عاجل ،، ولا بروح فيها ضحية لقطوتي

[دلوووعة باباتي]

السلام عليكم ورحمة الله وبركاته

والله ان الموضوع مثل ماكتبت بعنوانه

قطوتي صار لها عندي 6 شهور تقريبا

عمرها الحين 10 شهور ونوعها شيراز

قطوتي الله يسلمكم اليفه وتلعب وحبوبه وكل شي زين فيها

الا شي واحد

اذا احد خالاها تعصب او سوى لها شي ما يعجبها

ماتقولهم شي !!

بس من اروح صوبها تنتقم مني شر انتقاااام

والله انها تشمخ فيني وسوت لي شوارع في يديني وبدون مبالغه

حتى ان ابوي يقولي اخر شي بيقصون لج ايدينج من ورى هالقطوه

خذت لها دوى مهديء من عند الدكتور البيطري

لكن ماسوى شي .. وانا اقص اظافرها

لكن المصيبه انها بعد تعض وماتهدني الا بعد ما تقطعني تقطيع

سألت الدكتور اذا في ابره ممكن اعطيها اياها تهديها شوي

بس قالي مافي .. وعطاها ابرتين عشان ما تنقل لي الامراض

بس المشكله الاساسيه مانحلت ..

على فكره انا شخصيتي عصبيه جداً .. بس قريت في المنتدى ان الحيوان ياخذ شخصية الي يربيه

فقمت وتغيرت 100% عشانها .. ما اصرخ عليها ابداً .. و

حتى لما تعضني ما اتحرك واقولها اني احبج ليش تسوين فيني جذي لين ما تشبع وتتركني

( مع ان امي تقولي انا لو مكانج احذفها من الدريشه ما اقعد اسولف معاها على الي تسويه فيج )

بس انا مابي اعاملها غلط عشان ماتكرهني وعشان ماتصير عصبيه بعد ..

ولا عمري عاملتها بعصبيه من خذتها .. واحبها واسولف معاها على طول والعبها

حتى اليوم سويت لها بيت من الكرتون وهي حبته وبروحها دخلت فيه وانا اسويه

ولما شفتها مستانسه عليه مسحت على راسها اقولها حلو بيبي؟؟

وردت علي بعضه محترمه ,, مادري قصدها اوكي حلو بس روحي عني !!

هل انا طريقتي غلط ؟؟ ولا انا اسلوبي معاها صح وبس لازم اصبر عليها لغاية ما تتعلم؟

عشان اذا اسلوبي غلط اغيره .. واذا صح بكمل عليه لاني اعرف ان تعليم القطط يبي له صبر

والسموووووووحه قلت لكم قصة حياتي .. بس انا ماربيت قطوه من قبل Help Me

[ميمي584]

يمكن هي خذتها عاده

احسن حل خذي مرش ماي واذا ماعندك خذي المرش حق تلميع الزجاج وغسليه عدل وحطي فيه ماي وكل ماعضتج رشيها وهي اقوى حركه تخوف القطط وتمنعهم وتعلمهم ان ذا الشي غلط

والله يوفقك

[Mo0oMo0o]

حل ميمي حلو لكن لما تعضك ومايكون متوافر جنبك مرش المويه إيش تعملي؟
في كمان طريقه مجربه > وممكن تكون نافعه لقطتك
أنا عن نفسي مره طريقه نافعه مع قطي ,, ومايفكر ابدا يعضني ولا عمرو تجرأ لأنو يعرف إني حكون صارمه معاه

شوفي اختي وقت اللعب غير ووقت الحنان غير ووقت الجد غير خليكي مع قطتك زي كدا لما تغلط فيكي مو تظهريلها الحب لا دا شوفي كيف جاب نتيجه سلبيه عليكي بدأت تربط بين عضها وخمشها لكي وبين إنو يكون دا الشي بكل وقت تكوني جنبها



لما تجي قطتك تخمشك او تفكر تعضك او تتهجم عليكي قوليلها :: لأ :: بنبره قويه جدا وخلي عيونك بعيونها خليها تفهم إنك إنتي سيدتها وإنك رافضه دا التصرف منها
وبنفس الوقت وارفعي اصبعك السبابه أو اصبعين في وجهها شوفي الصوره





