قطووووتي ما تخليني انام !!

[دلوووعة باباتي]

السلام عليكم ورحمة الله وبركاته

ولهت عليكم والله لي فتره ما دخلت والسبب الامتحانات

قطوتي سموووكي ماتخليني انام

مع اني قبل ما انام اوديها الحمام الله يعزكم واتأكد ان عندها ماي والدراي فود على طول اخليه لها

انا بقولكم الي صار عشان انا شاكه في شي

الشهر الي طاف قبل ما اسافر وديتها عند ناس عندهم قطاوه ،، انثى وذكرين واحد صغير ومخصي والثاني شيبه

خليتها عندهم اسبوعين تقريباً ،، ورجعت خذتها

لاحظت عليها انها صايره مطيعه ! هاديه شوي !! وعادي تخليني اقرب منها وامسح على راسها بدون ماتشرد عكس قبل

انا قلت اكيد استانست عندهم وخذت من طبعهم وانا بعد حبيت هالشي فيها بس يا فرحه ما تمت

الي صار اني لاحظت عليها انها ما تروح الحمام نفس قبل !! خبلتني اوديها واحطها في سلتها وتروح ماتبي ،، بس تبي تاكل ،، تروح عند صحونها ويكون فيهم ،، اتم تصيح وارجع احط لها زياده هني تاكل اوكي ،،

اروح على السرير بنام !! تركض وتنط على السرير تصيح كأنها بتروح الحمام ،، اقوم اوديها .. ماتبي !!

وفي مره كنت نايمه الا اسمع صوت عااااالي والله اني خفت .. الا هي تكح او كأنها ترجع .. انا ماكنت اشوفها عدل لانها كانت بعيد عني شوي ،، واصلا تخديت لاني كنت نايمه خخخخ .. المهم قمت اطالع الا تحتها شي كأنه اسهال وكأنها مرجعه شويه

انا كنت شاكه ان هالاشياء طالعه من حلجها بس قلت يمكن لاني ماكنت مركزه تراوالي هالشي

وكانت تبي تكمل انا شلتها ودخلتها الحمام وتميت امسح على ظهرها اهديها ،، بس ما سوت شي

طلعتها من الحمام ،، راحت عادي تلعب !! << انا حسيت ان انا الي فيني شي

المهم مرو يومين ،، ونفس الموضوع بطلت عيني الا هي ترجع !! يااااااااااع .. ترى هالاشياء الخايسه طالعه من حلجها انا ماشفت الي طلع بالضبط بس شكله براز الله يعزكم .. وطيران وديتها العياده

وقلت للدكتور قالي اوكي يمكن ها شعر ،، وعطاني كريم ريحته نفس الككاو قالي اعطيها نص العلبه بعد 3 ايام والنص الاول هو عطاها اياه وكلته عادي ،،

وعطاها ابره ،، ونظفنا لها اذنها بعد بالمره ،،

الحين كملت اسبوع .. ما رجعت .. وروحتها للحمام ماتغيرت وايد .. بس شوي احسن من قبل

الي صاير انها تصيح ولا اعرف ليش

اتييني اتصيح كنها يوعانه او تبي تروح الحمام بس مافي شي .. بس تقومني من نومي على الفاضي

او تعض ايدي او ريلي بس شوي شوي .. هالحركه كانت تسويها قبل ما اوديها للناس عشان تقعدني لو تبي تروح الحمام وانتو بكرامه

ومو بردانه ولا شي .. انا اخلي الدريشه مبطله واحط الشبك لانها تستانس على العصافير ومنها اغير جو الغرفه

وانا اكتب هالوضوع يتني 3 مرات ..

اخذها بحضني .. غيرت اكلها .. غيرت الرمل ..

(( بعد توها يتني تصيح ))

ليكون صار وقت التزاوج ؟ انا ماعطتها ابره شهر 11 .. بس ماسوت نفس الحركات الي كانت تسويها هايج المره

جربت امسح عليها صوب ذيلها عادي ماتسوي شي ...

شو تتوقعون فيها !! والله ترى تبهدلت

هي عمرها الحين سنه وشهر ،،

نوعها شيرازي

ولا مره خالطت قطاوه غير هالمره ..

وماتطلع برى بالمره

[صاحب مدرب نمور]

يبغى تزاااوج

لا بد انك تزوجيها بقط صالح وعاقل ومتعااافى

وانتى اتسرعتى لمن رحتى للبيطرى لمن كان يطلع شعر

اذا طلع شعر وستمرت هذه الحاله معاه فلازم انك دايمه تمشطى شعره وتنظفيه

...

ولاتنسى لازم تزوجيه عمر سنه وشهر هذا يعنى انو بلغ ونص

[دلوووعة باباتي]

يااااااااربي هذا الي كنت شاكه فيه

من وين احصل لها قطو صالح ههههههههههه

شكرا اخوي على الرد

[صاحب مدرب نمور]

امممم

انتى فى الامارات يعنى انتى فى دوله متحضره من دول العالم شبه (الاول)

فأكيد حتحصلى وبسهوله

متلاً محلات بيع الحيوانات

العيادات البيطريه

فنادق الحيوانات

او من هنا عن طريق المنتدى

اطلبي اى شخص يكون فى الامارات وتتفقوا مع بعض

[mubarak]

كلام سليم وفي محله

[مريشكا]

والله انا ما راح افيدك لان هالشي ما صار معى ابدا


بس اجبتنى كلمه العضو لما قال قطو صالح خخخخخخخخ
بالله كيف قطو صالح
يعنى القاه يصلى ويبر فى امه وابوه
ههههههههههههههههههههههههههههههههههه
الله يهديك بس
ويهدينا كلنا بعد

[pinky]

خيتو أنآ قطوتي جيجي يوم رجعت من التزآوج لقيت تحت ذيلها نفس الشي

استغربت منه وحسيت انه اسهآل

عشانهآ ببدآيه الحمل مايصلح اعطييها ادويه فـ سويت لهآ ملعقه نشا مع مويه دافيه

وبدأ يوقف شوي

أوك بخصوص الأبر هي تخربط لها الهرمونآت ومو كويسه ولها اثار سلبيه لا عاد تعطينهآ حرآم

وشكلها طالبه تزآوج . .

مووفقه