شوفوا الاستاند بعد التعديل.... وعطوني خبرتكم لمتابعة ترويض لولو

[ام ليان]

سلام عليكم
اهلا فيكم جميعا
انا نزلت لكم استاند عملته لولو من يومين وقلت لكم ماكلفني شي كله على بعضه يمكن 60 ريال


وعطيتوني بعض الاقتراحات لكن ماشفتها الا بعد ماضبطت الاستاند
وشلون اغير فيه واعدل لاني ماكنت مقتنعه بالخشبه اللي يوقف عليها
وزوجي المصون يقول ماعليه بيتعود احيانا تنتزع منه الرحمه
يازوجي مسكين كيف يقدر يوقف ... قال خليه .. بيوقف مع الوقت... مناب فاضي له .. رد ستاند..
يابن الحلال وراسه والف سيف
وش تسوين ام ليان طبعا استغليت دراستي وموهبتي وقلت لازم اطلع بفكرة والحمدلله طلعت بفكره ولقيت الاخوان كاتبيها الله يجزاهم خير بعد مانفذت

برضو فيه اللي قال ان الاستاند واطي ..ز اي نعم واطي .. لكن انا صممته على اساس اضعه على طاولة بالبيت

ايضا انا كبرت الدائرة اللي فوق حتى البراز والوسخ يكون عليه


واجهتني مشكلة ان لولو يرفض يوقف على الاستاند ويوقف على الصحون ومن امس انا وياه لحد ماصار يوقف عليه طبعا احيان يرجع ويوقف على الصحن ولما اقوله عيب يرجع لمكانه

الحين ولله الحمد خف العض عنده بس الجعير مازال موجود معه
مازال ياخذ الاكل ويرمي وقليل جدا ياخذ من يدي
لما اقوله اطلع على اليد يطلع ويوقف اذا ماشاف القفص او الاستاند قدامه
لكن لاحظت عليه انه لما يوقف على يدي طبعا علي قلفز ااخاف من عضته المباغته لانه مازال احيانا يهجم
يحاول يطلع على يدي من فوق بس انا اخاف وانزله اخاف يوصل لرقبتي ويعضني؟؟ وش الحل هل ها الشي طبيعي؟
زوجي يقول يبغى يطلع لكتفك ويوقف عليه لاتحركين لكن انا من الخوف انزله

برضو اعطيته طريقه ابو محمد المربى والحمدلله قام يتلمض ابيه يخف عن العض
برضو لاحظته لما اكون انا يواه بالغرفه لوحدنا يمشي على القفص ويرقى وينزل كأنه يلعب اما اذا فيه احد مايتحرك

ايضا لاحظت عليه انه لما احاول اشيله واطلعه على اليد ويمسك بالخشب بمنقاره لما اقوله عيب وخله يتركه؟؟

عطوني نصايحكم وش ممكن اسوي حتى يتروض اكثر
لاني طولي اليوم اخليه على الاستاند لحد العشاء واغلب وقتي جالسة جمبه ومرات تكون يدي على راسه احكها

طبعا انا اضفت الخشب حول الصحون البلاستيك لسرعه شيلها وتغييرها وتنظيفها
ايضا اشتغلت عندي موهبة التلوين لونة واحد وواحد لا وش اسوي يدي تحكني

شوفوا الصور معي









شوفوا لولو هنا واقف عليه كنه شيخ؟؟