برد قويه في الكويت وانا ادفيه واحاول اغطيه بكل وقت عمر الطير 8 شهور وديته للبيطري امس فحص البراز ماله وقالي ما اشوف فيه شي يذكر ولكن عطاني بودره مسويها مكس ولا اعرف شنهي اخلطها بالماي مع العلم انه الطير لازال تعبان ولازال برازه في لون بوني وغير متماسك... واكله مو كثير بعد..نصحني شخص اني اسقيه شاي بارد لانه راح يوقف السهال..بس فيي حاجه غريبه الطير كل ما اقرب منه اشوفه يفتح فمه لي عشان اغره مثل الطيور الصغار الفروخ مع العلم ان الحركه هذي ماكان يسويها الا نادرا لان شاريه بعمر 5 شعور وكان ياكل بنفسه..هل هذا معنى كثره الجوع؟؟؟ ارجووكم ساعدوني منتظر الرد من الخبراااء

[Mr. MeMo]

خيال الروح


ربما البيطري لم يعرف يشخص الحاله بالشكل المطلوب


انصحك بتغير البيطري و ذلك في اسرع وقت ممكن

و عند اخذ الطائر معك تأكد بان يكون مدفئ بالشكل المطلوب

خلال التنقلات

[*عالم الحيوان*]

هلا اخوي..

والله انت اعطيه فيتامينات.. وكثر له.. الاكل ونوعه..

وحاول تدفيه.. ولاتعرضه للهواء القوي..


وانشاء الله يشفى..

*عالم الحيوان*

[خيال الروح]

مشكورين يا ميمو ويا عالم الحيوان وناطر ردود الاخوان الباجي
يا اخ ميمو ماقدر اخذه لبيطري ثاني لان ماعرف ولا اظن فيه غيره
ثاني شي انا معطيه الدواء ولالي غير الصبر
بس في مساعدات عن اعراض الحاله هذي اذا احد يقدر يساعد يعني طيره صاله جذي وتعالج
ممكن
ناطركم

[ديار يحب رمادي]

اهلا بيك اخي العزيز........


والله الوضوعك هذا انفطر قلي ودمية قلبي على ببغائك الحبيب ....انا الله وانا اله راجعون....والله

اخي الحبيب حالك مثل حال ببغائي الغالي الحبيب القديم اسم الله على ببغائك..كان ببغائي

العزيز De De .... واكان عمره مثل ببغائك ثمن او سبع شهور.مرض من الصدمة وصار برازه {اكرمك

الله}..سائل وتغيرة لونه من مدة الى لون اخضراو اصفر ....وطبعا وديته للبيطري بس للاسف ماكن

يعرفون يعالجوه حتى مات مني اسم الله على ببغائك...وبظبط كان مياكل وما يشرب بس لما

انطيعه حب مثل ماقلت يفتح فمه مثل فرخ ....والله ما اعرف ليش كان يسوي مثل فرخ..بس للاسف

بعد مرور اربعة ايام على مرضه مات حبيب القلب .......بس انشاء الله يا اخي الفاضل الله يشفي

طيرك باذن الله امين.........

[خيال الروح]

الله يسلمك يا ديار
بس بعرف شنو يعني مرض من الصدمه؟؟
لان طيري انا غيرت مكانه حطيته بغرفتي لمده 3 ايايم وكنت اطل عليه من فتره لفتره لان كان عندنا عزاا فما اقدر اخليه بصاله

شنو يعني الطير من صدمه مرض او شنو ؟؟

[ديار يحب رمادي]

صديقى صدمة يعني...صاربه حالة متفاجئة انا نتفت ريش جناحه خاف من الموقف ومرض حتى مات..

[Kuwaite]

اخوي ديار اعتقد ببغاءك مات لانك سبحته وحاشه برد .. واذكر الفيديو اللي نزلته

وتحفظو عليك بعض الشباب لانه صغير وسحبتة ..

اخوي مالك الا تنطر .. وتشوف شيصير ..

تحياتي لك