اشترك في نشرتنا البريدية ليصلك كل جديد

guevara · 24-12-2007, 06:17 AM

السلام عليكم

مشكلتي ان انا عندي قط شيرازي عمره 4 شهور دلوقتي

و امبارح و انهارده رجع اكله (تقيأ ) في نفس الميعاد تقريبا حوالي الساعه 4.5 الصبح

فا انا مش عارف اعمل ايه

و انا خايف عليه قوي

و استشاره دكتور بيطري مش متاحه لأني عايش في الصعيد و احنا معندناش دكاتره حيوانا اليفه

يا ريت الرد يكون بسرعه

Dominique · 24-12-2007, 06:40 AM

يمكن واخد برد

حاول تحطه في مكان دافي وبعيد عن الهوا

وتشربه حليب دافي وماتحمموش لحد ما تتأكد من انه كويس

هوا انت بتلاحظ مخاط من انفه ولا مافيش حاجة ؟

او يمكن يكون عادي مجرد كتل شعر بتطلع زي كل القطط

.
.
.

guevara · 24-12-2007, 06:47 AM

اولا : شكرا جدا علي اهتمامك و سرعه استجابتك

و يمكن برد هعمل زي ما قلتي و انا ما لاحظتش مخاط او غيره

مع العلم انه لسه ما اتطعمش
و لأ مش كتل شعر

و شكرا تاني

Dominique · 24-12-2007, 06:55 AM

العفو

ماكانش غير الواجب

مادام مافيش مخاط او غيره ولا فيه كتل شعر

يبقى وحدة من اتنين

يا اما بدايات زكام او برد

او ان الاكل مش بيوالم معدتها

ونصيحة

حاول انك تطعمها باسرع وقت لأن القطط من السن ده تبدأ تلقط الامراض

واغلبها بيكون معدي زي الجرب او الدود

ميرسي
.
.
.

guevara · 24-12-2007, 07:06 AM

شكرا x3

و الناس قالتلي انه ما يتطعمش غير علي سن 6 اشهر

و انا كده كده ما بطلعوش بره

ف هل ممكن يتعدي؟

و ايه اسم التطعيم اللي هايخده او التطعيمات؟

*عالم الحيوان* · 24-12-2007, 10:33 AM

دومنيك... ماشاء الله كنج مصريه.؟؟ لوووووووووووووووووووووووووووووول

>>امزح..

اخوي اختي دومنيك ماقصرت معاك..

وانشاء الله تشفى قطتكـ,,

*عالم الحيوان*