هام قطي له يوم ما أكل.....أدخل بسرعة

[أمير البحر]

السلام عليكم

قطي له من أمس العصر ما أدري ايش فيه كان في الفجر والصباح عادي ما فيه شي يلعب ويتحرك

وياكل...أما في العصر تغير أكل شوي وراح ينام جيتلو بعد صلاة المغرب ألقي في مويه في أنفُ أنا قلت

يمكن زكم عشان هو يعيش في حوش البيت وكان نايم وقتها...وفي الحوش غرفة صغيرة هو دايمًا ينام

فيها بس كانت الغرفة مسكرة كذا نام برا...المهم بعد المغرب صار خمول و كثير النوم ما أكل ألين ذحين

يعني له يوم وساعة ما أكل شي وفوق هذا كلُ يسيل منُ لُعاب يجي لتحت فمُ ويتوسخ فمُ أجي

أمسحلُ وبعدها اليوم في صلاة العشا اللُعاب صار يجي لِعند صدرُ ويدُ ولم أمسك فمُ وأبغى أفكها يتعور

ويبغى يخرمش يدي.... وبعدها جبتلو الأكل يجي يشمها ويحرك فمُ بشويش وكأنُ يبغى ياكل بس مو

قادر وماهو راضي يلعب ولا يبغى يتحرك ولاشي بس ينام أويجلس مكانُ

بالله قولولي ايش أسويلُ خايف يموت مو راضي ياكل قولولي ايش الحل بسررررررعة بالله عليكم

[أمير البحر]

حبايب قطي أتوقع أنُ عند التهاب باللثة ....عشان قريت موضوع باغيرا عن التهاب اللثة عند القطط...أنا بوصفلكم

حالةُ وأنتُ شخصُ....يسيل لعاب كثير لدرجة وصل لصدرُ واللعاب يكون حوالين فم طوال الوقت ولم أمسح فمُ يتعور

ويبعد وبعدها يرجع اللعاب....لم أحركُ مايبغى يتحرك يقعد جالس طوال اليوم....وماياكل له يوم و6ساعات ماأكل

ولاشرب شي ولم أبغى أأكل بل غصب بالسرنجه أول ما أمسك فم يتعور و بعدين صبيت شويت مويه على فم قام

فتح فم وقفلها بس ما طلع لسانُ عشان يلحس المويه ألي في فم وأنفُ....حتى لم يطلع صوت يطلعها من جواتُ

بس مايحرك أو يفتح فمُ.... ذحين بالله قولولي ايش عندُ؟اذا استمر على كذا أكيد بيجيلو جفاف.....وبالله ألي في

جدة يقولولي فين أفضل عيادة بيطرية(يعني رحتولها وعلاجتُ قططكم)

[شاهستا]

اهلا بيكـ

اتوقع ان ده مش سببه التاب لثه فقط

وياريت تشيك على اللثه بتاعته يعنى شوف فيها التهاب او ولا

وهل رائحه الفم عنده وحشه ولالا

وتنفسه اخباره ايه ودرجه حرارته

[أمير البحر]

شاهستا تنفسه عادي و ما هو سريع...وحرارةُ.,مسكت أذنُ ولقيتها ماهي باردة ولاهي حارة يعني

ماأحس لا بالبرودة ولا بالحرارة...رائحة فمه ما أدري عشان أصلاُ ما يفتح فمه مقفلهَ طوال الوقت بس

رائحة جسمه كلها م هي حلو...التهاب زي ما قلتلك ما يفتح فمه بس بنزل صوره لي فمه....قبلها اليوم

في الظهر لقيت صحن الأكل ما أكول فيه حاجة بسيطة بس أنا قلت يمكن قطة من الشارع أكلته مو هو ألي أكلها بس لو

هي أكلتُ لا كانت لحست الصحن وأكلتُ كمان وبعدها جبتلو أكل ثاني يادوب شم الأكل وخرج لسانه

لمسها بس ما لحسها ودخلها مرا ثانيه وبعدها لاحظت أنه في عيونه مويه بس ما تنزل بس

موجودة في عينه وكمان لاحظت أنُ في (مخاط) ينزل من أنفه (يعني مزكم) وكمان كل شويا يحرك

فمه كأنُ يدخل لعابه....شربته بالسرنجة مويه بالعافية عشان خفت لا يجيلو جفاف

(بس قليل شرب حقت كم قطرة) على طول أول ما أمسك فمه عشان أفكاها يتعور

وبالله ألي في جدة يقولولي أفضل عيادة تكون نظيفة والأطباء محترفين وشاطرين

وهذي الصور

[تومي الصغيرة.]

