لا تبخلوا عليه بالنصيحه

[Love kasko]

السلام عليكم ورحمة الله وبركاته

شحالكم؟؟ ان شاء الله الكل باحسن حال

انا مجرد هاويه لا املك الخبره الكافيه في هالموضوع بنزل كل شي يخص الدر بالصور واتمنى النصيحه والافاده من اللي عندهم خبره وقبل كل شي اسمحولي لاني والله مالي غيركم ينصحني مع العلم انا ما اعرف عمرهم كم واحد سميته متوه والثاني توتو

هذي صورتهم اول كم يوم خذيتهم فيه



وهذي الصوره تحت جناحهم من كم اسبوع





وهذي صورتهم اليوم ما شاء الله احسهم كبرانين شوي فديتهم




وهذا من تحت جناحهم اليوم





وهذا اكلهم قبل ولما خلص خذيت لهم اللي تحته هل اغيره ولا مناسب واقدر اعطيهم شي ثاني وصح انا ااكلهم الساعه 6 الصبح عشان الدواء والساعه 12 الظهر ب\ون دواء وارجع الساعه 6 المساء عشان الدواء وآخر شي 12 فليل ااكلهم وخلاص هل يكفيهم ولا لا



وهذا صورة دواهم احط من الوردي شوي والابيض اكثر شوي مع الاكل يوم الثلاثاء بيكملون 5 ايام وبوقفه




وهذا مكانهم طوال اليوم بس هل تنصحوني اغيرهم في قفص مع العلم انهم بدوا يسون حركه تقهرني يحاولون يحفرون من بين نشارة الخشب الصراحه اخاف تعورهم ولا يبلعونها البيطري قالي هذا دليل يبون يلعبون طيب شو اللعاب االلي تناسبهم



وصح اليوم البيطري عطاني هذا الاكل قالي حطي لهم ملعقه في صحن وحطيه في القفص يتسلون فيها ويتعلمون ياكلون بس بصراحه خفت انتوا شو تنصحوني




وآخر شي انا لما اخليهم ينامون بهذي الطريقه صح ولا غلط بس تراه من خوفي يحوشهم البرد





واي نصيحه تفيدني لا تبخلون عليه فيها

وانا آسفه على انه الموضوع طويل

ودي واحترامي للجميع

اختكم

قمر

[بلاك بيري]

اهلا بك اختي قمر

بخصوص طيورك ماشاءالله عليها تجنن واحجامها ممتازة وماشاءالله عليكي مانتي مقصره معاهم بنظافه ولا بغذاء ولا بفيتامينات
انا انصحك بالأستمرار على طريقك في اهتمامك بهما لكن حاولي تخليهم بعيدين عن المكيفات وعن التيارات الهوائيه لما لها من ضرر بالغ على الطيور وعلى صحتها التي تعد ركيكه في هذا العمر نظرا لعدم اكتمال نمو جهازها المناعي
وانصحك بالأعطاء الدوري للفيتامينات العامه
انصحك بالتشميس
انصحك بالترويش الأسبوعي للحفاظ على نظافتها

موفقه بكل خير

[Love kasko]

مشكور حييييييييييييييييييييييل وتسلم يا اخوي بلاك بيري العزيز

وان شاء الله اخذ بنصيحتك وانا فعلاً ما اعرضهم لي بروده وان شاء الله من بكره اعرضهم للشمس

بس اخاااااف اروشهم اكتفي بقطنه مبلله بماء دافي وامسح عليهم

ويوفقك ويسعدك يارب

وتسلم على مرورك العطر

اسعدتني نصيحتك

[نوني..]

حبيبتي ماشاءالله عليك طريقتك جدا ممتآزهـ مااقدر ازيد عليهآ

وبالنسبهـ للترويش افضل بقطنهـ لانهم لسى صغارين

ماشاءالله عليك استفدت من طريقتك لانو ماسبق لي ربيت فرخ غر

تتهني فيهم يارب والله يخليهم لك

[عاشق الرمادي الافريقي]

موفقه وفي تربيتهم ان شاء الله

[Love kasko]

فديتج والله يا نوني تسلمين اخجلتيني

وآمين ويهنيج في طيورج يااااااااارب

وتسلمين على مرورج العطر

وردج اللي اسعدني كثير

[Love kasko]

وآمين يا عاشق الرمادي

ويوفقك في شراء الكاسكو وفي كل شي

وتسلم على مرورك اللي اسعدني

[عاشق بغبغاء كاسكو]

ماشاء الله تبارك الله جميل جدا

اسستمري بهذا الطريقه
Do not stop

[محمد حمد7]

انا اقول , لو تغيرين الوقت راح يكون احسن ,,
مثلا الفرخ الدرة الي عندي اعطيه الساعه 7 الصبح ثم 2 الظهر ثم 9 في الليل
يعين يكون نظام الاكل متوازن يعني كل 8 ساعات وجبة ,, والله يوفقج

[Love kasko]

ان شاء الله اخوي عاشق

ومشكور على مرورك العطر ^^