نرجع لنفس الطير الموسوس الي عندي ...

[عز الخوي]

اسعد الله اوقاتكم بكل خير ...

استفساري اليوم عن الطير الي عندي الي قلت لكم في استفساري الاول انه

يا موسوس يا منحرف .. والحمد لله طلعت اخلاقه حميده ولا هو بمنحرف بس

طلع موسوس .. والي خلاني اتاكد انه ما هو بمنحرف اني قمت اقول له :-

( يا ويلك جاك جيب الهيئه )

المهم استفساري اليوم هو انه الطير هذا اذا ابعدت منه ودخلت لي غرفه او ما شافني

يقعد يهذر ويتكلم .. لكن اذا شافني يجيه الموت ولا عاد ينطق كلمه ..

مع اني قمت اعلمه كيف يطلع على يدي والله لا يوريكم صارت يدي تقول مزرعة جروح

لكن الي استفده من عقبها اني ادخل يدي عنده بالقفص واقول له ( سلام عليكم )

وهو يرفع رجله اليمين ويحطها باصبعي

وما زلت مستمر معه بالتدريبات ويا انا يا هو وشكلين ما بحكي ..

بس الله لا يهينكم ردوا على استفساري وقولوا لي اشلون اخليه يردد الكلام وراي

مع انه يتكلم ويتعلم الكلمات الي اقولها له .. لكن ولا كلمه قدامي

واذا قامت زوجتي وشغلت ماكنسة الكهرباء في الصاله وتروح وتجي يقعد يهذر ..

وتقبلوا فائق التحايا

[ابوفزاع]

شوف ياعز الخوي

الكاسكو غالبا خجول

وقليل تلقى كاكسو جرئ يتكلم بالوجه

انت اصبر عليه خل يتعود عليكم مضبوووووووووووووط
الين يحفظ تقاسيم وجهك
ولاشافك بيقسّم على وجهك ههههههه عود مهب وجه

لاتزعل ونا اخوك

بس خله يتعود وبتشوف العجب بإذن الله

يارجل انا قد جبت طير .. بس كان طازه مخه صافي ولاكلمه وغير اليف

ولفته باسبوع الحمد لله

وحكّة الراس قعدت شهر الين صار يرضى يعطيني راسه

والكلام قعد شهر ونص ماينطق

وبعدها الرجال افتل حتى بالوجه وعلى اليد يتكلم

اهم شي لاياخذ منك موقف لان الكاسكو مزاااااااااااااااااااجي وخجول وهالصفتين اذا اجتمعت مشكله

وبخصوص المكنسه

كل الببغاوات كذا

حتى الامازونيات من تشغل المكنسه او الخلاّط تعال شف الافتلال

[ابو محمــد]

الحمد لله راح الكثير وبقى تقرأ هذا الموضوع

الرابـــــط

http://www.2zoo.com/vb/showthread.php?t=176367


وان شاء الله تسمعه يتكلم في الوجه.

وبالتوفيق لك.