ارجوا الرد من الخبراء في اسرع وقت...

[الولدالكويس]

السلام عليكم ورحمة الله وبركاته...
كيف حالكم...
عساكم طيبين....
انا عندي دجاجه رجنت والحمدلله...
لكن سؤالي...
انا عندي بيض حاطه في الثلاجه من مدة اسبوعين او اكثر...
فهل عادي اني احطه تحت الدجاجه اليوم او بكره وهل البيض ما ينتج اذا كان مطول في الثلاجه وحطيته تحت الدجاجه.؟؟؟..
ارجوا المساعده سريييع...

[صمت الأمل]

تسعدنا مساعدتكـ ..


لكن نرجو الإنتباهـ لكتابة السؤال بالقسم المخصص وهو قسم سؤال وجواب .


وعدم مخالفة قوانين القسم .


شكرا لكـ .

[الولدالكويس]

شكرا على التنبيه...
اتمنى منك المساعده...

[صمت الأمل]

وعليكم السلام ورحمة اللهـ وبركاتهـ ..


أهلا وسهلا فيكـ ..


وألف شكر لكـ على تعاونكـ بخصوص القوانين ..


أولا الف مبروكـ على رجن الدجاجهـ .. واللهـ يتمم لكـ الأمر على خير .


للأسف لايمكنكـ وضع بيض تحت الدجاجهـ وانت وضعتهـ من قبل في الثلاجهـ العاديهـ ..


لأن الثلاجهـ تتسبب في تجمد الجنين وافساد خصوبة البيض ..


حاليا كم تحت الدجاجهـ من بيضهـ ؟؟


اذا تحتها 8 _ 10 بيضات فيكفيها بإذن اللهـ . بشرط تكون متاكد من طزاجتها وماتكون قديمهـ ..


أما اذا أقل وحبيت تزيد عليها ..


تقدر تشوف اذا عندكـ سوق طيور بمدينتكـ وتقدر تشتري بيض مخصب ومضمون ممكن تضيفهـ تحتها .


أو أحد الجيران أو الأقارب عندهم بيض ملقح وجديد ..


اللهـ يجزاكـ ألف خير ويوفقكـ ..


واي اسألهـ أخرى لاتتردد بطرحها .. بالتوفيق .

[ra22d]

مثل ما قالت صمت الامل .... لاينفع ان تضع البيض من الثلاجة

[الولدالكويس]

الله يجزاكم خير على تعاونكم معاي...
والله يبارك فيكم...
لكن المره الاولى رجنت عندي دجاجه وكنت حاط البيض في الثلاجه من بعد المغرب الى ظهر اليوم الثاني...
وحطيت عشرين بيضه من الثلاجه لكن تقريبا 6بيضات لم تسطيع حضنها وفقص عشر بيضات ماشاء الله تبارك الله...
لكن 2ماتت بسبب ضرب اخوي الصغير لها الله يهديه...
ومشكورين على المعلومات...
وانا ان شاء الله راح ىخذ بيض من احد قريباتي...

[mustaf]

هو ما يموت من اول يوم ولكن انت حاططهم أسبوعين واسبوعين مدة طويلة وانا مرة رجنت عندي دجاجة وكنت حاطط بيض في الثلاجة اله يوم فقط وفقس الستة

[im-alone]

انا هالسؤال احترت فيه ..

لان البعض يقولي يفقس والبعض يقول لا ..

اتمنى من اصحاب التجارب يفيدونا ..

اخوي انت حط بيضتين مثلا من الثلاجة .. وماكملوا كثير بالثلاجة ..
وحط عليهم علامات.. شوف اذا فقسوا ولا لا ..

[صمت الأمل]

المشاركة الأصلية كتبت بواسطة im-alone

انا هالسؤال احترت فيه ..

لان البعض يقولي يفقس والبعض يقول لا ..

اتمنى من اصحاب التجارب يفيدونا ..

اخوي انت حط بيضتين مثلا من الثلاجة .. وماكملوا كثير بالثلاجة ..
وحط عليهم علامات.. شوف اذا فقسوا ولا لا ..

هههههـ ..


شوف أنا بأقول لكـ تجربتي وانت احكم ..


انا في أول تفقيس لي ماكان عندي غير دجاجهـ وحدهـ تبيض لي البيض في الصيف ..


وكنت أجمع بيضها في ثلاجهـ احنا مخصصينها للأدويهـ فقط .. يعني درجة حرارتها 15 وفوق ..


مو مثل الثلاجات العاديهـ 4 أو 3 (( شوي وتوصل للصفر )) ..


وكل 6 ايام أضيف الدفعهـ الموجودهـ اللي جمعتها في الفقاسهـ ..


وكلهم تقريبا الحمدللهـ فقسو .. تقريبا جمعت 30 بيضهـ .. فقس منها 26 .. ومات منها 5 أو 6 صيصان .


هذي تجربتي وتقدر تحكم بنفسكـ منها ..


ومثل ماقال مصطفى ,, لو يوم أو كذا ان شاء اللهـ مايسبب ضرر ..


لكن أخونا الولد الكويس تركـ البيض بالثلاجهـ اسبوعين ..


واقتراحكـ لأخونا الولد الكويس حلو ..


ان شاء اللهـ يوافق عليهـ .

[الولدالكويس]

الله يعطيكم العافيه لتفاعلكم معاي...
لكن فكرة الاخ...
7
7
7
im-alone
جيده وحلوة وذكيه وممتازه ونشيطه وجميله ومحبوبه صادقه وامينه..
وان شاء الله راح اجربها..
واخبركم عن تجربتي...
باذن الله الرحمن...