اسئله عن الحمام

[ولد امس]

بسم الله

السلام عليكم


كيفكم يا اخوان عندي بعض الأسئله تكفون جاوبوني


اولأ انا ناوي ان شاء الله بعد فتره كذا ابي اشتري شبك كبير وابي اشتري مجموعه من الحمام وابي انوع فيها بلدي وقطيفي وبغدادي يعني بنوع ابي اربي وابي اتاجر فيه وانا ان شاء الله اذا اشتريت الشبك ابي اسوي لهم محاكر يعني هم يبيضون في المحاكر ولا لازم احط لهم كرتون ولا كيف وانا يمكن المحاكر اللي بحطها لهم صطول بويه وانا ترا ماعندي خبره وعندي شيء ثاني الحمام يعني مو مثل الدجاج يعني لازم مع كل انثى ذكر ولا كيف وبعدين الجوز يعني الذكر والأنثى كيف يعرفون ان هذا المحكر حقهم والثانين كيف يعرفون يعني كيف كل جوز يعرف ان هذا المحكر حقه وعادي لو مثلا احط بلدي مثلا مع بغدادي واخليهم يتزاوجون واذا عادي اسوي كذا كيف اخليهم يتزوجون مع بعض
وبس واسف على الأطاله بس انا مره مو فاهم في الحمام وياليت اللي عنده خبره يفيدني ماتقصرووون

[bird96]

تفضل هنا :

http://www.2zoo.com/vb/showthread.php?t=3036


http://www.2zoo.com/vb/showthread.php?t=25736


http://www.2zoo.com/vb/showthread.php?t=30729

اعطيك ملخص : الحمام : طائر جميل سهل التربيه يأكل قليل ب عكس الدواجن . يأكل 1 القمح . 2 الذرة . 3 الكرسنه . 4 العدس .

الماء نظيف دائما .

يبيض بيضتين هناك طفرات يمكن تبيض 3 بيضات . او اربع . يتناوبون الذكر والانثى عالبيض يبقو 17 يوم و يفقسو الاب والام يعتنون بهم يطيرون على عمر شهر تقريبا و اقل او اكثر حسب .


يعيش في ازواج مترابطه امراضه قليله اذا توفر الاكل النظيف والماء النظيف والعش النظيف والمكان النظيف .

وبالتوفيق في تربيتهم بس لا تكثر اول شي حتى تكتسب الخبره او روح ع مربي حمام واسأله واخذ الاشياء المهمه . موفق

[عربجيه حبتين]

الاخ bird96
ماشاء الله عليه ماقصر

والحمام كل انثى لها زوج ويعششو فمحاكر لما يكون عندهم العش الي يشبه الصحن
او يكونو بعشه ياخذو البراميل وبيوت الخشب
والكراتين موو مره مضمونه لانها خفيفه وخااااصه اذااا جتها فضلات الحمام بتكون رطبه وملجأ للجراثيم

ابدا بدايه بسيطه بزوجين عشان تتعرف ع سلوكياتهم زوج حطه بمحكر وزوج فالعشه ورااااقبهم
ومع الوقت جيب ازواج ثانيه خلي بدايتك بسيطه لحد ماتكون قويه بعد معرفتك بكل شي عنهم

[bird96]

اعمل زي هيك لكن يغلبك لكن ممتاز للحمام

هذا حمامي ماشاءالله

[العتيبي2011]

ماقصرو البلدي هو البغدادي طال عمرك
وانااا والله استخدم سطول البويه و الدنك حق التمر
والخشب والصحون الفخاريه من كل نوع يستطيع الحمام التبيض فيه
ماااا شاء الله الاخوان ماقصروا اي سوال نحن في خدمتك

[ولد امس]

مشكور يا اخوان والله ماقصرتوا الله يكثر من امثالكم بس اذا مثلا حطيت صطول البويه وش احط داخلها علشان يبيض

وانا ماعندي سطح يعني بحطه في الأرض والأرضيه تراب الله يكرمكم يعني عادي بعدين انا سمعت عن الديدان اللي تجي في الحمام كيف اتجنب هذي الديدان

وبعدين لازم انضف شبكهم كل يوم او كيف

[bird96]

تمشي تمشي الصطول بس انا اردني ما اعرف شو يعني البويه ؟؟؟؟؟؟ وبخصوص التبييض اول 10 ايام لا تنظر منهم انهم يتزاوجو بعد ال 10 ايام يعني 14 يوم يمكن يبيضو عشان يبيضو جيب عيدان رفيعه وكثير عشان هم يعملو العش انته ما الك علاقه بالعش بس تضع القش برا برا عند ما يأكلو وهم يأخذو ويعملو .

وبخصوص التراب لا يجوز لأنه اذا تبلل يصير امراض و خطأأأ

حطه يا على ارض سمنتيه .


او عالسطح ابني اتعب يوم وتطلع عشه روووعه .

الديدان تتجنبها ب نظافة الاكل و نظافة المياة وتجديدها دائما حتى لا تتكاثر فيها الجراثيم و اعمل برنامج مثلا سن ثوم و نص ليمونه اعصر النصف ليمونه ودق ال سن ثوم دق جيد جيد وضعه على لتر او لتر ونصف من المياه كل 10 ايام او كل 15 يوم وهو افضل . وبالتووفييييييق .

[باجه]

ولد امس تحية طيبة
اخوي واختي ماقصرو معاك ولا اقدر ازيد على كلامهم لانهم اخبر مني ماشاء الله بس بسهل عليك الكلام وان اخطيت صححوني
1- اذا تبي انتاج قوووي ولا تبي الحمام يختلط ببعض ويصير مهجن عليك بالمحاكر وصحون الفخار وحط في بالك انه لازم تكون المحاكر فوقها ظل بعد لان ظلها مايكفي والحمام يحتاج ظل عشان مايذبحه الحر
2- اذا تبي حمامك مجموعة وحده ولايهمك يتهجن ولالا ربهم بعشه كبيره وظلها كبير وحط لهم سطول بويه نظييييييفه وركز لي على كلمة نظيفه لان سطول البويه وسيعه وببلاش او حطلهم بيوت خشبيه تلقاها تنباع بأسواقالدواجن ولاهب غاليه مره ...اما اذا انت بتحطسطول فصفها على شكل هرم وثبتها مع الجوانب بطابوق ولزقها ببعض بصمغ اذا انت خايف تطيح معنها ماتطيح ...طبعا تاأكد ان الصمغ نشف لان ريحته قاااتله للحمام على حسب علمي
اخيرا ماانصحك انك تخلط حمام من انواع جيدة مع حمام بلدي رخيص ووافضل انكتجيبه كل حمام طيار باكستاني او قلابي اذا بتربيهم بعشه لان طيرانهم ممتع
واذا بتوالف حمامتين على بعض ذكر وانثى احكرهم في محكر ..مدري انا اسوي كذا وفالاخير نفرح بعيالهم ههه
وعلى فكره الحمام مهب زي الدجاج يعني كل ذكر له انثى وحده
ايه صح ذكرت لاتنسى ترمي لهم جريد نخل عشان يسوون اعششاهم بكذا بتسهل عليهم العملية خذ لك سعفة نخل يابسه ونتف اوراقها وارمها بالعشه وهم بيلقطونها
اخيرا اعذرني على الاطاله واي شي تبيه انا حاضر وراسلني على الخاص ومالك الا طيبة الخاطر

[العتيبي2011]

عزيزي نحن نقصد السطول النظيفه التي لايوجد بها بويه

[bird96]

ههههههههه شكرا اخوي العتيبي شو يعني البويه ؟؟؟