منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
 |
 |
|
|
|||||||
 |
|
|
أدوات الموضوع | إبحث في الموضوع | طرق مشاهدة الموضوع |
|
|
05-03-2013, 06:39 PM
|
#1 |
|
هاوي متميز
|
نصائح لمبتدئين عند تربية الحمام
 نبدء ببسم الله الرحمن الرحيم  اليوم موضعنا من المواضيع التى تشغل بال جميع من يريدون تربية الحمام ويخافون من المجازفة فى التربية لعدم الخبرة سوف نشرح اليوم كيفيه تربية الحمام الصحيحة من الآلف الى الياء الخطوة الاولى وهى اختيار مكان التربية يجيب ان يكون مكان التربية متوفر فيه العناصر الاتية 1_ جيد التهوية 2_ الشمس دائمة الدخول للمكان 3_المكان يكون بعيد عن الاتربة والنفايات وحاول تنظيفه مرتين اسبوعيا على الاقل الخطوة الثانية تطهير المكان وتنظيفه بعد اختيار مكان التربية سواء كان فوق سطح او غرفه او بلكونه الخ ..... هنجيب زجاجة ديتول من الصيدلية وهنقوم بوضع كميه منها على بستله مياه لنستخدمها فى عملية التنظيف وهنبدء بمسح الارضيه والجوانب المجاورة لمكان التربية وهنسيب المكان دا يوم لحد ميطلع عليه الشمس وينشف علشان كل الجراثيم والامراض الى موجودة فى المكان دا تمووووووووووووت بعد منضفنا المكان خلاص نيجى بقا للعيون والمساقى والآكلات الى هيستخدمها الحمام فى العيش بداخلها والاكل والشرب منها اولا نيجى للعيون يفضل انها تكون مبقاس 50 % 50 وارتفاع 60 سنتى متر هنرش العيون دى بيدتول او بجاز وهنسبها فى الشمس لمدة 3 ايام علشان تقضى على كل الجراثيم والسوس الى فى الخشب ثانيا المساقى والاكلات هننقعها فى مياه بيدتول لمدة يومين وبعدين هنطلعها ونسبها فى الشمس 3 ايام علشان نقضى على اى جراثيم او امراض بداخلها كده خلصنا مكان التربية والمكان جهاز لوضع الحمام بيه الخطوة الثالثه شراء الحمام وكيفية اختياره انت قدامك 2 طريقة لشراء الحمام انك تشترى من غاوى تعرفه كويس واما انك تنزل السوق وتشترى من السوق وانا بفضل انك تشترى من حد تعرفه لانو هيبقا حريص انو يبعلك حاجه نضيفه مش علشان انت تعرفه لا علشان يحافظ على اسمه مبين الغواة المجاورين له طب دلوقتى مفيش حد تعرفه بيبيع حمام مش هشترى يعنى ؟ لا طبعا هتشترى بس بطريقة التانيه وهى اننا هنزل نشترى من السوق اولا انك تشترى من السوق دى محتاجه مجهود كبير لانك هتدور على حمام صحته كويسه وكمان يكون شغال ويكون تقليبه كويس والحجات دى قليله اوى اما تلاقيها فى السوق لان كل الى عنده حاجه بايظة دلوقتى بقا يروح يبعها فى السوق حسبنا الله ونعم الوكيل ....... بص يا سيدى اول حاجه انصحك انك تشترى حمام رخيص فى السعر وسهل فى التربية لانك لسه مبتدء ولو خسرت حاجه الخسارة مش هتكوت كبيره اوى هنبدء بأنواع رخيصه وفى نفس الوقت سهله التربيه مثلا البلدى او الزواجل اما نيجى نشترى اول 3 حجات هتبص عليهم فى الحمامه صحه الفرد لو كاشش او حاجه زى كده بلاش تجيبه تانى حاجه هتشم ريحه الفم لو رحتها وحشه يبقا الفرد دا عيان هتبص على فتحه الشرح لو لقيت اثار براز ملتصقه بيه يبقا الفرد دا عنده اسهال وعيان نقى فرد الحمام الى بيكون دائم الحركه و اما تيجى تمسكه بيحاول انو يفلت منك دون بقا عن التقليب والحجات دى والمستويات دى مش هنبص عليها دلوقتى لسه قدام حبه تبدء تتعلم مواصفات الحمام القياسية انما احنا دلوقتى بنركز على ازاى تنقى حمام صحتة كويسه اشترينا الحمام خلاص نروح بقا على مكان التربية وهقولك تعمل ايه الخطوة الرابعه وضع الحمام فى اماكنه احنا خلاص اشترينا الحمام وروحنا البيت نيجى بقا علشان نشوف هنعمل ايه فى الحمام الى اشترنا دا بص يا سيدى انت لو اشتريت قصوص كبيره يعنى حمام شغال هتحبس كل زوج فى عين لوحدهم وهتحطلهم طبق اكل ومسقه مياه وهتحبس الحمام كله لمدة اسبوع علشان لو فى حاجه عيانه ولا حاجه تظهر فى الاسبوع دا واوعى تنزل الحمام كله مع بعضه اول اسبوع تجيبه فيه لا هتعمل زى ما قولتلك احبس الحمام لمدة اسبوع كل زوج لوحده فى عين وبعد الاسبوع دا هتبدء تنزل الحمام فى الارضيه علشان الدكره تكسر على النتى ويبدء موسم الفرخ بتاعك اما الحمام