سلسلة : خبراتنا

[Dominique]

مرحبا اعضاء قسمنا المميز

قسم هواة القطط

كل عام وانتوا بخير بمناسبة العودة للمدارس ورمضان كريم تعودونه كل سنة بخير وعافية




هالاجازة لعبت فينا لعب

ماقمنا نتواصل مثل اول ولا نسولف مع بعض

اغلبنا لاهي

خذتني مسابقة القطط عنكم


وفي اعضاء جدد انضموا لنا نبي نتعرف عليهم اكثر وعلى قطاوتهم وعلى تصرفات قطاوتهم

ونبني جسر تواصل طويييييل عرييييييض بيننا

وكل واحد يعرض خدماته على الثاني ونرجع قسم القطط المتماسك القوي اللي كان المنتدى كله يتكلم عنه وشلون انه اسرة وحدة



كل واحد فينا واجه مع قطوته مشكلات، مواقف طريفة، تصرفات معينة، عناد، مرض

وكل واحد له وجهة نظر في كل مشكلة واجهته وله طريقة حل معينة فادته



انا بابتدي باستعراض خبراتي مع قطي دومينيك ( دمدم )

الاعضاء القدامى يعرفونه عدل مدل ويعرفون خباله وشطانته

لكن الاعضاء الجدد مايعرفونه ولا يعرفون تجاربي معاه




السلسلة راح تتضمن عدد معين من الخبرات

اطرح انا تجربتي وخبرتي بالتعامل مع دمدم وانتوا يا اعضاءنا الاحباء كل واحد يدلو بدلوه ويقولنا تجربة تخص موضوع السلسلة المطروح

يعني مثلا

لو كان موضوعنا عن اللعب

اقولكم عن دمدم شلون يلعب وشنو يستانس منه اكثر شي وانتوا تقولون لنا عن قطاوتكم



او او كان موضوعنا عن الامراض

اقولكم عن الامراض اللي واجهتها مع دمدم وشلون تصرفت فيها

وانتول تقولونلنا عن الامراض اللي واجهتكم مع قطاوتكم وشلون تصرفتوا فيها


فهمتوا علي

انشالله من باجر او اللي بعده بابتدي السلسلة الجديدة وياريت اشوف تفاعل علشان يكون لنا مثل المرجع ونستفيد منه كلنا

والله يوفقنا جميعا وفرصة سعيدة مقدما يا اعضاءنا الجدد


ميرسي
.
.
.




مواضيع السلسلة :

سلسلة خبراتنا : اللعب ‏

سلسلة خبراتنا: الغضب

سلسلة خبراتنا : الجوع