كاتي

[هيمالي]

السلام عليكم


عندي مجموعه اسئله بخصوص قطوتي كاتي

انا من اشتريتها ما وديتها للدكتور , و ناوي اوديها بكرا و اسوي لها تشيك اب , و عندي كم مشكله معها و ناوي اسئلكم

القطوه عمرها سنه تقريبا

الاسئله

1- وش اخلي الطبيب يعطيها ادويه و تطعيمات ؟ لاني مدري وش عطاها صاحبها الاول

2 - هل ضروري اعطيها ادويه الدود و الفيتامينات ؟ هل لازم اعطيها بشكل دوري ؟

3 - كيف اخليها تبول بالليتر ؟ لانها تتبرز فيه بس , لكن تبول برا و خاصه بالاماكن المخفيه مثل خلف الكنب و تحت السرير

4 - كيف اخليها تجيني , و كيف اخليها تتبعني ؟


5 - قبل فتره بديت اعطيها زيت زيتون , احطه لها ثلاث قطرات بكل وجبه , مره او مرتين باليوم , و بدا شعرها يتحسن , لكن لاحظت ان سلوكها تغير بعد فتره , صارت تمشي بسرعه بالبيت و تخمش الارض , و تندس عني , مدري ان كان من زيت الزيتون , او انها تحتاج تتزاوج حسب كلام سمعته
لكن الحين رجع سلوكها مثل اول ,


6 - هل فيه دواء او شي سويه و يخلي شعرها يطلع و يصير ناعم ؟

7 - كم مره امشطها ؟



9 - وش نوع قطوتي ؟ اللي اعرفه انها هملايا , لكن مدري ان كانت بلاك او تشوكليت فليم , و ان كانت مون فيس او هاف ,,الخ


هذي صورتها ,




&




اذكرو الله



مشكورين مقدما

[هيمالي]

طرا على بالي سؤال

وش حكايه الطوق اللي يلبسونه القطاوه عن البكتيريا مدري عن الفطريات او البراغيث ؟

كان عندي واحد و لبسته كاتي , لكن شلته مره عشان اروشها و لا رجعته لها للحين


و سمعت ان الهملايا تكون عيونها زرقاء , انا قطوتي عيونها رماديه !! هل هذا شي عادي ؟

[Mo0oMo0o]

نوعها هملايا تشوكلت مون فيس

1- وش اخلي الطبيب يعطيها ادويه و تطعيمات ؟ لاني مدري وش عطاها صاحبها الاول

هوا أول سؤال حيسألك وين دفتر تطعيماتها عشان يعرف التطعيمات اللي اخدتها من اللي ما اخدتها وعلى أساسو حيحدد كم تطعيمه اخدت وحيحذرك لازم يعرف هل اخدت تطعيمات قبل كدا ولا لا

لآنو يأثر عليها سلبي وراح تتعب لو اخدت نفس التطعيمه وممكن ينهار جسمها لآنو القطط ضعيفه
إنتا قلو إنو ماتعرف هل تطعمت قبل ولا لا وشوف إيش حيقولك
بس اعتقد الافضل تدور على صاحبها الاول وتسألو ضروري عشان تأمن من المخاطر ..

2 - هل ضروري اعطيها ادويه الدود و الفيتامينات ؟ هل لازم اعطيها بشكل دوري ؟

لا مو شرط
الفيتامينات عشان الصحه العامه والتغذيه الجيده وتحطو لو حبيت مع أكلها أفضل بس إذا كان أكلها كويس ومغذي ومفيد ماتحتاج فيتامينات
أغلب المربيين ياخدو فيتامينات وهوا عموما كويس وجودها يعني مايمنع لو تعطيها مرتين او تلاته بالاسبوع من الاكل

اما حبوب الديدان او الابره مو شرط تعطيها إلا لما تمرض وتشوف الدود يعني لكن في ناس يحبو مسألة : الاحتياط واجب ويحطو نص حبة مع الاكل كل شهرين عشان تمنع لا سمح الله وجود الدود ..

3 - كيف اخليها تبول بالليتر ؟ لانها تتبرز فيه بس , لكن تبول برا و خاصه بالاماكن المخفيه مثل خلف الكنب و تحت السرير

عندها مشكله نفسيه وممكن ترش لجذب القطط الذكور عشان التزاوج لآنو عمرها مو صغير فـ هيا فاهمه إنو هادا الشي يجذب الذكور وممكن ماتبطل هادي العاده لكن الأهم عليك إنك تطهر الأماكن اللي عملتها فيها وتخلي ريحتها حلوه او لما تجي هيا تعملها وتكشفها ترش عليها مويه عشان تفهم إنو هادا غلط أنو تكتفي بكلمة : لأ بنبره قويه وصارمه وتحط اصباعك على وجهها بين عيونها عشان تفهم إنو لا للرش

بس حاول تخليها بغرفتها ومايكون في اماكن مخفيه تجنباً لحدوث الرش , بس ممكن كمان مايكون طلب تزاوج ممكن حاله نفسيه مثلا تخاف من شي او تعاند فممكن احتمال يكون سبب نفسي
والقطط لما تعمل الرش صعب تتركو بسهوله ,

