طير البادجي VS الكاسكو

[silver.spook]

السلام عليكم

قبل كل شيئ صلو على الحبيب

ماشاء الله

طبعاً واضح من الموضوع انه سارت مضاربه بين البادجي و الكاسكو
و
معروف ايضاً بانو اي طير يكون عندك فتره و يبدأ يتولف عليك و يحبك و تجيب طير غيره يبدأ يتضارب

معاه او يتولفو بعد فتره انا سارتلي مشكلة ما توقعتها ابداً

في البداية بقلكم حاجة عندي كاسكو و انثى بادجي خليتهم مع بعض فتره تقريباً ما يقارب اسبوع

بس كل واحد في قفص بس جمب بعض بعدها خرجتهم طبعاً مقصوص جناح الكاسكو اما الكروان لا

المهم خرجتهم قعدو مع بعض بدون مشاكل الانثى كانت شوي وليفه و الكاسكو وليف من ناحية

تحك راسه و يطلع على اليد بس يكون على الارض او على شيئ ما يمسك فيه مو على خشبه

فدخلتهم القفص مع بعض تقريباً مايشابه 3 او4 ساعات ما سارت مضاربه ياكلو عايدي و كل شيئ...

ذحين شريت زوج بادجي مع فروخ اكبر فرخ ما يقارب عمره 35 يوم اليوم الثاني رحت اشتري قفص

اكبر بس قبلها كنت العب مع الكاسكو شوي و اضفشه و هوا برا القفص و سبته و رحت كالعاده

مافيه شيئ رحت اشتريت القفص و اكل ... رجعت لقيت الكاسكو مدسوس تحت الكنبه و ما بيطلع

الهرجه فيها شيئ اقلكم ؟ ولا عنو <<<خخخخخخ

الي سار انه طلع فوق قفص البادجي و نتفله واحد منهم بالمنقار خلاه يرقص ديجيه بالدم

يحزن والله ضربه في منقاره كسرله منقاره الي فوق و الفرخ عمرو تقريباً بين الـ 30 الى 35 يوم

و يطير و ياكل بنفسه قبل لا ينكسر منقاره ذحين اسبكم مع بعض الصور توضح الكسر

هنا باين اكثر





شفتو الصور هذه الصور اليوم مصورها قبل كم دقيقه و الحين الصوره الي من يوم ما ضربه مو على طول بعدها بساعتين



طيب ذحين كيف ياكل !!!

سهله مرره ولا ابرا و سرلاك و تعب فاضي اطحن الاكل حقه و نضفه من القشر

زي هذه الصوره




و تلقاه يتسبح فيها <<<< ههههه

و الحمدلله له ذحين 4 ايام عدت و ياكل بنفسه و احيان ابوه ياكله و الحمدلله انه عايش

و انا خفت يموت لانه صراحه من افضل الفروخ الوان عندي ماشاء الله عليه

ما حبيت اطول عليكم و مدري اذا مررت عليكم هذه الحاله المهم خلاصة هذا الوضوع

انه الي عنديه طيور بينهم فرق حجم كبير لا يقربهم جمب بعض الين يتوالفو بشكل كبير

و اتمنى اني افدكم بالدرس الي سار ليا و اتمنى محد يوقع فيه زي

وصلى الله على سيدنا محمد