مشكلة الفئران ( فكرة للنقاش )

[Mr.Khaled]

بسم الله الرحمن الرحيم
السلام عليكم ورحمة الله وبركاته


أخواني أمس بالليل شفت بعشة الحمام فأر والمشكلة ان الموجود عشتين وحدة حمام والثانية بادجي واخاف يأثر على انتاج البادجي طبعًا العشتين موجودتين بالحوش ( الفناء ) , أنا أبي حل للفئران وأخاف يأكلون الفراخ ويسببون مشاكل الله أعلم به ,
طبعًا فكرت بعدة حلول على السريع واللي هي : 1- وضع شبك ذو فتحات صغيرة جدًا ( المستخدم للنوافذ ) على جميع واجهات العشة , 2- نقل العشتين الى السطح والفكرة هذي شبه مستحيله لوجود غرفة الخادمة بالسطح , 3- بناء غرفة للتربية وهذي الفكرة صعبة التنفيذ بسبب عدم وجود المال الكافي للبناء وأتوقع أن الغرفة ستكلف 10.000 ريال أو أكثر .

أنتظر مشاركتكم وإبداء آرائكم .

[درويش]

خذها نصيحه مني اذا عرفت الفئران طريق للعشه فقل على حمامك والبادجي السلااااام .......

الفئران تخرب عليك البيض وتاكل الفروخ ولا يردهااا شي وانا بعطيك كذا حل ومن ضمنها الحل

اللي ذكرته وهو وضع شبك تكون فتحاته صغيرة وماتدخل منه الفئران مرررة وسد جميع الفتحات

اللي ممكن تكون في السقف من هنا والا من هنا ومن اي محل تشوف الفئران بتدخل منها

صب ارضية القفص بالاسمنت لانو ممكن مو ممكن الا اكيييييد الفئران تحفر من تحت وتدخل داخل

داخل القفص وتسويلك بلاااااوي واستخدم جميع وسائل مكافحة الفئران من صمغ وسم للفئران ....

والله يباركلك ويرزقك .........

[Mr.Khaled]

مشكورين اخواني والله يعطيكم العافية , بالنسبة للصمغ انا حطيته من يومين تقريبًا ولا صاد الفار .

صب ارضية القفص بالاسمنت لانو ممكن مو ممكن الا اكيييييد الفئران تحفر من تحت وتدخل داخل القفص وتسويلك بلاااااوي واستخدم جميع وسائل مكافحة الفئران من صمغ وسم للفئران ....

ارضية القفص بلاط وعليه شوي رمل عشان يسهل التنظيف .


شكلي بدور بس ( قط ) صغير وبربيه وبحطه بالحوش عشان يأكل أي فأر يشوفه .

[مكحل الجنيه]

عند محاكر الحمام كانت تجنني حاولت بكل الطرق غراء سم


ماريحني ونقص اعدادهم الا(( القنفذ)) صحيح مايفنيهم لكن ينقص من اعدادهم

والمكان اللي هو فيه تشرد عنه الفيران والحشرات

بس انتبه لاتحطه داخل مع الطيور

جرب الفكرة وبتدعيلي

[Mr.Khaled]

المشاركة الأصلية كتبت بواسطة مكحل الجنيه

عند محاكر الحمام كانت تجنني حاولت بكل الطرق غراء سم


ماريحني ونقص اعدادهم الا(( القنفذ)) صحيح مايفنيهم لكن ينقص من اعدادهم

الله يعطيك العافية أخوي , تصدق أمس كنت طالع لإستراحة وشفت واحد بالطريق لو داري أن الفئران تخاف منه كان صدته لكن خيرها بغيرها .

[مكحل الجنيه]

الله يعافيك


وعلى فكرة القنفذ العدو الاول للحيه الخنافش انواع الحشرات

سبحان الله لو تشوفه كيف يمسك الحية ماتصدق

يمسكها مع الذيل ويقفل على نفسه الشوك وياكل منها

جرب نصيحتي مابتندم

[Mr.Khaled]

مشكور أخوي مكحل الجنية والله يعطيك العافية على النصيحة , وراح اجربها بإذن الله .

[alyassa]

افضلك تستعمل شبك ذو فتحات صغيرة ما يكلفك كثير ولا تجرب سم الفئران مطلقا لانه خطير يمكن ينتقل الى البيت او تأكل منه الطيور وشكرا لك

[وحيـد الحـارهـ]

فعلا الفئران مشكلة كبيره جداً ..

القنفذ حاولت اربيه ماقدرت حطيته بمزرعه ومات (مزرعة برسيم ) وجبت غيره وحطيته بالسطح مات .. وحطيت واحد بقفص ومات .. احس القنفذ صعب شوي يبي عنايـه القنفذ حيوان ليلي النشاط والفئران تغزو 24 سـاعه ..

خذهـأ مالك إلا القطط بس تأكد القطط ماتدخل شبوك الطيور ..

لاتنسى انك تحـاول تبحث عن جحر الفار واقتله صب ماء في جحهر واول مايطلع خلك جاهز ضرب لين يموت ..


والله يوفقك .

[Mr.Khaled]

الله يعطيكم العافية أخواني على التفاعل , فيه شخص بإحدى المنتديات ذكرر لي فكرة واللي هي نجيب ذرة مطحونه ونجيب جبس ونخلطهم ونحطهم خارج الأقفاص ثم إذا أكلت الفأرة منه فسيتجمد الجبس في معدتها ثم ستموت .