قصتي مع القطاووه طالبتكم الفزعه بلييييييييز

[عاشقة الابتسامه]

السلام عليكم ورحمة الله وبركاته

كيفكم اخواني اخواتي ان شاءالله طيبين

بصراحه مادري وش اقول سالفتي سالفه وانا جديده وحبيت مشاركتي الاولى تكون قصتي مع هالقطاوه وابي رايكم

انا اشتريت قطو من يومين عمره شهرين ولا اعرف اي شي عن تربيه القطاوه وكيف اتصرف معه

وادخل المنتديات واخذ معلومات وانفذها وللحين احس اني محتاره ولي اسئله كثيره وماني لاقيه اللي يحلها لي قلت مالي الا هالمنتدى الطيب الكل نصحني فيه

اول شي القطو اللي عندي ذكر

<<< هذا هو اللي بالصوره الرمزيه

سميته تومي بس مايعرف اسمه كيف اخليه يعرفه

وقبل كل شي كيف اخليه يسمع كلامي لما اقوله لا تطلع من الغرفه مايطلع لما اقوله روح ع السرير يروح

وبعدين هو مزاجي مره متى مابغاني ادلعه وانومه يجي عندي يدور حضني واوقات اذا جالسه ع اللاب يحاول يبعدني عنه ويقولي انتبهي لي ومتى مابغاني وربي يهرب مني يروح تحت السرير

رغم اني ماسويت له شي او اذيته وش السالفه ؟؟؟

هذا شي والشي الثاني اذا فيه احد معي بالغرفه غيري انا وياه مثلا خواتي اخواني يبون يلعبون معه بس يعضني ويبعد عني

لايفوتكم قريت عن طريقة تحميم القطط وجربتها فيه وابشركم للحين حي مامات

المهم فيه شغله ثانيه مضايقتني الا وهي صندوق الحمام حقه اكرمكم الله

هذا وش اسوي فيه يعني انا ماعندي حاليا غير تراب الحوش احطه له يسوي فيه حمامه

وامكانيتي ماتسمح اشتري كل شوي تراب خاص للحمام اصلا اهلي مايرضون حتى الاكل حقه من البيت وش تنصحوني فيه ؟؟؟

ايه صحيح المويه مايشرب كثير يطفشني هالشي احسه ضروري يشرب لانه يتعب

وبعدين الاكل حاولت اخليه يحب السنكرس عشان يعطيه طاقه بما انه يحب يلعب ولعبه كثير ونومه اكثر بس مافيه فايده

وابي اعدل نظام نومه كيف اسوي لانه يسهر وينام العصر ويطفشني اذا نمت يبي يلعب وش اسوي عشان اقدر اعدل هالنوم ؟؟؟

وفيه اوقات يجي عندي ويفرك جسمه علي وكانه يبي يقول شي ويقول مياوو <<< علي تعبير ههه

المهم واذا مافهمت عليه يروح لاختي ويسوي نفس الشي

واوقات ما افهم عليه واجيب له الاكل قلت يمكن جوعان هل له تفسير ثاني ؟؟؟

الا صحيح ابي اسالكم الاكل حقه له وقت معين يعني انظم له اكله مثلا ثلاث وجبات في اليوم

والا لا يعني الفطور يكون مثلا الساعه 7 والغداء يكون 12 ظهر والعشاء يكون 9 بالليل

والا وقت مايجوع احط له الاكل وهو يدبر عمره وبصراحه انا مخصصه له صحون بلاستيك لاكله وكل شوي انظفها له بعد كل وجبه

وما احس انه ياكل اليوم الصباح جلست اكله بيدي واعطيته مرتديلا ك نوع من التغيير يعني المرتديلا زين له والا لا ؟؟

