بخصوص الروتوايلر

[black spider]

السلام عليكم
منذ اسبوع اقتنيت كلب روتوايلر صغير بعمر 7 اسابيع والان اصبح 8 اسابيع
انا اضعة على سطح المنزل ولا يراة احد سواي فانا اطعمة واهتم بة وبعنايتة.
حتى الان دربتة على اجلس,وايضا اقوم بالتهويش علية وعلى جانبي فمة حتى يعض وهو يعض يدي وبقوة,وبعد ذالك بواسطة قطعة قماش فيشدها ويمزقها,وقبل يومين انكسر طرف الناب وهو يشد قطعة القماش (طبعا سيسقط الناب بعمر 6 اشهر وينمو اخر؟)
المهم انة عندما اتي الى سطح المنزل لاطعمة يبدا بعضي على ارجلي وانا ابعدة لكنة يعود,واحيانا اضربة ضربا خفيفا على ظهرة لكنة يزداد توحشا!
وكل هذا فقط علي فقط قلت لاخي ان يدخل لكي يراة فبدا باللعب معة ولم يعضة!
فهل هكذا سيصبح الكلب في المستقبل كلب لا يصلح للحراسة ويلعب مع الغرباء ويعض صاحبة ام هذا شيىء طبيعي في هذا العمر ومع الوت اذا ابقيتة على سطح المنزل لمدة سنة سيصبح كلب حراسة ممتاز بمجرد ان انزلة سيهجم على الغرباء؟؟؟؟؟؟هذة اسئلة تحيرني ارجو الاجابة عنها في اسرع وقت.

وسؤال اخر هل ربطة في السلسلة في هذا العمر يؤثر على نموة؟وهل تعرضة للمطر والبرد يؤدي الى مرضة؟

[CSI II]

السلام عليكم ورحمة الله وبركاته

اول شي اخوي الجلب لما يعض واهو صغير يكون قاعد يلعب
ودام انه عضك وماعض اخوك هذا دليل انه يحبك اكثر ويعرف انه انت راعيه

اما بالنسبة انك تخليه دايما على السطح ويصير كلب حراسة .. اول شي اخوي لما تنزله راح يشوف اشياء غريبة وايد ماتعود عليها وراح يخاف فا لو تطلعه لمدة شهر او 3 اسابيع لين ياخذ على الوضع ويمشي بين الشوارع والناس ويعرف انه مايأثرون فيه وبعدين تخليه فوق يكون افضل

بالنسبة للسؤال الاخير .. اخوي الجلب بهالعمر مامنه ضرر لو خليته بدون سلسلة .. وحتى لو حطيتله السلسلة الجلب راح يقاومها وماراح يمشي معاك لانه يحب الحرية واللعب بهالعمر واكيد البرد يؤدي الى مرضه ويسبب موته ب3 ايام

واخوي المطر والبرد تقدر تقاومهم بإنك تحطله بت بارن والجلب راح تلقاه قاعد معظم وقته فيه
وطبعا تقدر تشتريله ملابس
الموضح بالصورة :


وقيمته 35 دولار تقريبا - 10 دنانير كويتي ومتواجد بمركز سلطان


وهذي وجهة نظري والله اعلم


تحياتي

[بو راشد]

اخوي انت تحمس الكلب انه يعضك !! بالتالي بيعضك لانك تطلب منه ذالك .. انت العب معاه بخرجه وبكوره والتغ الخاص في البدايه .. ولا تضربه ابدا ابدا

بس قوي الدرايف ماله وحببه بالعض ولين كبر راح يوقف عن اللعب بهذه الطريقه ... وتبتدي تدربه (بمساعده غريب) "هيلبر" انه يعض بشراسه مع الغرب

وشكرا .. واهم شي بما انه روت .. ان تدربه الطاعه تمام وبالعكس .. تحاول تخليه يختلط مع الناس شوي (بدون ما يلعبون معاه) عشان لا يصير وحش من دون سيطره ويمكن ياذي حد في يوم انت ما تبيله الاذى

وشكرا

[فايز]

السلام عليكم ورحمت الله تعالى وبركاته


هلا والله اخوي .. اخوي اتوقع ان الكلب يتظايق منك لانك تظربه واخوي ترا الكلب صغير على الضرب يبتدي توبيخ الكلاب من عمر 4شهور مب اسبوعين .. واكيد اخوي الربط يأثر على طول الكلب مستقبلاً .. اما عن البرد فا أنا مع اخويCSI II .. وإذا تبي كلبك يهجم على الغرب ويكون حارس جيد للبيت لازم اخوي تبني للكب شخصيه قويه وتدربه...

ان شاء الله اني افتك...

