مجرد سؤال..وابغى له جواب..

[الحـ البعيد ـلم]

السلام عليكم ورحمه الله وبركاته

كيفكم حبايبي..ان شاءالله الكل بخير

حبيت اسأل سؤال .. عندي قطوتي لوسي
كل ماجينا نلعلبها او احيانا نمسكها او حتى
اذا ماجينها كله تمشخنا بأظافرها..
يعني اللعبت فينا بالجروح .. وانا مو عارفه
ايش اسوي معاها يوم سألت ليه كذا تسوي
مع اني مدلعتها وماااضرها بشي..بعضهم
قال اذا طفشت تسوي كذا وبعضهم قال
تلعب معاكي..وانا ماني عارفه ايش الصحيح
لان قالوا اضربيها جربت بس اشوفها تزيد
عن اول بكثير..؟ فاياريت تفيدوني..

واسفه طولت عليكم..

[Mo0oMo0o]

ومين قال الضرب يجيب نتيجه ؟؟

اختي القطط زي الاطفال الصغار اللي عمرهم سنه ونص سنتين يعني مايفهم ليش ينضرب بس يعرف إنك قسيتي عليه .
ممكن أحيانا لعب وأحيانا يدافع عن نفسه < ماعمري سمعت بقطه تخمش أحيانا من الطفش *_*

الحل الوحيد إنك تقصي اضافيرها وتأدبيها تعلميها إنو دا شي غلط
كيف : الطريقه يعني :
لما تجي تبغى تخمشك بنفس اللحظه قولي كلمة : لأ . وبنفس الثانيه ارفعي اصبعك السبابه بوجهها بين عيونها وخليكي قويه وممكن تجي عينك بعينها وقتها حتفهم إنك إنتي اللي تربيها ودا التصرف غلط

في ناس يستخدمو طرق تانيه زي مرش المويه لما تغلط ترشيه عليها لكن صدقيني دا ماينفع لآنو تخيلي وقت ماكان بيدك المرش وتمادت قطتك عليكي ؟! فهوا حل مو دائم ومو حلو
وفي ناس ينطنشو لما تجي القطط تخمش وتعض وقت اللعب بس الطناش كمان مايفيد لآن القط يعرف إنو هادا التصرف حلو ويسير يتمادى

وإنتو تلعبو حاولي ماتخليها تخمشك أو تعضك يعني ألعبو برواق ,,
ومدة اللعب جدا جدا مهمه ماتزيد عن ساعه وحده باليوم ,
أوك قطتك حبيبة قلبك دلوعتك ما اختلفنا لكن وقت الجد جد لازم تعرف إنك إنتي اللي تربيها مو هيا اللي تربيكي

أبدا لا تفكري تمدي يدك عليها أولا حرام ولؤم تانيا ماحتستفيدي من ضربك لها غير كرهها لكي , فـ الضرب شيليه من راسك وارتاحي ,

ووقت ماتشوفيها مطيعه جدا > طبعا الطاعه أهم شي ولا إيش تستفيدي من كل تربيتك وتعبك
كنت أقول وقت ماتكون مطيعه اديها حلاوه خليها تاكلها مكافأه لها على حسن تصرفها

صدقيني كلو دا اعمليه وحتشوفي كيف قطتك حتسير هاديه ومؤدبه جدا ,
أتمنى أكون أفدتك وإن شاء الله الاعضاء يفيدوكي أكتر .

[Up !]

ممممّ ,,
كلآم مومو صحيح =)

بس عمرّ آلضرب مآجاب نتيجه مع القطاوه ولا غير القطاوه ..
وشكلها جديد معآ‘ك
خليها تتعود على المكان وترتاح لمكان معين بعدين حآولي تعرفينها على باقي البيت
وخليك بشويش معها .. حذره ورقيقه
حسسيها بالآمان
وإن شاء الله يتعدل سلوكها ..
الله يخليها لك

=)

[الحـ البعيد ـلم]

مومو والله اني ماااضربها بقوه لا على خفيف..
وثاني شي ماعاد سويت هذا الشي
وبعدين اقص اظافرها .. وراح اسوي
على اللي قلتي عليه وبشوف ان شاءالله
يفيد والف شكر..