ممكن يكون. تسمم. بسرعه. وديه. البيطري
شاطر قبل. ماتدهور. حالتو

[شاهستا]

حقيقى الصور مش واضحه

بس الافضل انك توديه للبيطرى وعلى ماتوديه اديها مضاد حيوى

[فاتـــو]

اهلين اختي
عطيه ايموكس من الصيدليه البشريه 1 مل كل 12 ساعه
انا صارت لقطي نفس الاعراض وماكنت قادره اوديه الطبيب
بس عطيته المضاد الحيوي وتماثل بالشفاء تماما
ولو حالته ساءت وديه للطبيب
ومايشوف شر

[بسبس مياو]

انا اتوقع يا عنده التهاب حاد بالحلق ومش قادر يبلع نهائي
او انه بالع شي وواقف في حلقه ويمكن يكون شي حاد او كبير
لازم لازم توديه البيطري ومش اي بيطري وديه بيطري يفحصه زين ويسويله اشعه للحلق علشان يبين اذا
في شي في حلقه وأصر على الدكتور يسوي الاشعة ترى احيانا يتساهلون ويعطونك دوا بدون فحص.... وطمنا عليه

[أمير البحر]

زي ماتوقعت قال الدكتور(الدكتور يمكن أمريكي أو ألماني يتكلم انجليزي بس مايعرف عربي) أنُ عنده

التهاب باللثة وفي حاجة ثانية قالها بس ما فهمت عليه أنُ عنده فايرس في الفم وقال كمان تعدي

القطط الثانيه بس أما الإنسان لا ماينعدي وبعدها أعطاه ابره فيها مضاد بس قبلها أعطاه ابرة صغيرة

فيها زي (المويا-يعني ماء) وبعدها مباشرة أعطاه ابرة المضاد وقالي تعال بعد أسبوع عشان يعطيه

تطعيم... المهم قالي أشربُ مويا كثير عشان له 4أيام ماشرب ولا أكل شي(مدري كيف عِرف أنُ 4 أيام

ماشرب مَعنِي ما قلتله هو حط حاجه سائله من قزازة علاج وحطهَ في ظهر قطي وشاف الجلد وبعدين

قال أنُ ما شرب 4أيام) وقالي أأكل بالسرنجه ماء زي التونة أو أي حاجه ثانيه ومعاها ماء عشان

يخفِفُ.....بس أسعاره جداًخياليه وأنا ما أقدر أودي بعد أسبوع...ذحين أعطيه مضاد ولا؟اذا نعم...كم

مره في اليوم؟ (مرتين زي ما قلتي يا فاتو)....وكم أعطيه كم مل؟(هو عمره سنه وشهرين)...وينفع

بس أأكل ماء التونة أو المرق كذا ماراح يموت ولا لازم أأكل لحم بس يمكن مايقدر ياكلُ اذا ما قدر

خلاص أعطيه ماء التونة أو المرق يكفيه ولا لا؟

[أمير البحر]

شوفُ أنا أستخدم هذا المضاد الحيوي(ايموكس)





هل ينفع؟ولم اشتريت جبلي اثنين واحد قال تركيزُ أقوى والثاني قال تركيز أقل أنا أخذت الأقل وفي حق

الكبار بس أنا أخذت حق الصغار ألي تركيزُ أقل..... هو صح هذا المضاد ولا الثاني ألي تركيز أقوى؟

(ألي في الصورة حقي ألي أشتريته وتركيز أقل)