كلبي مات ليه

[darkangel00100]

السلام عليكم ورحمة الله وبركاته
من اسبوع شريت جولدن ريتريفر كان عمره شهر
البياع ماشالله عليه حمم الكلب عشان ينباع معاه وكان الجو بارد الكلب كان مسهول واصلا عمره صغير جدا
المهم الكلب ما كان يشكي الا من اسهال وكان يلعب ويتحرك كنت اطعميه حليب منزوع الدسم والعلبة الصفرا للبوبيز
بعد يومين صار يتبرز دم احيانا حتى ما يكون في براز اخذته عند .... اقصد دكتور بيطري اخذته على .... الله لا يسامحه والله ثنين قدامي معهم قطاوة قلهم نفس الكلاب ( دا يزول داير بياكل دجاج مسلوق وحليب ويطيب بعدين حاسب الكاشير 150 ريال وانت طالع) وقالي انه العلبة الصفرا تبع البوبيز ماتنفعله مع انه دكتورثاني نصحني فيها
اخذته على ...... بعد يوم لانه اصلا الكلب ما اكل دجاج وقالي الدكتور هذا بس ياكل لبن منزوع الدسم وواعطاه ابرة للرشح وابرة مضاد مدري للاسهال وسريع سريع الكلب صار حيوان ثاني قعد يومين ما اكل حاولت بالسيرنغ غصب
صار يستفرغ رجعتلو عطاه ابرتين مغذي المهم الكلب ما كمل شهر واخذ 6 ابر واليوم مات
الله يلحقكم فيه يا تجار مو اطباء
رجاء ابغا اعرف مين الغلطان الكلب موفرله دفا وكل شي وانا عارف انه كثير جراء تموت وهذا بعدوه عن امه بسرعة

[Abo_fahed]

وعليكم السلام ورحمة الله وبركاته


أول شي لازم تعرف

ان هذا قضاء وقدر

وان شالله انها خيره فيما اختار الله لك

والله يعوضك بالي أحسن منه


واذا تبي تعرف الغلط !!

أنت الغلطان من البداية وهذي الأسباب :



1- لأنك أخذت جرو غير مطعم وصغير بالعمر

المفروض بهذا العمر عنده امه يرضع من حليبها


2- خذيت جرو من الأساس موصحي > فيه اسهال


3- ماخذيته للبيطري فور ظهور الإسهال

لأن الإسهال يعتبر عرض من أعراض مرض معين

والأمراض كثيرة التي يسبقها إسهال منها > البارفو وهو مرض قاتل

[Musab Pro]

الله يعوض عليك .

عموما عشان تعم الفائده ونتحاشى الاغلاط اللي نوه عنها ابو فهد واللي بقولها الان .

اول شي تسويه لما تشوف كلبك في حالة اسهال هو قطع الطعام عنه كليا و الاكتفاء بالماء النضيف .

و تراااجع البيطري فورا .. او على الاقل في نفس اليوم .

ثانيا لما تشوف اسهال معه دم و خمول في الكلب و انعدام الشهيه هذي اعراض مرض البارفو .

يجب .. يجب .. يجب انك تاخذه للبيطري .

ثالثا .. يجب على كل هاوي ان يحدد له بيطري واحد جيد يراجع معه حالة الكلب .

وافضل ان يكون بيطري محترف حتى لو زاد السعر حبتين .

فيه بياطره عندهم ملفات للكلاب و يتابعون حالاتهم وعندهم اجهزة تحليل دم و براز واشعه وغيره

لما نشوف كل هذه الاجهزه للتشخيص نعرف بان البيطري هذا متمكن و يؤمن بأن نصف لعلاج التشخيص .

رابعا .. في حال شفت اي خلل واضح او تغير بالنشاط لاااا تتاخر ... كثير من الامراض الصعبه

يمكن علاجها في المراحل الاولى .

اللي صار فعلا قضاء وقدر واهتمامك الواضح بالموضوع لا يعني بالضروره انك لست شريك بالخطأ

نعم فيه جزء من الخطأ يعود عليك .. وكلنا نخطي ونتعلم و ان شاء الله اخر الاحزان .

الله يعوضك باللي افضل منه ان شاء الله .

تقبل مروري .

[darkangel00100]

مشكوررين وما قصرتو اكيد اخواني بالنهاية قضاء وقدر انا عارف ان الكلب لازم يكون عند امه بهالوقت لكن حصلت الكلب وعجبني وزي ما تعرفو كلب قبل شهرين ما حيكون اخذ لقاحاته ...
انا كلبي لما كان يتبرز دم الله يعزكم كان بقمة نشاطه يلعب لكن اتوقع ع الابر الي اخذها والادوية
ومشكورين وما قصرتو ويعطيكم الف عافية

[jassim99]

مثل ماقالو الشباب

وفعلا كلام اخوي مصعب ماعليه كلام

هذي كلها اعراض البارفو

عشان كذا احنا دائما ننصح بشراء الجراء في عمر 4 شهور يكون غادي شره

واصغر عمر ممكن تقتني فيه الجرو عمر الشهرين عالاقل يكون بدأ بجدول التطعيمات و انفطم من امه

طبعا هذي كلها احتياطات الواحد يحاول يسعيلها وبالاخير كل شيء بيد الله سبحانه وتعالى

والمفروض انك في المرات القادمه تتعلم من هالموقف و اول ماتشتري جرو او كلب تشرط عالبياع انك تاخذه للبيطري ليتم فحصه فحص شامل قبل الشراء

هذا كله بيكون من صالحك

الله يعوضك خير منه