4 - كيف اخليها تجيني , و كيف اخليها تتبعني ؟

في طرق كتير مره ممكن تعودها عالحلاوه حق القطط وتخليها تتبعك وتلحقك كل مكان وتوريها وكدا حبه حبه ألمن تتعود إنو تجيك من نفسها
وممكن عن طريق اكلها مو إنتا اللي تحطلها الاكل ؟ إذا تتبعك وريها إنو صحن الاكل حقك وحتجي وراك وشويه شويه برضو تتعود إنو تجي معاك كل ماتشوف صحن الأكل حقها وناديها بإسمها

وممكن وقت اللعب خليها تلحقك بحبل وناديها بإسمها

في قطط حنونه تتحبب للواحد وتلحقو بكل مكان حاول تشوف الاشياء اللي تشد انتباهها واعملها وإنتا ماشي خليها تلحقك ممكن بأي طريقه بسيطه .

5 - قبل فتره بديت اعطيها زيت زيتون , احطه لها ثلاث قطرات بكل وجبه , مره او مرتين باليوم , و بدا شعرها يتحسن , لكن لاحظت ان سلوكها تغير بعد فتره , صارت تمشي بسرعه بالبيت و تخمش الارض , و تندس عني , مدري ان كان من زيت الزيتون , او انها تحتاج تتزاوج حسب كلام سمعته
لكن الحين رجع سلوكها مثل اول ,

حلو جدا زيت الزيتون مفيد ومغذي ويقوي الشعر ويمنع التساقط ومالو أي علاقه بسلوكها

اما المشي بسرعه وتخمش الارض او الاثاث شوف اظافرها طويله ولا مقصوصه
يفضل قصها دوريا كل 15 يوم او لما تطول
والمشي بسرعه ممكن تكون خايفه من شي بس أحسو عادي وحلو

التزاوج مادخلو بالمشي السريع

طلب تزاوج القطه لو علامات وهادا موضوع تاني

7 - كم مره امشطها ؟

يفضل مرتين باليوم صباح ومساء

بس في ناس مره باليوم

لكن التمشيط جدا جدا جدا مهم لآنو هيا ماشاءالله لونق هير فـ لازم كل يوم عشان مايتكتل ويعمل مشاكل بعدين وحوسه

9 - وش نوع قطوتي ؟ اللي اعرفه انها هملايا , لكن مدري ان كانت بلاك او تشوكليت فليم , و ان كانت مون فيس او هاف ,,الخ

هملايا شوكلت مون فيس

ماشاءالله تبارك الله شكلها مره حلوه ربي يحفضها لك .

وأي سؤال تفضل وإن شاء الله الاعضاء يفيدوك اكتر .

[Mo0oMo0o]

لون العيون مو شرط يكون ازرق لكن اعتقد الازرق دلاله على إنها بيور والله أعلم بس ما اعتقد كدا

وش حكايه الطوق اللي يلبسونه القطاوه عن البكتيريا مدري عن الفطريات او البراغيث ؟

الطوق دا حق البراغيث وقت مايجيها براغيث تلبسها هوا يبعد البراغيث من منطة الراس والرقبه بس بعضهم يقول إنو مايفيد لباقي مناطق الجسم وفي كمان سبراي وبودرا
مايحتاج تلبسها إلا إذا حبيت تحتاط لا سمح الله بس هوا مو شرط .

[صاحب البنكياتي]

جاوبتك مومو الله يخليها بس ترا هي مو شوكلت لا هي بلو

بس بخصوص العيون

يب يب لازم زرقا واذا على قولتك رماديه فهيمو بيور ( مو اصليه )

وهاذا الي لاحظته من الوجه كمان

[صاحب البنكياتي]

المشاركة الأصلية كتبت بواسطة Mo0oMo0o

لون العيون مو شرط يكون ازرق لكن اعتقد الازرق دلاله على إنها بيور والله أعلم بس ما اعتقد كدا



الطوق دا حق البراغيث وقت مايجيها براغيث تلبسها هوا يبعد البراغيث من منطة الراس والرقبه بس بعضهم يقول إنو مايفيد لباقي مناطق الجسم وفي كمان سبراي وبودرا
مايحتاج تلبسها إلا إذا حبيت تحتاط لا سمح الله بس هوا مو شرط .

كيف مو شرط يكون ازرق الى شرط رئيسي بعد لالا اعتقدي خخخخخخخخخخخخ

[Mo0oMo0o]

تعديل من بعد كلام الاخ الفاضل ,

هملايا بلو مون فيس

ولازم العيون تكون زرق عشان تكون بيور , فـ إذا معناتو قطتك مهجنه *_* ..

والخطأ وارد والمعذره على الاخطاء ,, .

[صاحب البنكياتي]

تسلمين يا مومو يا ذوق

وانت متاكد رمادي ياخي ماينفع شوف ممكن سماوي فاتح وباهت يكون على رمادي تقريبا