يبيض الخطوة الخامسة متابعة الحمام فى الفترة دى هتبدء انك تراقب حمامك علشان تتعلم منه وتعرف عنه كل شىء وفى الفترة دى هتلاحظ ان كل زوج من الحمام بدأو يكسروا بعض وهى ان الدكر يقف فوق النتايه ويرفرف بجناحو وكده تعرف انهم خلاص قربو يبيضو وهتبدء تحط اش فى الارضيه علشان هما يجمعو ا القش دا ويحطوا فى الطاجن بتاع البيض بتاعهم علشان يبيضو عليه ..... الحمام باض تمام وكل حاجة الانثى بتبيض البيضة الآولى وبعديها بيوم او يومين بتبيض البيضه الثانية اوعى تنقل البيض من مكانو او تنقل القص توديهم عين تانيه علشان لو عملت حاجه من دول احتمال كبير ميرقدوش على البيض تانى وهيفسد هتستنى بعد مرور 18 يوم ودا هيكون ميعاد فقس البيض فى الصيف انما فى الشتاء 21 يوم كحد أقصى لفقس البيض بعد فقس البيض الاب والام هيبدأو يألكو الزغاليل طبعا انت مش هتأكل الزغاليل خالص لو ابوهم وامهم بيأكولهم انما لو مش بيأكلو هتتطر انك تحضن ودى لسه بدرى عليها شويه انك تتعلم ازاى تحضن . الاب والام هيفضل يأكلو الابناء لحد ميبأدو انهم يبيضو تانى ولو عايز تفصل الابناء علشان يبيضو بسرعة كحد اقصى افصلهم وهما فى عمر ال 30 يوم او اول ما يبدأو ياكلو ويشربو لوحدهم.
__________________
|
|
|
|
05-03-2013, 06:44 PM
|
#2 |
|
محترف جدا
|
رد: نصائح لمبتدئين عند تربية الحمام
تبارك الرحمن موضوع جداجدا مفيد للجدد فالمجال والله يعطيك الف عافيه وانا اقولك واصل ولا تحرمنا من جديدك تحياتي ابو سدران
__________________
** التوقيع كبير يرجى تصغيره واعاده رفعه |
|
|
|
|
05-03-2013, 09:50 PM
|
#3 |
|
عضوية شرفية
|
رد: نصائح لمبتدئين عند تربية الحمام
الله يسعدلي إياك يا غالي موضوع حلو مثل صاحبه واللي عجبني أوي اللغة واللهجة اللي مكتوب فيها موضوعك رووووووووووعه بس ملاحظة صغيرة لو انه الموضوع احتوى على صور توضيحية بيكون في القمة شو رايك تدعمه يا قلبي ببعض الصور علشان نثبته ونضفه على المواضيع المميزة يا قلبي تحياتي لك وبانتظار جدييدك
__________________
  |
|
|
|
|
06-03-2013, 08:00 PM
|
#4 | |
|
هاوي متميز
|
رد: نصائح لمبتدئين عند تربية الحمام
اقتباس:
شكرا شكرا شكرا يا مشرفنا الغالي و المتميز و انا والله هحاول اعمل الموضوع بلصور بس هياخد ؤقت عشان الصور هتكون كتير  بس ان شاء الله اعمله و انتظر اخررر المواضيع قريباا جداا و شكرا علي المرور الحلو 
__________________
|
|
|
|
|
|
06-03-2013, 07:56 PM
|
#5 | |
|
هاوي متميز
|
رد: نصائح لمبتدئين عند تربية الحمام
اقتباس:
شكرا علي ذوئك الكريم و الله يخليك علي الرد الجميل
__________________
|
|
|
|
|
|
06-03-2013, 10:08 AM
|
#6 |
|
مساعد المشرف العام
|
رد: نصائح لمبتدئين عند تربية الحمام
يعطيك االعااافيه ويسلم االايااادي ابداااع مشاء الله تحيااااتي
__________________
 |
|
|
|
|
06-03-2013, 08:03 PM
|
#7 | |
|
هاوي متميز
|
رد: نصائح لمبتدئين عند تربية الحمام
اقتباس:
الله يخليكي علي المرور الحلو شكراااااااااااااااااااااااا 
__________________
|
|
|
|
|
|
03-04-2013, 10:36 PM
|
#8 |
|
هاوي جديد
|
رد: نصائح لمبتدئين عند تربية الحمام
|
|
|
|
|
05-04-2013, 04:11 AM
|
#9 |
|
هاوي متميز
|
رد: نصائح لمبتدئين عند تربية الحمام
عليك يابووديموضوع مفيد جدأ بس ياريت لو إنك تعمقت أكثر بإنتقاء الحمام عالعموم انتهينا والشكر لكــ، على هذا الموضوع القيم والمفيد بإنتظار جديــــدكـــ، تقبــــــل مــــروري
__________________
|
|
|
|
|
16-05-2013, 02:36 PM
|
#10 |
|
محترف
|
رد: نصائح لمبتدئين عند تربية الحمام
ما شاء الله عليك
كتبت فأبدعت الكتابة نصائح قيمة جزاك الله خير |
|
|
|
|
| Bookmarks |
| Tags |
| لمبتدئين, الحمام, تربية, نصائح |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض المتطور
|
|
جميع الأوقات بتوقيت GMT +3. الساعة الآن 05:34 AM.
الإدارة غير مسئولة عن أي اتفاق تجاري أو تعاوني بين الأعضاء
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
 |
 |
 |