سعيده بتواجدي معاكم

[القلب الحنون]

السلام عليكم ورحمة الله وبركاته

بداية ودي اقول اني سعيدة جدا بانضمامي لمنتداكم، لأنه فعلا مفيد لكل شخص عنده هواية تربية الحيوانات من أي نوع .. الله يعطيكم العافيه جمييييييعا



وآسفه لأني باطول عليكم من اول مرة بس محتاجه خبراتكم وإن شالله ما بتقصرون معاي..

أنا من يومين شريت زوج هامستر.. قال لي البائع ان عمرهم اقل من شهر ، وقال لي انهم من النوع السوري ..

- حبيت اعرف ، هل يتساوى السوري والروسي في الأسعار؟
لأن البائع قال لي إن النوعين بـ 3 دنانير بحرينية = 30 ريال سعودي للهمستر الواحد .. وانا سمعت ان السوري أغلى من الروسي ، فهل هذي صحيح؟ واذا كان صح ليش عطاني اياهم بنفس سعر الروسي؟

* راح انزل الصور ان شالله عشان تساعدوني في التحديد والتأكدي هل اللي عندي سوريين؟*

- انا لما شريت الهامسترز كانو مع بعض في نفس القفص ، وكانو عاديين مع بعض .. لكن في البيت وتحديدا الساعه 3 الفجر (وانا كنت نايمه والقفص عندي في الغرفه) سمعت صوتهم من القفص! وعلى طول رحت اشوف شفيهم وتفاجأت إن الأنثى كانت تضرب الذكر لدرجة إنه ما يقدر يقاوم وقاعد يصارخ!!!
فاضطريت اني افصلهم عشان يرتاحون وانا ارتاح واواصل نومي!
فليش كانت تضربه؟


- ((والله العظيم آخر نقطه .. ومسامحه على الإطااااالة)

كم الفتره اللي يستغرقها الهمستر عشان يتعود على يد البشر؟ لأني بصراحة ودي ألعب معاهم واطلعهم من القفص بس ما شاءالله عليهم ما يقعدون بالذات الذكر!
فأتمنى تفيدوني بخبرتكم .. لأني فعلا أحب الهمستر وحسيت إني باتعلم كل شي من منتداكم الجميل

والله يعطيكم العافيه

7
7
7
7
7

هذي الأنثى Casper




وهذا الذكر Hazel




وهذي Casper مره ثانيه قاعده في الكوب



وهني الزوجين مع بعض بس Hazel مو راضي اصوره وماعطني ظهره!






وشكرا جزيلا .. أتمنى إني ما أكون أزعجتكم مع إني طولت عليكم وااااايد !

والسلام عليكم ورحمة الله وبركاته

[Withered Rose]

أهلاً و مرحباً القلب الحنون في منتديات توزوو نتمنى لكِ أوقات سعيده ..

- حبيت اعرف ، هل يتساوى السوري والروسي في الأسعار؟
لأن البائع قال لي إن النوعين بـ 3 دنانير بحرينية = 30 ريال سعودي للهمستر الواحد .. وانا سمعت ان السوري أغلى من الروسي ، فهل هذي صحيح؟ واذا كان صح ليش عطاني اياهم بنفس سعر الروسي؟

على حسب أحياناً يكون فيه فرق و أحياناً لا (الهامستر السوري غالباً أغلى) .

* راح انزل الصور ان شالله عشان تساعدوني في التحديد والتأكدي هل اللي عندي سوريين؟*

نعم .. و حلويــــن جداً و ألوانهم حلوة ما شاء الله ...

- انا لما شريت الهامسترز كانو مع بعض في نفس القفص ، وكانو عاديين مع بعض .. لكن في البيت وتحديدا الساعه 3 الفجر (وانا كنت نايمه والقفص عندي في الغرفه) سمعت صوتهم من القفص! وعلى طول رحت اشوف شفيهم وتفاجأت إن الأنثى كانت تضرب الذكر لدرجة إنه ما يقدر يقاوم وقاعد يصارخ!!!
فاضطريت اني افصلهم عشان يرتاحون وانا ارتاح واواصل نومي!
فليش كانت تضربه؟

هذه طبيعه الهامستر السوري إنه لا يعيش بجماعات و بصراحه أشوف إنه أحلا عليه إن كل هامستر بقفصه الخاص خصوصاً مع حجمه الكبير نسبياً مقارنةً بالروسي ..
و خليهمـ كل واحد بقفص لحد موعد التزاوج (كل 4 أيام) .. و إن شاء الله تشوفين بيبيات صغار

كم الفتره اللي يستغرقها الهمستر عشان يتعود على يد البشر؟ لأني بصراحة ودي ألعب معاهم واطلعهم من القفص بس ما شاءالله عليهم ما يقعدون بالذات الذكر!

صح أول ما نشتري الهامستر ما ينمسك أو (يزلق) على قوله العضوة ميشكا ، بس كلها أيام أو أحيانا من اول يوم و يتعودون ..

كيف تجعل الهامستر صديقك !
http://www.2zoo.com/vb/showthread.php?t=6977



و مبروووووكـ عليج الهامسترات الحلوين و الله يخليهم لج ..

[يوسف جمال]

شوفي أختي أنا بعد في البحرين أنا شفت أنو الروسي أرخس غالباً من السوري بس أنا أقول أنو السوري ما يضارب كثير،اما بالنسبة للضرابة بعديهم عن بعض أو سوي تجزءة في القفص إذا كان كبير.

[رعوود]

الاخت ويذر ما قصرت



وبالنسبه للسعر انا بالنسبه لي المحل الي اتعامل معاه نفس السعر السوري والروسي

[القلب الحنون]

withered rose

مشكوووره اختي وما قصرتي انتي و"يوسف جمال" و "رعوود" .. صج طمنتي بالي
على الأقل ألحين صرت أعرف عيالي من أي فصيله وأي جنسيه

وان شالله راح اتابع المواضيع اللي في المنتدى اكثر ومتأكده إني راح استفيد


الله يعطيكم العافيه

[Luis]

مبرووووووووكين عليج خيتو القلب الحنون...

وأتمنى اشوف همستراتج لأن الصور ماطلعت معاي..

تحياتي للجميع..

[Miss lexus girl]

.. مبروووك عليــج غلآي ^.^

كيووووت الصراحة خاصة الأنثى ^_^

الله يخليهــم لــج.. وويذرد ماقصــرت ^.^ ..