استفسار ..

[3mary]

السلام عليكم ورحمة الله وبركاته ..

انا عندي الكاسكو والحمد لله كل شي تمام .. بدا يتكلم .. ويصفر .. ويبوسني .. وابوسه على منقاره .. وامسح عليه بيدي .. وعلى راسه .. واحط صبعي في منقاره وما يعض .. واحيانا يركب على كتفي اذا كان يتمشى على الارض وانا جالس يتسلق الثوب ويركب على كتفي .. ولكن مشكله وحده محيرتني ..

ان هو مستحيل يركب على يدي ومن سابع المستحيلات .. اذا واقف على الاستاند واحط يدي قريبه من رجوله مستحيل يركب ويبدا يعض واذا حاولت اشيله من رجوله يقطعني ..

بس اذا شلته بسرعه وحطيته على يدي يوقف بس احسه يكون خايف ويبدا يروح عند كتفي.. بس بديت ما اشيله واحطه بالغصب عشان ما يخاف اكثر .. ابيه هو اللى يجي بروحه .. فما هم الحل ..
حاولت اجوعه ولكن مافي فايده ميت جوع ولكن ما يركب على يدي عشان ياكل .. ؟؟؟

[كاسكو البحرين]

صباح الخير

3mary

صعود الطير على اليد هذا يحتاج الى تدريب لانه الطير مو مدرب من قبل على الصعود على اليد
انا راح اقولك طريقتين وانت جوف الأنسب لك وطبق وان شاء الله تجيب نتيجة

1-اذهب انت والطير غرفة خفيفة الإضاءة ،خلك جالس في زاوية ابحيث مايكون في مجال يهرب الطير منك وأصر عليه يصعد على يدك واكيد اذا صعد على اليد في هذه اللحظة الطير بكون ضعيف النظر يعني قريب الى الأعمى مايقدر يجوف شي وهذه الطير ذكية ما بتخبط في الظلام ولكن بظل واقف وساكن محله لحد ما يفرج عنه ،عموماً،عند ما يكون الطير فوق يدك حاول تمسح عليه وانت تتكلم معاه وتصفر له لمدة 15 دقيقة و وزع هذه الطريقة على 3 فترات في اليوم
وبعد انتهاء ال15 دقيقة حاول توقف بهدووووووووئ وفتح اللمبات وهو بجوف نفسه واقف على يدك وانت عاملته بحسن المعاملة يعني في هالحاله راويت الطير ان يدك مش عدو بل صاحبته،يمكن اول مره بتكون ردة فعلة على طول الطيران والهروب ولكن حاسب عند سقوط الطير في محالة الهرب مايكون في أدوات تأذي الطير مثل المكتبات او التلفاز .......ألخ
وبعد كل مره من التدريب راح تلاحظ في تطور والطير ما بخاف مثل اول مره واصل على هذا الحال مدة اسبوع وقول لنا شنو صار


2-تجيب عندك عصاتين مثل اللي يوقف عليهم في القفص طول 30 ســـــــــــم
ويفضل يكون الطير على ستاند للتسهيل التدريب ،وتخلي بإصرار كبداية ان يوقف الطير على العصا وتقرب له العصا الثانية وبمحاكاة الطير (فوق)(فوق)كبداية التدريب حاول تخلي العصا الثانية جنب صدره وتدفعه دفعه خفيفة عشان يصعد على العصا ومن يخلي الرجل الاولى على العصا شيل الآخرى عشان يذهب للثانية ،هذه العملية تجيب نتيجة سريعة وأغلب المحترفين في الترويض يستخدمون هذه الطريقة ولكن في نفس الوقت متعبه للطير ،15 دقيقة متواصله في التدريب كفاية في اليوم الواحد مره وحده،لمدة اسبوع او اقل يكون الطير تدرب على كيفية الركوب على اليد وان ما كان عندك ستاند(المجثم) ومهم عقب مايصعد الطير من لستاند او القفص الى العصا للتدريب انك تبعده عن الاستاند او القفص عشان مايجوفهم ويطير عليهم هذه نقطة مهمة


تحيتي لك 3mary

[Ba7rainiA]

تسلم اخوي كاسكو على هالمعلومات ..
انا الحمدلله يركب على يدي ..
بس شوي احسه يكون خايف ومو مرتاح


بس فكرة الاضاءه عجيبه
< اليوم بتجربها

[3mary]

شكرا لك اخوي على التواصل .. وبجر اطريقه وبخبركم ان شاء الله