قطوتي تعبانه تعررج ظروري

[بنوته الشرقيه]

السلام عليكم
قطوتي تعرج جات من برا وهي كذا وبعدها بس نايمه والفجر كانت كويسه هي تروح تتمشى وبعده ترجع لعيالها بس اليوم رجعت خلال نص ساعه وبالعاده تطول نص يوم او اليوم كله وترجع اخر الليل الحين موعارفه اتصرف اكلتها ورجعت تنام كلمت البيطري الاول قال نعطيها ابره ورفضت لان يموت الحيوانات من ابرته ودايم ارفضها حتى لو الصغار تعبانين والبيطري الثاني قال خليها ترتاح واعطوها مضاد حيوي

ابي خبرتكم ظروري يدها اليمين منتفخه تعورها وبس نايمه مهي طبيعيه ايش اعطيها؟
حرارتها كويسه وتقدر تمشي على يدها بس تعورها منتفخه

انا اشك ان الرجال ضربوها هي دايم تتضارب معاهم او القطوه اللي قريبه مننا ضربتها طبعا ماقدر احبسها انها ماتطلع لان هذي حياتها كانت تجي تاكل وتشرب وتروح صارت تنام عندنا ومع الايام ولدت عندنا وهي تروح وتجي كل يوم


+
صغارها عمرهم اكثر من 5 شهور ولسى يرضعو وتلحسهم كانهم صغار مرات تخليهم يرضعو ومرات لا تعصب عليهم وتضربهم تبخ عليهم ومرات تلعب معاهم وتناقز معهم وتقعد تصيد كل واحد وتضربه على اساس تمزح

انتظركممم