لا استطيع العيش بدون سواق..!!

[LuCkY gIrL]

سيداتي انساتي عانساتي سؤالي هو الاااتي.....
هل تستطيعين العيش بدون سائق؟!!!
الاجابه عن نفسي .. لا .. لعدة حالات تثبت احتياجنا له وهي..

*الحالة الاولــــى: اذا كان بيتنا مافيه رجال وكلنا بنات وحريم .. سؤال كيف نروح كيف نجي؟!(هو واحد من الاثنين يايخترعون لنا في كل شي توصيل منازل او بكل بساطه يخللونا نسوق)..وفيه اشياء كثيره ضروريه تحتاج لروحه واهمها الدراسه ,,صحيح فيه باصات مدارس وجامعه بس اوقات يكون ضروري وغير عن كذا مقاضي البيت والروحات والجيات.. يعني باختصار احنا نحتاج سواق

*الحالة الثانيـــــة:اما اذا في بيتنا عيال (اخواني يعني لا يروح تفكيركم بعيد :bdaysmile ) وهذي الحالة تتفرع لعدة حالات ..

أ-اذا هذول العيال مازالو بزران نونو (مع ان مافي نونو هالايام سكن سمالله علي الرحمن الرحيم ).. وبالتالي بكل فخر نحن نحتاج الى سائق

ب-اما اذا كانو كبار وبيكون فيه حالتين لا ثالث لهمااااااااااااااااااااااا ..
امااا.. يكون متزوج مشغول ببيته وعياله .. خليه يوصل عياله ويشيل مسؤليه بيته اول ويصير خير وحتى لو كان قادر ذوقيا ماراح نقولله يلا تعال خذنا وروح جيب لنا .. عشان كذا اكبيد نحتاج لسواق.. :think:

او.. يكون مو متزوج ..عازب عانس .. عاطل باطل..يسرح ويمرح في اراضي الله الواسعه بلا هدف ..لا ينفع ولا يضرر..وان طلبت منه شي انحاش منك او طلع لك عذر مادري وين اصرفه ,, انا عندي مشوار مهم ..اناخويي سوى حادث بروح اشوفه, استاذي اللي درسني بالروضه وحشني بروح اسللم عليه ,صاحبي بورطه بروح احلها ,,يعنني حال ازمات ..سبحان الله ماتجي هالمصايب والحوادث الا لما اقول يلا ودني والا جيب لي ,, والقهر لو خوييه قالله روح جيب والا تعال مرني موستحييل يقول له لا كان حمامه عنده ولا مستانس بعد.. وان وافق قال لي طيب ووصلني فهي وحده من الثنتين يا بيطللع عيوني على هالتوصيله عاد انواع التكشير والبراطم واصله لقزاز السياره كانها تكايات خيمه والاخلاق في طرف الخشم كانه شام ريحة خياس (بس اكيد هالخياس موب مني ) او يطلب شي مقابل هاتي فلوس مافيه بنززين بالسياره على قوله جدتي مافي شي ببلاش الا العما والطراش .. ابي افهم اجل وش الفايده اخوان كذا بس!! (طقم مع البيت )! اذا ماخدمو اهلهم يخدمون مين؟ (الجيران طبعا )!!وبما اني ما للاسف الشديد اقدر اعتمد عليه عشان كذا بكل تأكيد نحن تحتاج لسواق..

*الحالة الثالثـة:ان يكون لي اخوان وش زينهم ياناس يحسدونا الناس عليهم خدومين يقومون بواجباتهم اتجاه اهلهم يوصلونا يجيبوننا,,ويسوون كل هذا وابتسااامتهم شاقه وجيههم ما يقولون لا الا اذا صدق مايقدرون يازينهم ياناس قلبوسي قلبوسي(<<هذا دلع لوسمحتو ) وطبعا اعزائي المقلعات هذي تشوفونها بالاحلام السعيده وقصص ماقبل الناااااااااااااااوم يبيعونها بالتعليم المبكر لان نسبة وجودها عندنا بعد الضرب والقسمه والجمع والطرح تكون 1% (تف تف قولو مشالله ! )ولا تقولون لي فيه كثير لان لو فيه كثير مالقينا هالسواويق اكثرمننا..

ورغم هذا كله يقولون مايجوز ان الحرمة تركب مع سواق ..اكيد مايجوز لانه موب محرم لها ولا واحد من اهلها بس طيب علموني وش نسوي ؟!!!.. لو حنا مو مضطرين ماجبناهم..

السواويق شر لابد منه..بس صراحتن فكرت لو يوم واحد مافي سواق وش بسوي ؟!!مو وش انا بسوي الا كلنا وش بنسوي!

صحيح ان السواق حال ازمه سكانيه (<<وش دخل سكانيه) بس برضو له جوانب سلبيه لانه من اول ما نقول نبي سواق ..اول شي ندفع للمكتب وكل يوم ياحمد باكر وانتظر ياحمار لين مايجيك الربيع(يمديكم على هالامثال !!) وبعد هالانتظار كله يجيك السواق لا مايعرف يسوق !! اجل ليه سموه سواق ؟؟ (على قوله امي يمكن عندهم رخصه السواقه على بسكليتات )..ويلا عاد علمو وفهمو طبعا من اول يوم يستلم هالسياره المسكينه تبدى تتدهور حالتها على قولة المثل جلد ماهو جلدك على الشوك جره (كأنه صار موضوع امثال والا يتهيأ لي ).. هذا غير لما يتدرب بالسواقه وحنا معاه يا يتأتئ بهالسياره وماغير رووسنا ترتج لين ما خلايا مخي تدلدل من خشمي مخي ..والمشكله اذا جاك واحد مايعرف لا عربي ولا انجليزي( <<كذا يكون شكله) هذا وش اسوي فيه؟ نضطر نستخدم لغه الاشاره لف يمين لف يسار والتكرار ييعلم الحمار.. وبعد مايقعدون سنه بس شوف حكيهم بلبل احسن مني ومنك ,,مع ان فيه سواويق مصاريه وسودانين يتكلمون عربي تعليمهم سهل بالنسبه للهنود وشللتهم بس المصري بربرار وياخذ وجه مادري شلون مااطيقهم ,,والسوداني شايف نفسه يا ارض اهتزي ماحد قدي لا و اخلاقه في خشمه .. مادرو عنك ياللي في الظلام تغمز.. (<<اعزائي المشاهدين لغزنا لهذا اليوم كم مَثل انكتب في هذا الموضوع ارسل الاجابه وستحصل علبه منديل كلينكس اصلي مع ضمان الوكيل لمده سنه ..سارع بالاتصال وفللس معنا )

وبكل بساطه بعد هالتعب والتعليم يا ينحاش ..او يلا انا ماابقو شقل انا ابقو سافر ..ويلا جيب غيره وعللم مرره ثانيه ورددو معي ياليل مطولك ..

سؤال لكل تمساح .. بالله ما ننرحم؟؟

يعني لما قارنت بين اني انتظر اخوي يحن علي ويوديني ويجبيني وعشان بس يقول اطال الله في عمره انا وافقت ويلا روحي البسي عباتك بوديك,, يبيله هالقرار سنه (والله لو انه قرار الدوله!!) لا واحتمال بعد يهون واذا ماهون مَن (من بالشده )علي ..وعلى قولة المثل منة الله ولا منة خلقه (<<مثل رقم كم هذا!!) ..لا لا لا بس يازين السواق يودي ويجيب بدون من ولا سلوى ..

[تو zoo]

صح السواق واجد زين
وفي معلوم بلمناطق