خليكي صارمه مره معاها ولا تضهريلها أنك خايفه ابدا لأنو لو حست إنك خايفه منها راح تتمادى وممكن تإذيكي

تذكري إنك إنتي اللي تربي قطتك وإنتي اللي تخليها تترك العض والخمش مو هيا اللي تقدر تتسلط عليكي وتإذيكي براحتها

وبعد ماتهدا ابدأي ارجعي امسحي عليها واهمسيلها اضهريلها حبك وحنانك

القطط مو بدي البساطه حتترك دا الطبع لكن إحنا كمربيين نحاول بكل الطرق إننا نحد أو نقلل من دا التصرف ,

ولاتفكري تستعملي الضرب معاها اولا هوا حرام تانيا حتخسري حبها وتعلقها فيكي

ولما تعمل شي طيب وحلو وتكون مطيعه وهاديه كافئيها بحلاوه خاصه بالقطط مره يعشقوها كل القطط وبدي الطريقه كمان تتعود إنها ماتعضك ولا تخمشك ولا حتى تإذيكي وبنهاية اليوم حيكون في مكافئه ^_^

[دلوووعة باباتي]

هلا خواتي .. شكرا على ردودكم المفيده وان شاء الله راح احطها بعين الاعتبار ..

بجرب كل الطرق الي ذكرتوها وان شاء الله

وبخبركم شو صار معاي بعد فتره

ماقصرتوا الصراحه كفيتوا ووفيتو

[آنـــــو]

مرحبا فيك آختي

آكبر غلطه تغلطونها هو آستفزاز القطوه وتعصيبها وملاعبتها بعنف وبكثره يعني آنتي تلعبينها وبعد ماتخلصين يجي واحد من

آخوانك ويلعبها ويخلص ويجي الثالث وهكذا . . . هالأسلوب بالتعامل يغير آطباع القطوه ويحولها الى عدوانيه

وهذي حقيقه تجربه مريت فيها وصارت قطوتي عدوانيه كثيرررر كثيررر

ولما تعصب تتهجم علي آنا مع آني صاحبتها !!! وكنت برضوو آصررخ عليها لأني مثلك عصبيه شويتين

هذا قبل من سنين ولما صرت آقرا بمواقع وهيك ,, وعرفت سبل كثير بالتأديب وبالتعامل تغيرت معاملتي معاهم

وقطاوتي كلهم الحين مؤدبين معاي ويفهموني ويعرفون حدودهم متى هالشي صح ومتى يكون غلط ..

فـ شوفي حبيبتي آول خطوووه ,, قللوا اللعب معاها .. اللي قريته بالمواقع الآجنبيه مره الى مرتين وقت لعب مدة 10 دقايق تكفيهم للقطط الكبار

والصغار 4 الى 5 مرات باليوم لمدة 10 دقايق بالكثيرر ..

واللعب يكون بهدااااوه مو آستفزاز .. بخيط مثلاً آو ترمين لها كوره آو ورقه مكوره وتبتعدين آنك تلعبينها بيدك لأنها راح تعتبرها لعبه و تتجرأ عليها ..

بالنسبه للتأديب ماقصروا آخواني

كلمة ( لاااا ) هذي جربتها شخصياً ومازالت متبعتها مع القطط الكبيره ويفهمونها

وآدخلي على هالرابط فيه طرق تأديب زياده

http://www.2zoo.com/vb/showthread.php?t=92909

وأدخلي هنا يمكن تفيدك الأجابه

http://www.2zoo.com/vb/showthread.ph...60#post1211660

[كيتوّ]

خيتو صح الصور اللي حطوها في البدايه ..

وحاولي تختارين قطو في المستقبل من المزارع مو من محل لان لو كانت من محل بتكون عارفه تتلق الاشجار كذا تهرب لو في بيتكم شجره وحده مجربين في سنورة اخوي هعهع اما سنورتي من المزرعه فما تعرف تتسلق على الشجر مع انها تقعد تطالع في السنانير هع

[اخت امل]

فس مشكلتي بس انا اخواني علموها العض والخربشة الين لمن صارت تشوف يد اي احد حتى لو
غريب تهجم عليها بس ايش قول الشكوة للة

[kit_kat]

القط يحتاج الى حنان وموده ومن الاساس عدم ضربه
الله يعينك .. وإن شاء الله يتغير الحال الى الاحلى