اشترك في نشرتنا البريدية ليصلك كل جديد

فلورا & هارفي · 01-08-2011, 07:57 AM

السلام عليكم ورحمة الله وبركاته

اسعد الله اوقاتكم بكل خير

مبارك عليكم الشهر وكل عام وانتم بخير

كيفكم مع الصيام اول يوم ؟؟

الله يتقبل منا ومنكم الصيام والقيام يارب

اليوم الفجر بعد الاذان من اول يوم رمضان ششفت مولود جديد في قفص الهامستر لونه احمر تحت الذكر نايم عليه
والانثى داخل بيتها

قلت ليكون هذي الانثى واللي داخل البيت الذكر

بس لقيت الي داخل البيت تدور على ولدها مادري كيف طلع وطاح تحت نشارة الخشب وفي يده نقطة دم صغيره وشافته ودخلته البيت

المهم عطوني نصايح اكثر وش اسوي للأم وعيالها عشان يكبرون ويعيشون كويس

اللي اعرفه بس اني اوفر لهم الهدوء والجو الدافي واعزل ابوهم في قفص ثاني بس

مابي اخسرهم مثل ماخسرت البلابل اللي ماتوا اول امس

جاو لي هديه اعمارهم اسبوع تقريبا وعاشوا عندي 3 ايام وانتقلوا الى رحمة الله

يلا يمكن خيره لهم ولي .. طيور من طيور الجنه ان شاء الله

يعطيكم العافيه

دمتم بخير

nem0 · 01-08-2011, 08:22 AM

شوف اخوي أولا:
أنت تعرف إنك المفروض تفصل الذكر وما فصلته ليش هذا من الأسباب اللي يخلي الحيوانات تموت
علم الشخص بالشيء وتجاهله علشان كذا طوالي روح إفصل الذكر .
ثانيا:لا تلمسيين الأم ولا عيالها لمدة 21 يوم يكون البيبي إنفطم علشان لو أزعجتي الام راح تآكل الولد خوف عليه
ثالثا: وفر لهم الاكل اللي يوجد فيه فيتمينات علشان تساعدها على الرضاعة مثل الحبوب والفاكهة والجزر والعلف
وبس أتمنى غنك إستفدت
ومبارك عليك الشهر وتقبل صيامه وقيامه

احب الارانب والهامستر · 02-08-2011, 11:21 PM

والله الاخ نيمو ماقصر وانا ماعندي خبرة وشكرا

hamster-lover · 03-08-2011, 11:46 PM

افصل الام والبنات اب قفص والبو و الاولاد اب قفص عند سن 21 يوم بعدين عند البلوغ افصلهم كلهم عن بعض لما تفصلهم رجع الام والبو مر ثانيه

فلورا & هارفي · 06-08-2011, 10:17 AM

الله يعطيكم العافيه يارب ماقصرتوا

بس ليه افصل الام والبنات لحالهم والاب والاولاد لحالهم بعد 21 يوم ؟؟

Coupooo · 06-08-2011, 01:35 PM

عشان ميحصلش تعشير عشوائى و كله يتجوز كله ... عشان كدة تفصلى الاناث فى قفص و الذكور فى قفص ... مع العلم ان سن البلوغ من شهرين الى 3 شهور

فلورا & هارفي · 24-08-2011, 06:36 AM

ايواا يعطيكم العافيه

@$عاشق الدرة$@ · 24-08-2011, 04:23 PM

اخوي زي ماقال الاخ نيمو افصل الذكر ولا تقرب من الانثى عشان لاتاكل عيال وبعد سن البلوغ افص الاناث والذكور عن بعض .

رعوود · 26-08-2011, 12:59 AM

اخوي فلورا & هارفي

النصيحه الوحيدة اللي مفيدة

انك تقوم بقراءة الموضوع الخاص بالعناية بالهامستر الحامل وما بعد الولادة

ضمن المواضيع المثبته

فيها كل ما تحتاجه

موفق

فلورا & هارفي · 26-08-2011, 11:59 PM

ايواا ان شاء الله رعوود

بس ابوهم يتهاوش مع امهم وعياله على طول

كل يوم احط امهم مع زوجها وتتهاوش معاه

واحط ذكر مع ابوه ويطيره ويتهاوش معاه وافصله

وهكذا

وش الحل يعني معاه ؟

ابيعه واشتري ذكر غيره ؟ ولا وش اسوي ؟

قريت عن الهامسترات بعد الولاده والفطام وجربت كل شي بس مافي فايده