لاني طفشت للحين مو عارفه اي نوع من الاكل يحب امس جبت له حليب شرب شويه بس

تعبت من كثر ما انوع له ولاعرفت اي نوع يحب طبعا للحين مارحت اشتريت شي خاص للقطاوه

ماحد بيطاوعني عشان كذا جالسه احاول اخترع له من البيت وربي امس اعطيته كيك بالتوفي لحس التوفي واكل شوي من الكيك وخلاص ماعاد اكل شي

الا بسالكم كثير خوفوني من سالفة ان القطو يجيب الصلع والمصيبه انه ماينام الا ع مخدتي وفي حضني وكل شوي افرك فيه وامسك شعري

يعني صحيح يجيب الصلع؟؟؟ وربي خايفه من هالشي

وفيه سالفه صارت لي امس اخوي وهو جاي من السوق شاف قطوه نفس القطو حقي وع باله ان القطوو انحاش

المهم لما جاء البيت وشاف القطو عندي انفجع قال قطوة مين اللي شفتها بالشارع

قلت له مادري عنها قال خلاص بجيبها وانتي شوفيها

وبالفعل جابها لي والله لايوريكم صحيح نفس نوع تومي بس اللي يختلف انو عدسات عيونها سوداء وحواليها ازرق

وشكل عمرها اكبر بس المصيبه الاكبر انو كانت وسخه بشكل مره معفنه اكلها اخوي تونه

وبعدها قلت خلونا ننظفها نشوف ايش مشكلتها ومسكينه من جد حزنت ع حالتها لما كنت انظفها شفت فيها زي القمل كثيييييييييييييير ومن كثر ماتحك جسمها مجروحه

وحابه اسالكم وش اسوي مع القطوه اللي من الشارع يعني وش تنصحوني؟؟؟ فيه رغم انها هاديه

واحس انها حنونه اكثر من القطو تومي

وربي حبيتها بس المشكله اخاف تعدي تومي بالقمل وابي اسالكم القمل حقها يعدي الانسان والا بس القطاوه وبعد مادري اخاف يكون فيها امراض معديه فكرت اروح للبيطري افحصها وان شاءالله اليوم نوديها لاني خايفه ع تومي من الامراض وفي نفس الوقت ع انفسنا ماندري من وين جايه هالقطوه



وع فكره تومي بس يشوفها يكش مادري وش يصير فيه مسوي حرب حتى صار زعلان علي مايحب يمسكني اناديه يهرب تحت السرير

البارح طفيت النور عشان ينامون وانام سوى حرب تومي عشان هالقطوه وطلعتها برا الغرفه عشان يهدا رغم ان القطوه هاديه وتبعد عنه ماتسوي له شي مادري هو خوف منه والا عارفه انه بزر

وبعدين وش الحنان اللي يطلع فجاه عند تومي وقت النوم بس يبي الحضن ويتحايل علي وقبل بس محاربني مع القطوه الجديده

وابي اسالكم المكيف يضر القطاوه والا عادي لاني ما انام من غير مكيف وهو ينام معي واوقات اغطيه اخاف عليه من البرد بس هو مره يبعد الغطاء ومره لا عاتي ؟؟

طلبتكم تكفوووون ردووو علي وش اسوي مع هالقطاووووه وربي محتاره

ع فكره القطوه الجديده حممتها بفيري عشان تنظف لانها مره وسخه زين اني ماتحمست وجبت كلوركس


بس بعد ابشركم للحين حيه ماماتت

ع فكره تومي مطعمينه وباقي له تطعيمه بعد شهر

عاد الله الله بالردود والفزعه وربي محتاجه لنصائحكم

<<< ع فكره اسئلتي كل يوم تزيد لي رجعه مره ثانيه

واتمنى ماضايقتكم بثقالة دمي

وياليت تفيدوني محتاجه لفزعتكم معي ابي اربيهم تربيه صحيحه ما ابي تومي يكون شرس وشرير

