الكاسكو دايم يبي ينام

[مطلوب أفريقي]

السلام عليكم

يا اخوان انا عندي الكاسكو حقي ( كوكو ) طبعا بحكم انه اول ببغاء لي حبيت استفسر اذا هذا شي طبيعي او لا بس ..

انا عندي الكاسكو من شريته وهو مايجعر اصلا لكن مو أليف ..

اذا طلعته ع الشمس يحاول يطلع بأي وسيله ويتقلب ويحوس ..

المشكله في انه طول الوقت يغمض عيونه كذا يبي ينام .. لدرجة اني اليوم خليته من امس ولا فتحت عليه لا نور ولا شي تقريبا24 ساعة بس اسمع منه الصوت الي يطلعه بمنقاره مادري اش فيه مره كثير ومزعج هالصوت ..

طبعا هو عندي تقريبا اسبوعين وللحين مافي تقدم الا انه ماصار يخاف مني مثل اول ..

انا شريت له قفص جديد وكبير صار يجلس على العصاة الي فوق والاكل تحت ولا شفته ينزل له ابد يمكن مايعرف ولا ايش ..!؟

وبرازه مادري احسه قليل عن اول يعني باليوم ما يتبرز الا مره وحده ويكون كثير مره وحده ..!

هذا شي طبيعي ولا فيه مرض

وانا اكثر شي خوفني عيونه يصير يغمضها وبس وكل ما اصدرت حركة يصحى باسرع وقت ويخاف

وابي نصايحكم انا البيت دورين وكبير لكن متحرك يعني اهلي وخواني واولادهم كلهم يجون وازعاج طول اليوم حتى بالليل يصحون ناس يذاكرون بالليل وناس يذاكرون بالصباح << حسيت انهم 100 واحد ترى كلهم 10 انفار مع اولاد اخواني ههههه

المهم وين احطه مع العلم انه مافي مكان هادي ..

هل ممكن يتعود على الازعاج ويصير ينام فيه؟

وكيف اعلمه على التصفير؟

شكرا لكم اتمنى اجابة شافية من الاخوان