سؤال للخبراء واتمنى الكل مساعدتي !!

[هاااايز]

السلام عليكم ورحمة الله وبركاته

اخواني مربين البغبغاوات اليوم حاب استشيركم وتفيدوني في بعض المعلومات

انا قررت اشتري بغبغاء اذا الله اراد وعندي مشاكل بسيطه قريت مواضيع عن البغيغاوات وعن انواعها من كاسكو ومكاو وكوكاتو والبرازيلي المهم ناس تمدح كاسكو وتقول ذكي ويتعلم بسرعه وسعره مناسب واحسنهم من ناحية الذكاء والكلام وناس تقول المكاو وناس تقول الكوكاتو والبرازيلي محد يمدحه لصعوبه نطقه ونادرا ما تحصل واحد يتكلم على كلام البعض .. انا امس زرت بعض محلات الطيور وسئلت عن الاسعار والانواع وحصلت كاسكو عند محل يختلف بالاسعار بشكل عجيب

كاسكو سعره 700 ريال مع القفص عمره على قولة صاحب المحل سنه ونص واخر 1200 واخر 3000 واخر 6000 وجميعها كاسكو ماهي الميزه بينهم اللي تخلي اسعارهم تفرق عن بعض بهذا الشكل الملحوظ هل فقط من ناحية التدريب وحفظ الكلمات فقط ولا نواحي جماليه من ناحية الشكل واللون والعمر والحجم وماهي انواعها وافضلها من ناحية النوع واللون والتربية اتمنى منكم افادتي ولكم مني جزيل الشكر واسئل الله العلي القدير ان يتقبل صيامنا وقيامنا ويجعلنا من عتقائه من النار وان يبلغنا ليلة القدر ويجلعنا من المغفور لهم اجمعين يارب العالمين ..

["مجرد علامة"]

اللهم آمين يارب العالمين


مرحبا فيك اخوي


طبعا اذا كنت تبحث عن الكلام الافضل الافريقي والامازوني

ويظل الافريقي الاكثر تواجد عندنا والافضل من ناحية السعر


واذا تبحث عن الاشكال المكاو والكوكاتو منظرها رائع لكن كلامها اقل واقل وضوح



وبالنسبة لسؤالك الثاني
الإفريقي نوعين :

الغيني "وهو الصغير اللي لونه غامق ولون الذيل احمر غاااامق او نحاسي ولون منقاره فيه عاجي"


والرمادي "وهو الكبير اللي لون الريش في الذيل أحمر"


هذي صورة توضيحية :



الغيني أو التمنة على اليمين ، والرمادي او الكونجو على اليسار
لاحظ فرق اللون والحجم

وكلهم يطلق عليهم كاسكو


عموما الغيني ارخص من الرمادي دائما
مثلا اسعار الفروخ الغيني ب 400 ريال والرمادي ب 800 الى 1000 ريال


ومافيه فرق بينهم من ناحية القدرة على الكلام او الذكاء او تعلقها بمربيها


طبعاً كلما كان الطير أليف ولايجعر أو يتكلم يزيد سعره شوي

بس المحلات طبعاً تعطيك اسعار خيالية

انا انصحك تروح سوق الطيور او تروح قسم البيع تلقى بإذن الله طلبك


وموفق بإذن الله



يارب عفوك

[ابو محمــد]

ما قصر اخوي مجرد علامه كفى ووفى.

[هاااايز]

مشكور مجرد علامه وجزاك الله خير على هالشرح ومشكور اخوي ابو محمد على المشاركه طيب والجامبو وشلون حجمه ويفرق واللي يكون منقاره طوويل ؟؟؟

[بو نايف]

الجامبو يطلق على الكاسكو الكبير الحجم يعني الجامبو مش فصيله من الكاسكو إنما هو وصف فقط

["مجرد علامة"]

مشكور ابومحمد
مثل ما قال لك اخوي بونايف

الحجم فقط يعني اللي حجمه كبير يسمى جامبو

واختلفوا الخبراء في حكاية الجامبو هذا

بعضهم يقول انها مجرد اختلافات في الطول والوزن تبعا لإختلاف المناطق اللي يعيش فيها الطائر

والبعض الآخر يقول ترجع للتغذية في الصغر وتكامل العناصر الغذائية من عدمه

البعض يقول انها مثل السلالة يعني انتقاء نوعي مثلاً :

على مدى اكثر من جيل يكون الذكر او الأنثى او كلاهما "جامبو" اي الحجم والوزن كبير

فيكون الناتج بعد اكثر من جيل طيور احجامها كبيرة واوزانها كذلك



والبعض يقول انه لا وجود لشيء اسمه جامبو او سوبر جامبو
ولكن الفرق واضح في احجام الطيور حتى من نفس العمر والجنس

مثل وضوح الفرق في الوانها فبعضها لونه رمادي فاتح وبعضها عادي وبعضها غامق

والله تعالى اعلم

[هاااايز]

شكرا جزيلا اخوي ابو نايف واخوي مجرد علامه وانتظروا قريبا بغبغائي

وتحياتي لكم

[بو نايف]

بالتوفيق

[o9Liii]

الله يوفقك باللي فيه الخير