اشترك في نشرتنا البريدية ليصلك كل جديد

xoox · 13-10-2009, 12:55 AM

السلام عليكم

هذي طيوري الدرة

وابي منكم جدمة بسيطه

ابي معلومات عنهااااا

عمرها ذكر ام انثى

كبييرة ام صغيره

وهل يمكن تدريبه ام يحتاج الا صعوبه

كل شي بليزززززز

عاشق الكاسيكو111 · 13-10-2009, 01:05 AM

السلام عليكم ورحمة الله وبركاته

هذا فرخ مو كبير تقريبن 5الى

في خاطري شي · 13-10-2009, 01:13 AM

ماشاءالله طيور جميله .. وان شاءالله الاخوان يفيدونك

ومبرووووووك عليك الدره

~~سامبل تيود~~ · 13-10-2009, 03:08 AM

السلام عليكم ..

أهلا بك وأسأل الله أن يبارك لك في حلالك ومالك ..

بالنسبة للصورة الأولى ؛ فهو ذكر درة كبير ، لا أبالغ إذا قلت 5 سنوات ؛ لوفرة اللون السماوي على رأسه ..

والصورة الثانية أنثى بالغة ولست متأكد بسبب ضعف دقة الصورة ..

الأمر الآخر ..

أنا ما راح أجاملك وأقول إنها تصلح للتربية بشكل كبير ، وما راح أكذب عليك وأقول إنها ما تصلح ..

لأن الطير كلما صغر عمره كلما زادت قابليته للتعلم ..

لكن الآن لديك فرصة كبيرة ومن حظك أيضا .. إنك توالف الذكر مع الأنثى وتجيب لهم قفص كبير وحلو وفراخه على مستوى وما راح يكلفك كل هالشغل ولا 200 ريال .. وشوية وقت تقرأ فيه عن إنتاج الدرة وتأقلمها مع الأجواء المختلفة ..

وموسم إنتاجها جاي قدام إن شاء الله ثلاث أشهر أو أربعة ..

شد حيلك يالغالي ..

و|أتمنى أكون أفدتك .. وكل هذا مجرد رأي متواضع .. يمكن يؤيدوني عليه الإخوان ويمكن لا ..

شكرا وتقبلوا مروري ..

very smart · 13-10-2009, 10:11 AM

السلام عليكم ورحمة الله وبركاته

مبروك عليك أخي الكريم هذه الطيور الجميله

بالنسبه للصوره الاولى هو ذكر بالغ ولاكن لا استطيع تحديد العمر بالضبط ولاكن فوق سنه ونصف

بالنسبه للصوره الثانيه هي احتمال تكون انثى بالغه او فرخ صغير لان الصوره غير واضحه جدا

ولاكن التربيه والتدريب لطيور الدره وهي في هذا العمر صعب جدا ولاكن عليك وضعهما في قفص كبير ومحاولة

الانتاج لان موسمهم جاي مثل ماقال اخوي الكريم سامبل

NTFA · 13-10-2009, 12:44 PM

بسم الله الرحمن الرحيم..

أخووي..

الصوورة الأولى ذكر باالغ و عمرة تقريبا سنتين أو ثلاث .. لآن الأزرق كثير و الطووق عريض..

الصوورة الثانية ..مو مبين كم عمرة ..لآن الصوورة مو واضحه حط صورة وااضحه و إنشاء الله نفيدك..

تحيااااااتي..

|| كــروآن || · 13-10-2009, 12:52 PM

صورة الأولى ذكر و الثآنيه انثى وهم فروخ وليش كبآر ..

انشاء الله تشوف الأنتآج ..

~~سامبل تيود~~ · 13-10-2009, 12:59 PM

اقتباس:

المشاركة الأصلية كتبت بواسطة || كــروآن ||

صورة الأولى ذكر و الثآنيه انثى وهم فروخ وليش كبآر ..

انشاء الله تشوف الأنتآج ..

أهلا أخوي كروان ..

ممكن نستفيد منكم ..

كيف يالغالي عرفت إنهم فروخ ؟!

وكيف استطعت تحكم إن الفروخ منتجة ما شاء الله ..؟!

ربما لا تكون الصور واضحة ..

شكرا لك وعذرا لتدخلي ..

بندولة حب · 13-10-2009, 01:31 PM

مساء الخير
بختصار الصوره الاولى ذكر بالغ
والصوره الثانيه ياليت تصور لون العين من قريب عشان نفيدك
واخوي لأتعب روحك معهم اذا كان بنيتك تدربهم لأن الدره عنيده ويتعاني معها وبتاخذ من وقتك الكثي دون فايده تذكر
مثل ماقالو الاخوان
لو تستفيد منهم باالانتاج افضل لك