اشترك في نشرتنا البريدية ليصلك كل جديد

OMBK · 13-01-2010, 04:23 PM

السلام عليكم ورحمة الله وبركاته

ممكن معلومات عن سوق الشارقة للطيور ..................

هل هذا السوق له يوم محدد يتجمع فيه الباعة لعرض ما لديهم أو هو مجرد محلات للبيع ؟؟؟

أين موقعه بالضبط في الشارقة ؟؟

هل ممكن أجد فيه طيور الكاسكو بكل أنواعها وأحجامها ؟

شكرا لكل من يجيب

OMBK · 13-01-2010, 08:40 PM

للرفع

للي يعرف سوق الشارقة

OMBK · 14-01-2010, 09:35 PM

تم نقل الموضوع على أمل أحد يرد ............ معقولة ما في أحد يعرف شئ عن سوق الشارقة

..كلمات.. · 15-01-2010, 11:41 AM

انا بعد ابا اعرف اي شي عن سوق الشارجه للطيور

اللي اعرفه انه سوق ( محلات ) ومفتوح اتوقع اغلب ايام الأسبوع إذا مب كلها

وارخص عن سوق أبوظبي

بس ابا اعرف إذا متوفر فيه طيور الأمزون ؟؟ وابا اعرف اسعارها في الشارجه

كاسكوكيه · 15-01-2010, 02:11 PM

... يبت لك معلومات من النت عن سوق الشارجه..

اقتباس:

والثالث واللي انصحك فيه وهو فعلا احسن الاسواق عندنا سوق كبير وفيه كل شي ويجونه من كل مكان.. وهو سوق الشارقة.. وطبعا بتلاقي فيه كل شي يخطر في بالك وكل مستلزمات الطيور من اكل واللعاب واكسسوارات واقفاص وغيرها.. ومن غير في صيدليه وعياده بيطريه في نفس المكان... وهو طبعا موجود في مدينه الشارقه تحت جسر الخان بتلاقي سوق السمك على يسارك وسوق الحيوانات والمواشي على يمناك وقبله بتلاقي مثل المشتل يبيعون فيه زرع وما زرع وهالاشياء... انته كمل شويه وبتلاقي لافته مكتوب عليها سوق الطيور عند محطه البترول (ايبكو) لف هناك وبتلاقي السوق.... المكان حلو وانا متأكده انه بيعجبك.. ومن اسبوع جايبين فروخ رمادي حلويين ومع شهادتهم وتبدأ اسعارهم من 1500 درهم وطالع....

اقتباس:

و السوق طبعا كان بمكان قريب من السوق حالي و كان جنب سوق السمك و السوق القديم تقريبا اتأسس بأول الثمانينات أو يمكن أواخر السبعينات و كان قبل بمكان ثاني بمنطقة المجرة و و السوق الحالي انشأ سنة 1996 ميلادية و يحتوي على 60 محل 20 منهم للدجاج (دجاج ذبح) و الباقي 40 محل موزع بين طيور و عصافير و أسماك و حيوانات الفيه مختلفة .

صوره للسوق من الخارج

صوره للمحلات من الداخل..

صوره للبغاوات تنباع في السوق..

الصوره.. و المعلومات كلها منقوله من النت.. بحثت لك في قوقل.. و بالنسبه لي اخوي الي يروح السوق هذا.. انا ولا مره رحت له..