استفسار بلوفرنتد هولندي?

[سارام]

السلام عليكم يا اخوان

ان شاء الله ناوي اشتري امازون بلوفرنتد

وحصلت واحد فرخ هولندي

هل الامازون الهولندي ممتاز

لاني اسمع بان الكاسكو الهولندي مناعته ضعيفه

وخايف يكون الامزون نفس حالته وشكرا

[عزوزالعبدالله]

امازون هولندي !!!!!

المهم طال عمرك المناعه مب على الطير تعتمد على المربي
انا اسمع كثير نفس كلامك بس ما اعتبر الكلام هذا صحيح

اذا توفر الجو المناسب والاهتمام بالطير ماراح يصيبه اي مكروه بإذن الله

على فكره ترا الكاسكو الهولندي احسن لانه انتاج مزارع ومن يفقس م البيض وهو تحت رعاية الانسان
يعني يجيك شبه جاهز لو تلاحظ اكثرهم الليف

واذا تقصد بالامزوان انتاج هولندي حلو

زبدة الموضوع تعتمد على المربي

والله يوفقك

[the_gostman]

حياك الله اخي الكريم..

هل تقصد بالهولندي اي تفقيس مزارع بحجل أصلي؟؟

اذا كان نعم توكل على الله وخذه..لان بشكل عام مناعة الامازون أفضل بكثير من الكاسكو وهذا عن تجربه.

بالتوفيق
أخوك رمزي

[سارام]

ايواا ياخوان

راعي المحل قالي بلوفرنتد انتاج هولندا

[the_gostman]

تأكد اخي ان كان الحجل أصلي ضيق.. وايش مكتوب عليه
ويا ريت تصور الببغاء على الحجل وتصور العين بشكل واضح وتصور الببغاء ايش عشان نقدر نقيمه
اهم شي راقب الببغاء وتحركاته في القفص..
هل هو نشيط ام خامل ؟؟
كيف برازه الله يعزك

بالتوفيق

[سارام]

تسلم يالغالي بس بسالك ايش المفروض يكون مكتوب على الحجل وايش الفرق بين الذهبي والفضي

[the_gostman]

لا يفرق ان كان ذهبي أو فضي وممكن يكون لونه احمر.. لكن الاهم من ذلك لازم يكون ضيق على رجل الطائر عشان تتأكد انه تركب على رجل الببغاء من لما كان صغير

هذه صورة الحجل الاصلي.. وتكون مكتوبه عليه سنة الميلاد بالعرض



وهناك الحجل الغير أصلي ويسمى حجل كبس ويكون فيه خط صغير:-


بالتوفيق
أخوك رمزي

[سارام]

تسلم يالغالي ماقصرت والله يعطيك العافيه

[the_gostman]

الله يعافيك اخي الكريم حياك الله..

أخوك رمزي

[عزوزالعبدالله]

كفى ووفى اخوي رمزي