الديدان والاسهال

[Sos.So]

كنت عملت موضوع عن الانتفاخ اللى عنده
وكنت مفكراه هوا لان مكانش فيه اى اعراض
بس لما اديته disflatyel الانتفاخ قل شويه
بس حسيت انه داخل على دور اسهال لان كان منطقه الاخراج بتاعه
بينزل منها مثلا نقطتين تلاته براز وبعدها بلاقيه بيفحر فى الرمل بطريقه غريبه زى مايكون فيه حاجه مضايقاه وبيعمل
البراز بتاعه مش اسهال واتضح انها ديدان لانى لاقيت فى البراز بتاعه دوده
وبعدها بساعتين ولا حاجه فضل ينونو ببص على منطقه الاخراج بتاعته لاقيت فيه دوده طالعه طبعا شيلتها وغسلتهاله كويس

دلوقتى انا نزلت الصيدليه بيقولى الدرونتال خلصان وفيه نوع تانى زيه بالظبط بس روسى ورانى العلبه بتاعته مكتوب عليها بالروسى مش فيها ولا كلمه انجلش والحبوب بيضه كده وصغيره مدوره
بيقولى الجرعه بتتاخد 3 حبوب على 3 ايام هل فيه نوع علاج للديدان فعلا روسى ولا اللى فى الصيدليه ده بيهرتل وبيعك وخلاص انا بصراحه مجيبتوش خوفت قولت هستنى لغايه بكره صيدليات تانيه تفتح واجيب الدرونتال اضمن

بس انا مش عارفه هو النقط اللى بتنزل منه دى او ساعات اللى بلاقيه عند فتحه الاخراج بتاعته ممكن يبقى من الديدان ؟؟؟؟؟ لان لو بدايه اسهال مش هينفع اديله الدرونتال تقريبا الا لما يكون مفيهوش اى حاجه صح ولا انا غلط ؟