اشترك في نشرتنا البريدية ليصلك كل جديد

بو راشد · 23-08-2007, 03:32 PM

السلام عليكم

هذي بعض الصور من احلى مكان في الارض عندي .. صج روعه سبحان الله

والي يحب الكلاب يشوف هالرابط

http://www.2zoo.com/vb/showthread.ph...270#post357270

سويسرا بلد الطبيعه والمناظر الخلابه والجو الجميل بلا منازع .. وبلد المياه العذبه في كل مكان ! حتى في الستي سينتر !

وبصراحه كل شي فيها راقي ومنظم .. والناس ودودين ويحبون المساعده .. والمواصلات فيها ميسره الى اخر حد .. فهناك التاكسي والقطار والترام وحتى البواخر ! وطبعا الباصات الراقيه التي توصل الى كل ارجاء سويسرا

انشالله تستانسون

التصور بكاميرا سوني سايبر شوت 12 ميغا بيكسل

نبتدي بصور المناظر الطبيعيه والمساحات والجبال الخضراء المنتشره في كل سويسرا وخصوصا في الدروب الخارجيه مثل دروب لوزيرن وانتيرلاجن وغيره

لاحضو الارتفاع والغيم لي وين نازل

جوفوا البقر على شنو رابي .. مو قراطيس وكوارتين وعلف ميت هههه

شوفوا هالمنظر والفيو الخيالي على طريق انتيرلاغن

وهذي البحيره الي مجابله فندقنا يوم سكنا يومين في انتيرلاغن .. انصح الكل فيه رخيص وعليه فيوو رهيب اسمه (سي بيرغ) .. وهذي بحيره محاوطه بالجبال !! تقدرون تشوفون ريل اخوي الصغير طالعه بالغلط لان في كراسي نفس كراسي البيج للاسترخاء

صور لبحيرات ثانيه .. بصراحه وين ما تروحون نهر او بحيره او جدول .. صج بلد المياه بلا منازع !

سوري :11eatdrop

واخليكم الحين شوي مع بعض الصور الطبيعيه ومناظر الانهار وغيره

لاحظوا الطبيعه وسط البيوت !

الغابات ودروبها المريحه في الوسط .. والمشي وسطهم بصراحه شي خيال .. وفي كل منطقه في اكثر من منطقه مشابهه !!

والحين مع بعض صور الثلج والجبال الثلجيه (الالب وغيره) .. روعه ووناسه وايد

لاحظوا التيوب .. :15: حق التشدخ .. وفي العاب وايد ترا .. هذول في جبل (تيتلس) وينراحله بالتلفريك

اخوي .. ههههه

انا في الثلج شهر 8 !! من يصدق ! ههه

وبس .. انشالله استانستوا معاي :mf_wink:

تروكي10 · 23-08-2007, 03:37 PM

صور روعه مشكور على الموضوع الرائع والراقي

Q8kuwait · 23-08-2007, 03:51 PM

الله الله يا سويسرا .. فعلا بلد الجمال و السحر .. جنة فعلا

الله يحفظ هذه البلد من الشرور .. انشاءالله

شكرا على الصور أخوي

جاسم777 · 23-08-2007, 05:28 PM

والله هذا الشئ الي يفتح النفس تستاهل يا بوراشد الرحله الحلوه والله يوفقك

والحمدلله على السلامه

اخوك جاسم777

بو راشد · 23-08-2007, 07:09 PM

تروكي : مشكور على مرورك الاروع والارقى اخوي

كويت : الله يسلمك يالغالي .. وسعيد ان الصور نالت استحسانك

جاسم : تسلم يالغالي .. واشكرك على مرورك الطيب يا طيب والله

Bruce · 23-08-2007, 09:42 PM

ماشالله صج خياااااااااااااااااااااااااااااااااااااااال

اهنيك على الرحلة الرائعة

بس ليش ماخليتنا نشوف وجهك

Mr. MeMo · 24-08-2007, 11:21 AM

ما شاء الله و الله جو رائع يا بو راشد

و مناظر تفتح النفس و الله حمستني كثير

الله يعطيك الف عافيه على الصور الرائعه و التصوير المميز

و حسستنا بأنا معاك في السفره

و حمد الله على السلامه