لاني من جد حبيته وربي يزنن لما يكون حنون ولما يلعب وابيه يحبني مثل ما احبه

وسلامتك


طلبتكم لاتنسوني بتجاربكم ونصائحكم

[دلوعةقطوتي]

وعليكم السلام ورحمه الله وبركاته
اهلين فيك ومبروك على تومي
موضوعك طويل وقريته عالسريع سوري لو ماركزت
اول شي اغلب اسئلتك بتلاقين جوابها بهالرابط

http://www.2zoo.com/vb/showthread.php?t=101401

بس قريت تاكلينه سنيكرس وكيك بالتوفي ومرتديلا
كل هالاشياء غلط وتضر القطط فانتبهي القطط غلط انو تاكل اشياء مالحه او حلوه بتضرها
والمرتديلا والهوت دوغ والاشياء هذي ابدا مو صحيه وضررها اكثر من نفعها
الاكل خليك عالدجاج المسلوق والخضار المسلوقه بطاطا جزر بازلا ذره ممكن تضيفين شويه رز للدجاج
طبعا الدجاج اكثر البروتين اكثر والنشويات اقل وممكن تعطينه جبن مثلث او كيري سيريلاك بالقمح
خبز توست مع لبنه او زبادي
اما الحليب لاتعطيه كثير يسبب له اسهال انتبهي
السمك مسلوق مره بالاسبوع او تونه ولاتكثرين منها تسبب اسهال وصفيها من الزيت
وفيه اكلات كثيره الدراي فوود الخاص للكيتن هو اللي اشتريه من برى اما المعلبات مالها داعي اكل البيت افضل
اما كيف يتعود على كلامك هو الحين زي البيبي وانتي امه تربينه وتنظفيه وتتحملينه ومايستوعب كل شي بس كل مايكبر كل مايفهم كلميه بهدوء ودايما كافئيه بشي
الوجبات ممكن كل 4 او 5 ساعات تعطيه وجبه والكميه قليله معدته مره صغيره وكل مايكبر تزيدين له الكميه وتقللين الوجبات
الاكل مسلوق بدون ملح ولابهارات ولاسكر

بالنسبه لليتربوكس ضروري تجيبي تراب من المحل او دوريلك على تراب نظيف بس يتغير كل مايسوي شي او تعوديه عالحمام العادي الله يكرمك بس ماافضل ان القطط تستعمل نفس الحمام
اما انو يتحكك فيك ويقول مياو لانو يحبك او جوعان
المويه خليها على طول قدامه وقت مايعطش يشرب اما الاكل اتركيه عشر دقايق وخليه عند الصحن لو مااكل شيليه وارفعيه عنه وبعد ساعه رجعيه ولو ماذاق الاكل ذوقيه انتي بيدك

اما انو يجيب الصلع لا ان شاءالله لو قطوطك نظيف ومافيه فطريات او غيرها مايسبب شي
والمكيف قصري عليه او غطي قطوطك صغير وممكن يدخله برد
والقطط بطبعها مزاجيه تجيك من نفسها تبي تنام او تبعد عنك
بس لو تبين تعدلين نومه حاولي تلهيه باللعب وبالليل ينام
اما القطوه اللي بالشارع لاتحتك فيه اذا فيها براغيث وبتلاقين بالمحل اشياء عن البراغيث عشان تبعده
واتمنى اني مانسيت شي
اتمنى اني مانسيت شي

[امال شاعر]

وعليكم السلام ورحمتة الله وبركاته

مرحبا بك عاشقة الابتسامه في منتدانا توزوو

التطعيم ضروري للقط الثاني والكشف على ادنيه واسنانه عشان لاسمح الله يعدي تومي

وبالنسبه للتراب اسمه توماكس مررره حلو وما يطلع ريحه في البيت وبعدين مهو غالي ب22 ريال

ويجلس عندك شهر ويتربون في عزك ان شاء الله

[عاشقة الابتسامه]

