اشترك في نشرتنا البريدية ليصلك كل جديد

ببغائي ميمي · 21-10-2009, 06:58 PM

السلام عليكم

وديت ميمي اول امس لمكان ثاني .. وبخليها 10 ايام عندهم <<< لعلا وعسا تنطق

المهم ................
لم دقيت على اختي اليوم قالت طرمه ماتتكلم تغرد شوي بس لما يقربون منها تطلع صوت ثاني
كنها بتصارخ بس على خفيف اكيد عرفتو كيف الصوت ......
كنها كلب بيهجم شفتو كيف صوته ايه نفس الصوت تطلعه ميمي <<<<<<<< اقرب مثال لها

قلت لهم لازم تكلمونها تحطوها في نفس مكان جلستكم ..... وتدلعونها ((( سوالف حريم )))
وتضيفونها بالشاي والقهوة والمكسرات والنعم .... فيهم الخير والبركه
واهم شي الحب لا تنسوها مع السبال والماي البيذر الحلوو

بستنى 10 ايام واذا مافادت بخليها 10 ايام ثانيه .... واذا مافادت

ان شاء الله ياربي نحصل فررررررق

سكر · 21-10-2009, 07:28 PM

هههههه

لا ان شاء الله تلاقي أخبارك تفرحك بإذن الله

أهم شي انهم يخلو القفص في مكان إضائته طيبة على الأقل 8 إلى 9 ساعات في اليوم

حتى يحس ان الوضع تغير ويشعر بنشاط أكبر

على العموم ما يهم اذا تغير عندهم أو لا,, يعني حتى لو ما تغير عندهم, لما يرجع عندكم راح يتغير لانه رجع لمكانه القديم اللي هم متعود عليه

وراح يكون مبسووط كثير

وربي يوفقك وتسمعو أخبار حلوة بإذن الله

تحياتي

ببغائي ميمي · 21-10-2009, 07:44 PM

ان شاء الله تتغير وتفرحني

المهم هذي صور ميمي قبل المقادره وهي بالمطار

اللحظه الاخيره قبل الحبس

شرايكم فيها

اي تعليق عليهاااااااااااااا

ببغائي ميمي · 22-10-2009, 12:03 AM

شدعوووووووووووووووووووووه

ولا احد الا سكررررررررررر

على الاقل علقوووووووو على الصوررررررررررررررر

د. إحتـراف · 22-10-2009, 12:21 AM

السـلام عليكم

أول شي احب اقولك اختي ان طيرك ذكر والله العالم

لو كانت الصوره اوضح شوي كان احسن

بس من شكل النقار وتقوس العين ولون ريش الصدر أقولك انه ذكر

وفي شي مهم في الطيور وهو اذا كان الطير ذكر سميه اسم مذكر واذا كان انثى يكون مؤنث

لان الاسم على حد علمي يأثر على الطير

والصوره مو واضحه للعين عشان نشوف لون العين

بس طيرك جميل جدا وكنه شيـخ ماشاءالله

غير كذا رقبة الطير طويله ماشاءالله وهذا شي حلو وراح تتذكرين كلامي لما تشوفينه يصفر

اي طير تكون رقبته طويله يكون مبدع في التصفير والتشكيل والكلام عنده راح يكون وااااضح

اهنيـك ماشاءالله على هذا الشيـخ وان شاءالله تسمعينه ينطق اسمك

انا ابي أسالك انتي ليش وديتيه مكان ثاني عشان يتكلم ؟

ليش انتي مادربتيه على الكلام ؟

لان الطير اذا تكلم وهو عند اختك وجبتيه البيت اتوقع انه راح يسكت كم يوم اقل شي اسبوع

بس حبيت اقولك ان طيرك ماشاءالله جميل ونظيف وجرمه حلو

تقبلي مروري

راينو · 22-10-2009, 12:42 AM

ما شاء الله طير روعه
بالنسبة للكلام و التصفير
اصبري عليه شوي
اهم شي بمربي الببغاء انه يتحلى بالصبر

ابو محمــد · 22-10-2009, 05:40 AM

ماشاء الله الطير حلو ونظيف وجرمه كبير وعمره اقل من السنتين,,

اذا الطير جديد ع الأقل في العمر هذا يحتاج وقت حتى يتاقلم ,,

واذا ع الكلام يحتاج شهر او اقل ع حسب تدريبك له.

سياره بدون مكيف · 22-10-2009, 07:59 AM

اقتباس:

ماشاء الله الطير حلو ونظيف وجرمه كبير وعمره اقل من السنتين,,

اذا الطير جديد ع الأقل في العمر هذا يحتاج وقت حتى يتاقلم ,,

واذا ع الكلام يحتاج شهر او اقل ع حسب تدريبك له.

السلام عليكم صباح الخيراااات

انا الان عندي ببغاء

الجنس انثى
الاسم ياسمين ودندلعها ياسمينوو
العمر تقريبن سنه و11 شهر
الكلام اول ماجبتها تقل طرماء ماتتكلم
وراعيها لعب علي طبعن

وجبتها للبيت جلست يوم يومين ثلاثه اربعه مانفع
كلمت ابو محمد قال انا كوكو جلس عندي شهر ونصف ولا تكلم ولا صفررررر
وفعلن اقتنعت وصبرررت يوم اني صبرت لمده ماتقارب شهرين فعلن تكلمت وبدت تبدع

ومن كلامها

{ الو الو السلام عليكم هنووودي حبيبي باي بااي حمد اسم الوالد وتقول بابا}

والتقليد

1- صوت القطوه بصوووووووووووت مررررره واضح
2- صوت رسالت الجوال يبيلها تدريب عليها
3- تصفيررت الكروان
4- تصفيرت الكناري السوري
5- تصفيرت الدره الفرخ
6- تشكييييييييل في تشكيل بالتصافير
7- صوت قريب من خرير لمويه
8- تعطي بوسه تقول يله يله هنووديي بوسه امووووه
9- اقولها راسك تنزله

وانا عن قريب بنزل مقطع لها وهي تتكلم وتتدلع

وانا اقولك زي ابو محمد كوكو جلس معاه فوق الشهر
وانا شهرين
يعني الببغاء لازم ترتاح للبيت وتعرف اهل البيت

وانا اقولك الصبر مفتاح الفرج

Bo-Danial · 22-10-2009, 08:40 AM

السلام عليكم

ما شاء الله تبارك الله

الله يخلي لكم الطير

وانشوف له كلام وحركات بتاع كلوووه

الطير لازم ياخذ الراحة والامان وبعدها يبدع

انا اللي عندي قعدت فترة تكتشف البيت <<< طولت في الاكتشاف

الحين الحمد لله زقرتية

لكن تركناها يومين مو ماعطينها وجه زعلت ومدت البوز ... كان عندنا عرس ولا فضينا لها

يلا الحين نعوضها

موفقين

~~بندر الحب~~ · 22-10-2009, 12:37 PM

مشكوووووور والله يعطيك الف عافيه