ممكن//سؤال

[بودى محب الكوكتيل]

لو سمحتم ممكن ااكل قطى سمك ناس قالولى لا شعره هيتساقط وناس قالولى السمك مفيد ليه ممكن تفيدونى والدراى فود فوائده ايه ويوضع كام مرة وممكن الانواع؟وازاى احافظ على شعره؟ تكونو مشكورين جدا
معلش انا تعبتكم معايا بس انا يعتبر اول مرة اربى قط بجد وحاسس بيه فمش عايز اديله حاجة تاذيه
متشكر ليكم

[كهوف الألم]

تقدر تأكله سمك بس ما يكون كل يوم يعني مرة في الاسبوع او مرة كل اسبوعين

والدراي فود انواعه كثيرة روح اختار النوع اللي يناسبك

أنا كنت أحط صحن لبسكوتة ودايم أمليه لها أذا جاعت تاكل منه خلال اليوم بس لاتعتمد عليه وجبة اساسية مجرد مكمل غذائي و الوجبات الاساسية احطها لها

انا كنت اشتري مياو مكس الاحمر حق كور الشعر لان بسكوتة كانت وانت بكرامة تستفرغ كور شعر واتحلت هذي المشكله بعد ما جربتة

والشعر أذا كان طويل يفضل التمشيط اليومي او كل يومين وانتبه لعقد الشعر الشعر يتكتل ويتجمع خصوصا منطقة البطن والاباط وانت تمشطة انتبة لهذي الاماكن لان ممكن تبدء الفطريات منها مكان دافي ورطب

وان شاء الله اكون افدتك باي شي

[بودى محب الكوكتيل]

شكرا اختى كهوف الالم والف سلامة على بسكوتة
وفعلا فى تكتلات فى البطن وتحت الابط ازاى احلها
وشكرا على توجدك السريع

[شاهستا]

اهلا بيك بودى

بالنسبه لسمك مره فى الاسبوع كفايه

والدراى فود الانواع المتواجده على طول فى مصر (( الفريسكس ، المياوميكس ،، الكات واى ))

دول احسن انواع استعملتهم وتقدر تحطله طبق فى دراى فود ياكل منه طول النهار

بس وقت الوجبات بتشيل الدراى فود وتحطله الاكل زى الفراخ المسلوقه او اللحم المسلوق

تقدر تضيف عليهم خضار او ممكن تاكله بيض مسلوق على الفطار او جبنه نستو

والمايه خليها ليه قدامه باستمار مع تغييرها يوميا

تحافظ على شعره انك تمشطه كل يوم تتبع نظام غذائى منوع وكمان الاستحمام مره واحده فى الشهر

عشان الجلد ميحصلوش اجهاد

اما التكتلات الى عنده لو تعرف تقصها بالمقص قصها بس حاسب تقص الجلد

ولو مش هتعرف الافضل توديه لعياده تكون بتحمى القطط وتنظفهم وكدة

[بودى محب الكوكتيل]

شكرا اختى شاهستا ان شاء الله هعرف اقص التكتلات
واسف على القلق الى انا مسببهولكم

[بودى محب الكوكتيل]

للاسف ماعرفت اقص التكتلات الموجودة الا التكتلات البسيطة عنده كتله كروية موجودة فى صدره وكتلتين فى الابط بس مش عارف احلهم وهى خطر على القط ولا عادى؟ ممكن تفيدونى

[شاهستا]

ممكن تسببله فطريات عشان هى متجمعه فى منطقه واحده

لو قريب منك زى ماقولتلك عياده او محل حيوانات وديها يعملوهالك