سؤال عن تدريب المسح على راس الببغاء

[فتفوته]

السلام عليكم

اتبعت طريقتي في تدريب ببغائي الكاسكو على مسح راسه بإني الفه بالمنشفة واطلع راسه واخلي منقاره امامي وامسحه

طيب هنا سؤالي
هل وانا مسح اقوله راسك راسك علشان بعدين اذا تدرب ينزل راسه بمجرد سماع الكلمة .. ولا كيف ؟

وكم يوم اجلس ادربه على هالطريقة ؟


ادري ان الاسئلة غبية بس مشوها لي بردودكم المفيدة

[فتفوته]

up

[عـــزووز]

ايه اكيد اختي لازم تقولين الكلمه ونتي تحكين راسه عشان يفهم بعدين

[كاسكـــو]

ايه اذا مسحتي على راسه قولي راسك راسك عشان بعدين يفهمها وينزل راسه لك

.
.

لانه بعدين اذا تروض وتعلم وشافك راح يقول لك راسك راسك يعني حكي راسي

وكم مره تدريبنه على هالطريقه عادي مرتين او ثلاث مرات باليوم كفايه كل يوم

وبعدين اذا تروض وصار مايحتاج المنشفه اللي تلفينه فيها اذا جيتي عنده قولي راسك وحكي راسه

راح يغثك من الدلع كل ماشافك ينزل راسه ويقول راسك راسك يعني افهميها

.
.

وعلميه على الرقص اذا رحتي له صفقي بيدك وارفعي راسك ونزليه تحت ( دق رقبه )

عشان اذا شافك تجين له يقلد صوت صفقة اليد ويرقص لك

طبعاً تعليمه الرقص اذا صار اليف ويكون فوق المجثم مايكون ملفوف بمنشفه

[جداااوي]

صح الكلام كل ما مسحتي راسه قولي راسك راسك
عشان يفهمها
وماشاءالله على الاخ كاسكو ما قصر معاكي
تقبلي مروي

[فتفوته]

الله يعطيكم العافية اشكركم كثيرا

اخوي كاسكو

ببغائي علمته الرقص كل ما يشوفني يحليله يطق رقبة

بالنسبة للمسح اليوم مسحت على راسه ثلاث مرات على فترات متقطعة

هو ولد اجاويد وحبوب ما يجعر ويخليني احك له راسه بس المشكلة بمجرد اني اطلق سراحه من المنشفة ينسى التدريب ويهرب مني يعني ما كأني دربته

تتوقعون فيه امل يجي يوم ويقولي راسي راسي ولا ما اكمل التدريب ؟

وترى عمره موب كبير يعني بحدود السنة وشوي على كلام الطبيب وانا احسب الولد داخل السنتين ..

[أبو ريـــــــــــــان]

أهم شي التكرار يافتفوتة خلك كذا كل يوم

لحد مايطيح الحطب اللي براسة وأن شاءالله راح تشوفين العجب

[كاسكوكيه]

ما شاء االله.. بس انتبهي انتي تقولي له راسك راسك.. يعني هوه ما بيقول راسي راسي.. ههههههه مسكين ما يعرف للصرف العربي

انا يوم امسح على راس شامبيه اقول له دلعيني الحين يوم اقول دلعيني ينزل راسه وامسح عليه يعني اعلمه الكلمه الي اريده يقولها لي.. مش الكلام الي انا اقوله له

تقدرين تقولين له كلمه مثل دلع.. ولا.. تبغي دلع.. بس اثبتي على كلمه من اول شي.. لا تغيريها .. لانه بيتلخبط

[فتفوته]

يعطيكم الف عافية

الله يقوينا على عناده
بستمر معاه الين يتروض وبقولكم عن النتيجة

[فتفوته]

جيت ابكحلها عميتها
الطير صار يخاف مني اذا قربت منه
اكمل ولا اوقف ؟