مع السلامه تحياتي لك

[black spider]

مشكوووور اخوي CSI II على الرد الوافي والكافي
والسبب اني اضع الكلب على السطح هو اولا كي لا يرى الغرباء,وثانيا كي لا يسرق!
فالصراحة في حينا اكبر نسبة حرامية للكلاب اذا توضع الكلب يوم تحت حتى لو كنت مشك علية في بيت مقفل يسرقوة لا اعرف كيف!
فهل اذا اصبحت اخرجة باليل نصف ساعة كي امشية خارجا يمشي الحال علما انة في هذة الساعة لا يوجد اناس فقط ليعتاد على المكان بالاسفل؟؟؟
اما بالنسبة للبرد فساشتري لة بت بارن انشاء اللة

مشششكوررر اخوي بو راشد على ردك فقد افادني كثيرا بالنسبة لامر العض في البداية كنت احمس الكلب على عضي كي يتعلم ان يعض وبعد ذالك بدات اعلمة عض قطعة القماش لكن اظن ان الكلب احب عضي وكلما راني بدا العض برجلي فما الحل لكي اجعلة لا يعضني فكما قلت مهما حاولت يبقى يعضني وانا لا اريد ضربة وايذائة,هل بواسطة الكرة وتقوية الدرايف لدية يبتعد عن عضي؟؟

مشششكور جدا اخوي فايز على ردك
لكن بالنسبة للضرب ان ضربتة مرة واحدة على اسفل ظهرة وبشكل خفيف خفيف جدا لا يؤثر على نملة فانا اعلم انة علي ان ابتعد عن الضرب لكن حاولت محاولة بسيطة الا انة كما ذكرت ازداد توحشا وعض,اما بالسلسلة فانا لا اربطة فقط اردت ان اسئل كي اعلم اذا كنت اقدر ان اربطة ام لا فهو يمزق العديد من الاشياء!!

[CSI II]

السلام عليكم ورحمة الله وبركاته

اي والله اخوي الحال من بعضه انا حاطه نفس الشي على السطح علشان هالمشكلة لانه توه صغير

اخوي انت لازم تعوده شوية على الناس
يعني يمشي بينهم وتظل تناديه تقوله هير هير او كم كم لين يظل ماشي معاك
ولين يتعود عليهم ومايخاف تقدر تخليه دايما فوق
وهم نفس الشي بالنسبة للسيارات .. معظم الجلابة اللي طبو عندي كانو يخافون من السيارات لانه كانو بمزرعة من انولدو
يعني تخيل انت حاط جلبك بمزرعة طول عمره وشرس ومأذي امة محمد منابح وشرس
بس ييب سيارة خل تمشي يمه تلقاه طاح بأرضه ههههههههههههههه

وشوف انا يايبله عظمه صغيرة .. و العبه بقطعة قماش .. والعبه بكرة
ولما العبه بهالشغلات هم يقعد يعض بريلي يعني لازم تطول بالك شوية وتحاول تبعده كل مرة
وانت قاعد تمشي واهوا يعض ريلك لاتحاول تحركه او تهزها بس كمل طريجك لانه وانت تحركها او تحاول تفلت اهوا راح يفكر انك قاعد تستجيب حق العض ماله مثل ماتسوي بقطعة القماش


ويفضل تحط الجلب بمكان مايكون فيه مكان للعض يعني مثل مخزن جنط وملابس وهالكلام لاتحطه فيه

[بو راشد]

ما قصر معاك سي اس اي الجزء الثاني ههه

يعطيك الف عافيه اخوي سي اس اي على تفاعلك ونصايحك الي تدل على خبرتك

شكرا اخواني

[pitbull-lover]

بسم الله الرحمن الرحيم

ما قصرو معاك الشباب الله يعطيهم العافيه ..

تقبل مني اجمل التحيات مع تمنياتي لك بالتوفيق ...

[CSI II]

السلام عليكم ورحمة الله وبركاته

الله يعافيكم وموفق اخوي بلاك سبايدر انشالله تكون استفدت
وحاول تبدي معاه من الحين لانه الروت عنيد اذا كبر راح تواجه صعوبة
حتى لو شفته هادي لما يكبر .. بس لي صارت حزت الفصلة راح يسوي مشاكل وايد لانه اهوا بطبعه هادي واذا ما انضبط بيصير مينون


تحياتي

[hisham elhadedy]

يجب اخى ان تدرب الكلب على الكثير من الاشياء مثل ان يتعود على اسمه وان يستجيب لندائك
وعندما ياتى لعضك او هذا الشى انه بيداعبك من كتر حبه لك وعندما تدربه يثار قليلا ويعتبر انه فى تحدى ويجب عليه ان يكسبه ويجب ان تستحمل هذه الاشياء الذى يفعلها كلبك فانه مازال جرو صغيرر ضعيف وعندما يكبر يقلل كثيرا من هذه العادة وهذه النوع بالاخص يفعل اشياء كثيرةتغضب مالكيه ويجب عليك ان تعتبر هذا العض مزحة وحاول تلعب معاه وتخش معاه فايت ههههههههه
لكى يحبك ويدافع عنك حتى الموت فاعرف ان الكلب فارق عشيرته من امه واخواته الذى يلعب معهم فيجب عليك ان تعوده قليلا من فقدانه من امه وباقى اخواته وتعطف عليه ولالالالالالالالالالالالالالالالالالالالالالالالالالالالالالا تضربه ابدا مهما عمل يجب عليك ان لا تضربه
ولالا تربته فى سلسلة فى هذا العمر الصغيرر ويجب ان تشترى او تعمل له بيت ياويه من البرد والمطر وكل هذاااااااا حتى لا يموت وان تمشيه يوميا على الاقل نصف ساعة يومياااااااا

وتحياتى لك وارجو ان تستفيد من كلامى مشكورررررررررر