[الحـ البعيد ـلم]

اخوي اب هي مو جديده لها فتره معاي
ومتعوده على البيت كمان وكل حاجه
يعني انا مربيتا .. بس هذه غلطه اهلي
كل اشوي يلعبوها ويسبوها تمشخهم..

ومشكور على المرور

[Mo0oMo0o]

عادي تسير قصدي على لما تكون قطتك مع اهلك تخمشهم وممكن تعض
أنا ميشو قطي يعض أخواني تخيلي لما يشيلوه بعض الاوقات يعض يدهم او ذراعهم > فاهمه كيف !! المهم
ولما يشوفني هههه يجي الأدب والاحترام والذوق < يعرف إيش حيسير لو فكر بلحظه يعض اصبع فيني

يعني هادا كلو عن طريق الممارسه والتربيه الصحيحه فهمتيني اقصد قطتك ممكن مع اهلك بس تعضهم وتخمشهم لكن لما تكون معاكي أو هيا بحضنك مستحيل تفكر تطلع اضافيرها او تكشر عن أنيابها
هادا من خلال تجربتي أعطيك الحل وفي حلول كتير تانيه ^_^
أنا ماقد عضني قطي أو فكر يخمشني لأني صارمه معاه بهادا الموضوع بكلمه وحده القطط تفهم إن كان صاحبها غضبان أو مبسوط ,,

[الحـ البعيد ـلم]

أها اوك مومو تسلمي فديتك على المساعده

وعسى الله لايحرمنا منك ومن طلتك..

[آنـــــو]

::

يعطيك الف عافيه حبيبتنا مومو ماتقصرين

المشاركة الأصلية كتبت بواسطة الحـ البعيد ـلم

اخوي اب هي مو جديده لها فتره معاي
ومتعوده على البيت كمان وكل حاجه
يعني انا مربيتا .. بس هذه غلطه اهلي
كل اشوي يلعبوها ويسبوها تمشخهم..

ومشكور على المرور

آنتبهي آنتبهي من كثرررة اللعب

تخرب آطباعها وتجننها وتخليها ماتعرف الصح من الغلط وممكن تخليها عدائيه وتقلب عليكم وبالذات آنتي وعن تجرربه آقولها لك

قللوا لعب معها وبهدوا لعبوها بخيط آو كوره ولاتلعبوها بآيديكم وتستفزوها وتخلوها تتمادى بالعض والتمشيخ

ولو حسيتها صارت عنيفه باللعب قولي لها لااااا بنبره صاارمه وغليظه ووقفي اللعب مباشره

وقومي عنها وتجاهليها ..

مره الى مرتين لعب تكفيها باليوم ولمدة عشر دقايق الى 25 ومثل ماقلت لك بهداوه مو خشونه وآستفزاز ..

آنا قطاوتي الحمدلله مرررره هااادين ومؤدبين لأن مقلله لعب معاهم بشكل كبيرررر .. ومعممه هالشي على آهلي

حتى لو بيلعبونهم يكونون تحت عيني ولو شفت خشونه باللعب آنبهم ..

ولو واحد من قطاوتي تجرأ وبدا بالعض آو التخميش آقوله لااا آو ( آي ) ويفهمون بسرعه ويوقفون

حتى آحياناً قطوتي بعد ماتمسك يدي تعض آقول آي آي طوووالي تلحس المكان اللي عضته وتفك

كآنها تقول ماآٍقصد وعرفت آنه غلط ^^


وبالتوووفيق قلبوو

::

[الحـ البعيد ـلم]

فديتك خيتو آنو انا هاليوم قللت عض

لان صرت اعاقبها اذا عضت ابعدها عني

واصرخ عليها بكلمه لااااااا.. قللت بس معاي

لكن اتفاجئ اهلي لما اصحى يايلعبوها او

يخلونها تمشخهم والمشكله الكبره بيدينهم

يلعبونها مع اني فهمتهم بس قاهريني

شكلي هم اللي بعاقبهم مو لوسي هههههه