اسألة عن كلب الهاسكي

[ZyadBS]

السلام عليكم ورحمة الله وبركاته

اتمنى منكم مساعدتي بمعض المشاكل اللي اواجهها في تربية كلبي الهاسكي الصغير [عمره 2 شهرين و 20 يوم]

الطعام: احترت يا اخوان كم مرة اضع له اكل باليوم؟ اول يومين كنت اضع الاكل مره واحده و بعدها صرت اضع مرتين! العصر اعطيه اكل و 6 الصباح اعطيه ايضا اكل و الماء اغيره يوميا طبعا اكله داري فود ف هل تنصحوني ازيده بشيء؟

التدريبات: صرت اجيب الاكل عنده و اقوله سيت حتى يجلس و يطيعني ويجلس واعطيه الاكل ولكن المشكله صار يتعود بمعنا فقط اجيب الاكل واسكت يجلس من نفسه وينتظرني اعطيه وانا ليس غايتي من هذا التدريب انه يجلس للاكل! لكن اريد تعويدة على كلمة سيت ف هل تقدرون تساعدوني؟

التمشية: اطلعه كل يوم ساعه! يعني يوميا العصر اعطيه الاكل واخليه ياكل ويشرب وبعدها اطلعه يدور ويلعب ساعه وبعدها ارجعه للغرفه الى بكره ف هل تحسون اني حرمته او شيء؟ ولا نظام التمشية كويس؟


اللعب: وضعت له لعبه ودايما اخليه يقفز حتى يلتقطها و اذا مسكها باسنانه اشدها منه وهو ايضا يشدها بقوه وماشاءالله الاحظ فيه اصرار على اخذ اللعبه يعني بعض اللعب اشدها انا وهو يشدها باسنانه ومايتركها حتى بعضها انقطعت ف هل اللي اسويه من باب اللعب كويس ولا اعطيه اللعبه واتركه؟

التنظيف والمستلزمات والتطعيمات: هل تغسيله شهريا جيد؟ او احتاج كل اسبوعين او كم؟ طبعا نوعه هاسكي! و بخصوص المستلزمات ماذا يحتاج الكلب من مستلزمات بهالعمر؟ انا فقط عندي اكله وشربه ولعبه وسلسله لا غير! فهل فيه اشياء تقدرون تفيدوني فيها! والتطعيمات انا شريت الكلب من محل عند شخص اعرفه يدرب كلاب له 27 سنه وشريته قبل لا يقفل لان الوقت كان متاخر ف اخذت الكلب لحاله ونسيت التطعيمات وجوازه واغراضه ف مدري كل متى اطعمه وماهي التطعيمات اللي يحتاجها و باي عمر اعطيه؟


الصحبه: ابي كلبي يكون متعود علي انا واللي يشوفهم كثير يعني مثل اصحابي و يكون بنفس الوقت شرس مع الغرباء ف هل فيه طريقه؟ سمعت انه لازم ما اطلعه عند الناس كثير ولكن احيانا اطلع و ارحمه يكون لحاله احس اني حرمته من اللعب ف اخذه معاي! ابي نصيحتكم

الشراسة: كثير يقولون الهاسكي للزينه فقط وليس للحراسة ولا الشراسة او غيرها! انا لا اريده حارس ولا اريده شرس ولكن اريده يحميني او يدافع عني وعن نفسه و يكون بالنقطه هذي شرس جدا ف هل فيه امل ولا مستحيل؟ يعني ابي الكلب يكون لطيف ويلعب معي ومع الناس اللي متعود عليها وشرس مع الغريب ويكون يحميني! طبعا انا مو محتاج حمايته بس لانه لو كبر بطلعه معاي كثير عالاقل يفيدني لو حصل شيء يكون موجود ليس فقط كلب منظر!


واعذروني على اسألتي الكثيره والطويله ولكني جديد في عالم تربية الكلاب وهذا اول كلب لي وخبرتي ضعيفه واتمنى منكم مساعدتي

شاكر لكم