ياحياتي يادلوعه من جد يسلمووو ماقصرتي ياقلبووو

وان شاءالله احاول اسوي اللي قلتي لي عليه

وامال وربي نفسي اجيب له بس ماعرف اماكن التراب حق القطاوه ووين تنباع لاني انا ساكنه جنوب جده

وما اعتقد فيه محلات هناك تخص القطاوه

لان من جد الريحه هي اللي تحوسنا لاني انا منومته معي بالغرفه حقتنا وهو ع مزاجه متى مابغى ينام عندي يجي

طيب حابه اسالكم عن اللحم يعني لحم الجمل والغنم ينفعون له لو سلقتها وطبختها وخلطتها بالخلاط

سويتها له غداء بس ما اكل كثير شويه بس

ومن ناحية المويه ما اقصر معه بالمره والقطوه الثانيه طلعتها برااا عنه وان شاءالله اوديها للبيطري واحاول اعالجها من البراغيث اللي فيها

لان من جد مسكينه حسيت انها تجرح نفسها وهي السبب


الا بسالكم عن القطو حقي انا حطيت له كرتونه ولبستها بكيس زباله وانتم بكرامه وحطيت فيها تراب للحمام حقه

بس كل مايدخل تومي هالكرتونه يعمل حاجته يخربش في الكيس بيده ويزعجني هالشي وش السالفه

وليش يسوي كذا ومايسويها الا اذا دخل الكرتونه

والقطوه الثانيه مادري كم عمرها لو اصورها فيه احد راح يعرف كم عمرها وايش نوعها واصولها ؟؟؟


ياليت تقولون لي عشان انزل لها صور بالمنتدى

ويعطيكم الف عافيه ياعسولين ومشكورين ماقصرتو والله

ولي رجعه مره ثانيه مانستغني عنكم والله

[دلوعةقطوتي]

اهلين
التراب عادي روحي لاي هايبر ماركت وتلاقينه مو لازم محل حيوانات
اماالكرتون اللي حاطه فيه كيس خليه وجيبي لك بلاستيك كبيره تلاقيها بمحلات البلاستيك وخليها ليتربوكس وفيه كمان رابط ادورلك عليه لكهوف مصلحه ليترومجرفه

http://www.2zoo.com/vb/showthread.ph...54#post2055354

اما اللحم ماانصحك فيه ثقيل على معدته خليك عالدجاج احسن
ونزلي صوره القطوطه الثانيه وان شاءالله نساعدك

[عاشقة الابتسامه]

ايه بس ريحته الله يكرمك مره مقرفه وبعد انا مضطره اخليه في غرفتنا عشان مابي توم يطلع من الغرفه ويدشر بالشوارع


ومشكوره ياعسوله ومن عنوني احاول اصورها وانزل صورها

[دلوعه حبيبها]

بس كل مايدخل تومي هالكرتونه يعمل حاجته يخربش في الكيس بيده ويزعجني هالشي وش السالفه

وليش يسوي كذا ومايسويها الا اذا دخل الكرتونه


عادي القط يحب يلعب بكل شيء وحتى يحب يلعب باالاكياس
وهو اذا دخل يحركه ويسمع الصوت وينجذب لصوته ويلعب فيه
والقطوه الثانيه مادري كم عمرها لو اصورها فيه احد راح يعرف كم عمرها وايش نوعها واصولها ؟؟؟

ايوه خيتو نزلي الصور وانشاء الله يفيدونك بعمرها

[عاشقة الابتسامه]

ثانكيوو دلوعه ع الافاده ودقايق بس وراح تنزل صور تومي والقطوه اللي اقولكم عليها

ويثلمووو ياعسووله

[عاشقة الابتسامه]

[هشوووم]

وعليكم السلام
الصور ماتظهر بس فيه قسم لوضع الصور فيه بيكون احسن من هنا
لن القسم هذايخص الفحص والعلاج بذن الله اما الصور للعرض له قسم خاص
وشكراً