كملت شهرين و5 ايام وماولدت

[مجنونة قطاوه]

مرحبا

انا عندي قطه شيرازي امريكي منتجه من قبل مرهـ والحين الحمله الثانيه بس الحين طولت كملت الشهرين والخمس ايام وماولدت وانا بجد خااااااايفه عليها

وبطنها امس كله مجتمع في جهة اليمين واليوم بالنص يعني اللي ببطنها يجتمعون بمكان واحد وقالوا يمكن ماتوا بس اشوف بطنها يتحرك لما تنوم او تجلس

بليز ساعدوني خفت ممممرهـ

[! هاويه الطيور !]

حبيبتي شوفي ياانتي حاسبتها غلط او مدتها اكثر من 60 يوم او فعلا متاخره

ياليت تعطنيا متى اخر مره اهي مع الذكر ومتى انتي حسبتيها بالضبط ؟

وبعدين يفضل دايما الاسبُوع الرابع مراجعه الطبيب واذا انتي خايفه عليها لازم طبيب مانقدر نفيدك

بس ابيك تحطين ايدك واهي جالسه على بطنها بالخفيف راح تحسين بالحركه

وانا قطوتي بايامها الاخير واهي جالسه بدون مالمسها اسمع حركتهم وفعلا مرا يتحركون يمين ومرات يسار

سبحان الله

ويمكن تولد هالايام هذي

.
.

لانه مده الحمل تختلف بعضها يصل 67 يوم

بس يفضل مُراجعه الطبيب واذا شفتي حركه تطمني انها بخير والي في بطنها بخير :")

وطمنينا عليها & وإن شاء الله تولد بالسلأمة

[رعوود]

^
^^

بالفعل كلام صحيح

ويفضل البيطري

لكن عموما بعض القطط تتأخر الولادة عندهم

احد العضوات القدامى

قطتها وصلت للـ ٧٥ وما ولدت

وانما ولدت باليوم الـ ٧٦

لكن يفضل تراجعي البيطري للاطمئنان

وبالتوفيق

[OUT]

مده الحمل من 60 الى 70 يوم

اذا كملت 70 يوم وماولدت وديها بيطري

[آنـــــو]

::
زي ماقاالوا يمكن غلطانه بالحسبه آختي ,, وزي ماقالوا برضو فيه قطط تتأخر بالولاده الي 70 يوم

ولاتخافي ماماتوا ومافيهم الا الخير وتقدري تحطي آيدك على بطنها وتحسسي حركتهم وبآخر الآسابيع تكون

حركتهم كثيره وواضحه وحتى حركتهم واضحه بالنظر

آما بطنها يروح على جنب عادي وخاصه أذا كان بطنها كبير بسبب كثرة عددهم

آًصبري عليها كمن يوم ولو متخوفه مره وديها البيطري يشيك عليها بس آنتبهي يعطيها آبر ويتعبث فيها

وربي يهون عليها وتولد بالسلامه

::

[*عاشقة القطط*]

القطــه تولد بعــد63 يوم من حملها..هذا الطبيعــي

وممكــن تــوصل لـ72 يـــووم ويكون حجم الكيتين أكبــر من المعتــاد

[ميمي584]

كل ما طالت مدة الحمل كل ما كان الكيتنز بصحه افضل

بس اذا تعدت مدة الحمل 70 يوم يفضل تودينها البيطري

ومـــــبـــــــــرووووووووووووووووووووووووووووووووك مقدمـــاً

[مجنونة قطاوه]

آبشركم ولله الحمد

ولدت وجابت 6 كل يجنوووون

كلهم الوانهم بيضه مع ان الام كايلوكي
(( رمادي بيج ابيض ))

يعني مدة حملها 66 يوم


ماشاء الله تبارك الرحمن


الحمدلله وتسلمون لي ياللي رديتوا علي


لآخلآ ولآعدم

فديتكم

[sisi_moon]

ألــــــــــــف مبروك ياقمـرر

ومره ثـانيه لاتخــافين

طبيـعي جدا ان مده الحمـل تزيد عن 60 يوم